QARAQALPAQSTAN RESPUBLIKASÍ JOQARǴÍ KEŃESINIŃ ON JETINShI SESSIYaSÍ HAQQÍNDA MÁLIMLEME
3059
11-mart kúni Qaraqalpaqstan Respublikası Joqarǵı Keńesiniń on jetinshi sessiyası bolıp ótti.
Videokonferencbaylanıs tárizinde ótken sessiyaǵa Ózbekstan Respublikası Oliy Majlisi Senatı, Qaraqalpaqstan Respublikası húkimeti aǵzaları, sektorlardıń hám tarawlardıń basshıları, ǵalaba xabar qurallarınıń wákilleri, sonday-aq, Joqarǵı Keńestiń deputatları qala hám rayon studiyalarında qatnastı.
Sessiyanı Qaraqalpaqstan Respublikası Joqarǵı Keńesi Baslıǵınıń orınbasarı A.Davletov kiris sóz benen ashtı hám basqarıp bardı.
Deputatlar sessiyanıń Sekretariatın sayladı hám kún tártibin tastıyıqladı.
Kún tártibindegi dáslepki másele – yaǵnıy, Qaraqalpaqstan Respublikası Joqarǵı Keńesi deputatları tárepinen mámleketlik hám xojalıq basqarıwı uyımlarınıń lawazımlı shaxslarına jiberilgen deputatlıq sorawlarınıń orınlanıwı boyınsha Qaraqalpaqstan Respublikası Ministrler Keńesine parlamentlik soraw jiberiw haqqındaǵı másele kórip shıǵıldı.
Atap ótilgenindey, Qaraqalpaqstan Respublikası Joqarǵı Keńesi deputatları óz saylawshıları menen ushırasıp, olardıń mashqalaların úyrenip, xalıqtıń isenimine erisiwge, óz wákilligi sheńberinde mámleketimizde ámelge asırılıp atırǵan keń kólemli reformalarda belsene qatnasıwǵa háreket etip kelmekte.
Ótken jıl dawamında deputatlarımız bir qatar nızam joybarların islep shıǵıwda belsene qatnastı. Búgingi kúnde Qaraqalpaqstan Respublikası Joqarǵı Keńesiniń mámleketlik basqarıw wyımlarınıń jumısınıń ústinen nátiyjeli parlament qadaǵalawın ámelge asırıwǵa, qabıl etilip atırǵan nızamlar, áhmiyetli siyasiy, sociallıq-ekonomikalıq áhmiyetke iye mámleketlik baǵdarlamalardıń orınlanıwın sózsiz támiyinlewge qaratılǵan jumıslar sezilerli dárejede ózgerdi.
Joqarǵı Keńeste, Xalıq deputatları qala hám rayon Keńeslerinde deputatlar jergilikli byudjetti tastıyıqlaw, onıń orınlanıwın qadaǵalaw, aymaqtaǵı áhmiyetli máselelerdi sessiyalarda kórip shıqpaqta.
Sonıń menen birge, sessiyalarda jergilikli mámleketlik basqarıwı organları basshılarınıń esabatların turaqlı túrde tıńlaw ámeliyatı keń jolǵa qoyıldı.
Bulardıń bárshesi deputat korpusınıń jumısın túpkilikli ózgertirip, nızamda belgilengen wákilliklerinen únemli paydalanıw nátiyjeliligin arttırmaqta.
Biraq, deputat korpusı wákilleriniń tolıq jumıs alıp barıwına tosıqlıq etetuǵın ayırım faktorlar, yaǵnıy, parlament qadaǵalawınıń áhmiyetli institutlarınıń biri bolǵan deputatlıq sorawı institutınan paydalanıw, onıń kepilliklerin jánede bekkemlew menen baylanıslı shólkemlestiriwshilik-huqıqıy máseleler boyınsha mashqalalar bar ekenligi anıqlanbaqta.
Atap aytqanda, lawazımlı shaxslar tárepinen deputatlar aldındaǵı óz wazıypaların orınlamaw, olardıń jumısına tosıqlıq etiw, deputat jumısınıń kepilliklerin buzıw, lawazımlı shaxslar tárepinen deputat sorawına nemǵuraylıq penen qaraw, kórmesten qaldırıw yaki olardı kórip shıǵıw múddetlerin keshirimli sebeplersiz buzıw yamasa nadurıs maǵlıwmatlardı usınıw jaǵdayları da ushıraspaqta.
