BERUNIY RAYONÍNDA SOCIALLÍQ-EKONOMIKALÍQ ÁHMIYETKE IYE BOLǴAN OBEKTLERGE IRGE TASÍ QOYÍLDÍ

Beruniy rayonı sociallıq-ekonomikalıq jaqtan qolaylı aymaqta jaylasqan. Rayondaǵı Abay awıl puqaralar jıyını aymaǵında “LIDER GIPS” JShJ tárepinen gipsokarton islep shıǵarıw zavodınıń qurılısı ushın irge tası ornatıldı. Usı ilajǵa Qaraqalpaqstan Respublikası Joqarǵı Keńesiniń Baslıǵı Murat Kamalov qatnastı. Bul obekttiń joybar bahası 22 milliard 704 million swmdı qurap, 45 jumıs ornı jaratıladı. Rayon belsendileri hám nuranıylar qatnasıwında usı aymaqta jáne bir úlken ekonomikalıq áhmiyetke iye zavod – “BERUNIY BUG’DOY CLUSTER” JShJ tárepinen un zavodınıń qurılısı da baslandı. Bahası 33.5 milliard swmdı quraǵan iri joybar iske túsirilse, 200 adam jumıs penen támiyinlenedi. Bul joybar jıldıń aqırına deyin iske túsiwi belgilengen.

Beruniy rayonı hákimliginiń málimleme xızmeti