JOQARǴÍ KEŃES BASLÍǴÍ RESPUBLIKAMÍZ HAYaL-QÍZLARÍN BAYRAM MENEN QUTLÍQLADÍ
3625
6-mart kúni Nókis qalasında 8-mart – Xalıqaralıq hayal-qızlar bayramı múnásibeti menen saltanatlı ilaj ótkerildi. Onda respublikamızdıń barlıq qala hám rayonlarınan kelgen nuranıy analar, jámiyetlik turmısta belsendilik kórsetip atırǵan hayal-qızlar, túrli ministrlik hám mákemeler wákilleri qatnastı.
Ilajda Qaraqalpaqstan Respublikası Joqarǵı Keńesiniń Baslıǵı M.Kamalov qatnasıp, respublikamız hayal-qızların bayram menen qutlıqladı.
Atap ótilgenindey, Húrmetli Prezidentimiz basshılıǵında búgingi kúnde elimizde hayal-qızlarǵa ǵamqorlıq kórsetiw, olardı hár tárepleme qollap-quwatlaw, jámiyetlik-siyasiy, sociallıq-ekonomikalıq turmıstaǵı belsendiligin arttırıwǵa ayrıqsha itibar qaratılmaqta. Elimizde gender teńlikti támiyinlew, hayal-qızlardı jámiyetimizdiń barlıq tarawlarında óz qábiletin, potencialın kórsetiwine keńnen jol ashıw, olardı kásip-ónerge, isbilermenlikke úyretiw, sociallıq qorǵawǵa mútáj háyallarǵa járdem kórsetiw maqsetinde «Hayallar dápteri»n engiziw, joqarı oqıw orınlarında bilim alıp atırǵan qızlardıń shártnama tólemlerin tólep beriw, pidayı, talantlı hayal-qızlardıń miynetin múnásip bahalaw sıyaqlı bir qatar jumıslardıń ámelge asırılıp atırǵanı analarımızǵa, apa hám qarındaslarımızǵa, dilbar qızlarımızǵa degen ayrıqsha itibar hám ǵamqorlıqtıń kórinisi sanaladı.
Bunıń nátiyjesinde hayal-qızlarımız ilim, bilimlendiriw, medicina, mádeniyat, sport, sanaat, awıl xojalıǵı sıyaqlı jámiyetimizdiń eń áxmiyetli tarawlarında tabıslı jumıs alıp barmaqta. Olar arasınan kóplegen deputatlar, ilim doktorları, jazıwshı-shayırlar, isbilermenler elimizdiń siyasiy, sociallıq-ekonomikalıq turmısında belsene qatnasıp, onıń gúllep-rawajlanıwına múnásip úlesin qosıp kelmekte.
Ózbekstan Respublikası Prezidentiniń 2021-jıl 4 marttaǵı «8-mart – Xalıqaralıq hayal-qızlar kúni múnásibeti menen sıylıqlaw haqqında»ǵı pármanına múwapıq elimizde alıp barılıp atırǵan túpkilikli reformalarda belsene qatnasıp, jańa Ózbekstandı qurıw, xalqımızdıń abadan turmısın jetilistiriw jolında baslama hám ibrat kórsetip kiyatırǵanı ushın 8 hayal-qızlarımız húrmetli ataq, orden hám medallar menen sıylıqlandı, sonday-aq, usı jıl 3-marttaǵı qararı menen 2 qızımız óziniń talantı hám ibratlı jumısı menen jaslarǵa órnek bolıp atırǵanı, jámiyetlik turmısta belsendilik kórsetip atırǵanı ushın Zulfiya atındaǵı Mámleketlik sıylıǵı menen sıylıqlandı.
Saltanatlı ilajda bir topar pidayı hayal-qızlarımız Qaraqalpaqstan Respublikası Joqarǵı Keńesi Prezidiumınıń arnawlı Qararı menen “Ardaqlı nuranıy”, “Watan pidayısı” hám “Úmit ushqını” kókirek belgileri, Qaraqalpaqstan Respublikası Ministrler Keńesiniń «Húrmet jarlıq»ları menen sıylıqlandı. Sonday-aq, mámleketlik hám jámiyetlik turmıstaǵı belsendiligi, ózleriniń joqarı nátiyjeli miyneti menen ajıralıp kiyatırǵan bir topar hayal-qızlarımızǵa «Mwtabar ayol» kókirek belgileri tapsırıldı.
Sıylıqlanǵanlar atınan sózge shıqqanlar hayal-qızlarǵa qaratılıp atırǵan úlken mehir hám ayrıqsha itibar ushın Húrmetli Prezidentimizge, elimiz basshılarına óz minnetdarshılıǵın bildirdi.
Ilaj kórkem óner sheberleriniń koncert baǵdarlaması menen dawam etti.
Bunday ilajlar respublikamızdıń barlıq qala hám rayonlarında bolıp ótpekte.
Atap ótilgenindey, Húrmetli Prezidentimiz basshılıǵında búgingi kúnde elimizde hayal-qızlarǵa ǵamqorlıq kórsetiw, olardı hár tárepleme qollap-quwatlaw, jámiyetlik-siyasiy, sociallıq-ekonomikalıq turmıstaǵı belsendiligin arttırıwǵa ayrıqsha itibar qaratılmaqta. Elimizde gender teńlikti támiyinlew, hayal-qızlardı jámiyetimizdiń barlıq tarawlarında óz qábiletin, potencialın kórsetiwine keńnen jol ashıw, olardı kásip-ónerge, isbilermenlikke úyretiw, sociallıq qorǵawǵa mútáj háyallarǵa járdem kórsetiw maqsetinde «Hayallar dápteri»n engiziw, joqarı oqıw orınlarında bilim alıp atırǵan qızlardıń shártnama tólemlerin tólep beriw, pidayı, talantlı hayal-qızlardıń miynetin múnásip bahalaw sıyaqlı bir qatar jumıslardıń ámelge asırılıp atırǵanı analarımızǵa, apa hám qarındaslarımızǵa, dilbar qızlarımızǵa degen ayrıqsha itibar hám ǵamqorlıqtıń kórinisi sanaladı.
Bunıń nátiyjesinde hayal-qızlarımız ilim, bilimlendiriw, medicina, mádeniyat, sport, sanaat, awıl xojalıǵı sıyaqlı jámiyetimizdiń eń áxmiyetli tarawlarında tabıslı jumıs alıp barmaqta. Olar arasınan kóplegen deputatlar, ilim doktorları, jazıwshı-shayırlar, isbilermenler elimizdiń siyasiy, sociallıq-ekonomikalıq turmısında belsene qatnasıp, onıń gúllep-rawajlanıwına múnásip úlesin qosıp kelmekte.
Ózbekstan Respublikası Prezidentiniń 2021-jıl 4 marttaǵı «8-mart – Xalıqaralıq hayal-qızlar kúni múnásibeti menen sıylıqlaw haqqında»ǵı pármanına múwapıq elimizde alıp barılıp atırǵan túpkilikli reformalarda belsene qatnasıp, jańa Ózbekstandı qurıw, xalqımızdıń abadan turmısın jetilistiriw jolında baslama hám ibrat kórsetip kiyatırǵanı ushın 8 hayal-qızlarımız húrmetli ataq, orden hám medallar menen sıylıqlandı, sonday-aq, usı jıl 3-marttaǵı qararı menen 2 qızımız óziniń talantı hám ibratlı jumısı menen jaslarǵa órnek bolıp atırǵanı, jámiyetlik turmısta belsendilik kórsetip atırǵanı ushın Zulfiya atındaǵı Mámleketlik sıylıǵı menen sıylıqlandı.
Saltanatlı ilajda bir topar pidayı hayal-qızlarımız Qaraqalpaqstan Respublikası Joqarǵı Keńesi Prezidiumınıń arnawlı Qararı menen “Ardaqlı nuranıy”, “Watan pidayısı” hám “Úmit ushqını” kókirek belgileri, Qaraqalpaqstan Respublikası Ministrler Keńesiniń «Húrmet jarlıq»ları menen sıylıqlandı. Sonday-aq, mámleketlik hám jámiyetlik turmıstaǵı belsendiligi, ózleriniń joqarı nátiyjeli miyneti menen ajıralıp kiyatırǵan bir topar hayal-qızlarımızǵa «Mwtabar ayol» kókirek belgileri tapsırıldı.
Sıylıqlanǵanlar atınan sózge shıqqanlar hayal-qızlarǵa qaratılıp atırǵan úlken mehir hám ayrıqsha itibar ushın Húrmetli Prezidentimizge, elimiz basshılarına óz minnetdarshılıǵın bildirdi.
Ilaj kórkem óner sheberleriniń koncert baǵdarlaması menen dawam etti.
Bunday ilajlar respublikamızdıń barlıq qala hám rayonlarında bolıp ótpekte.
Qaraqalpaqstan Respublikası Joqarǵı Keńesiniń baspasóz xızmeti