Sessiyada bunday kemshiliklerdi saplastırıw, Joqarǵı Keńes deputatınıń abıroyın arttırıw hám mámleketlik uyımlardıń deputat sorawlarına bolǵan kóz-qarasın túpkilikli ózgertiw maqsetinde Ministrler Keńesine parlament sorawın jiberiw maqul dep tabıldı.
Bul másele boyınsha Reglament hám deputatlıq ádebi máseleleri boyınsha komissiyası baslıǵı K.Karimov bayanat jasadı. Sonday-aq, Qaraqalpaqstan Respublikası Joqarǵı Keńesiniń Sociallıq-mádeniy rawajlanıw hám jámiyetlik birlespeler máseleleri komiteti baslıǵı, “Adolat” social-demokratiyalıq partiyasınıń Joqarǵı Keńestegi frakciyası baslıǵı D.Qurbaniyazov, Ózbekstan «Milliy tiklanish» demokratiyalıq partiyasınıń Joqarǵı Keńestegi frakciyası baslıǵı T.Romanov, Ózbekstan Liberal-demokratiyalıq partiyasınıń Joqarǵı Keńestegi frakciyası baslıǵı Sh.Ótemisov, Ózbekstan Xalıq demokratiyalıq partiyasınıń Joqarǵı Keńestegi frakciyası baslıǵı X.Eshimbetov, Ózbekstan Ekologiyalıq partiyasınıń Joqarǵı Keńestegi frakciyası baslıǵı M.Gaipov sózge shıqtı.
Bul másele boyınsha deputatlar tárepinen qarar qabıl etildi.
Sonday-aq, sessiyada «Qaraqalpaqstan Respublikası aymaǵındaǵı mádeniy miyras obektlerin qorǵaw hám olardan paydalanıw baǵdarında alıp barılıp atırǵan ilajlar haqqında Qaraqalpaqstan Respublikası Mádeniyat ministriniń esabatı tuwralı» másele kórip shıǵıldı. Bul másele boyınsha Qaraqalpaqstan Respublikası Mádeniyat ministri Q.Turdiev bayanat jasadı.
Bul másele boyınsha deputatlar tárepinen qarar qabıl etildi.
Sessiya kún tártibinde «Joqarǵı Keńestiń ayırım komitetleriniń quramına ózgerisler kirgiziw haqqında»ǵı másele kórip shıǵıldı.
Oǵan muwapıq, Joqarǵı Keńestiń agrar, suw xojalıǵı hám tábiyattı qorǵaw máseleleri komiteti baslıǵı lawazımına 52-sanlı «Qrantaw» saylaw okruginen Joqarǵı Keńes deputatı Utambetov Duysenbay Usnatdinovichtiń kandidaturası usınıldı.
Bul másele boyınsha deputatlar tárepinen qarar qabıl etildi.
Sonday-aq, Qaraqalpaqstan Respublikası Konstituciyalıq baqlaw komiteti baslıǵınıń orınbasarın saylaw haqqındaǵı másele kórip shıǵıldı. Bul lawazımǵa Shlımbetov Jenisbay Kurbanbaevichtiń kandidaturası usınıldı. Bul boyınsha deputatlar tiyisli qarar qabıl etti.
Sessiya kún tártibindegi jáne bir másele – «Qaraqalpaqstan Respublikası sudı baslıǵınıń orınbasarların saylaw tuwralı» másele kórip shıǵıldı.
Qaraqalpaqstan Respublikası Konstituciyası hám «Sudlar haqqında»ǵı Ózbekstan Respublikası Nızamı talaplarına muwapıq, Adilov Abılay Agitaevichti Qaraqalpaqstan Respublikası sudı baslıǵınıń jınayat isleri boyınsha orınbasarı, Tarixov Kamal Maksetbaevichti Qaraqalpaqstan Respublikası sudı baslıǵınıń puqaralıq isleri boyınsha orınbasarı etip saylaw haqqındaǵı Qaraqalpaqstan Respublikası Joqarǵı Keńesi Baslıǵınıń usınısnaması deputatlardıń itibarına usınıldı.
Bul másele boyınsha deputatlar tiyisli qarar qabıl etti.
Sonday-aq, sessiyada Joqarǵı Keńes Prezidiumınıń tiyisli qararların tastıyıqlaw haqqındaǵı másele kórip shıǵılıp, tiyisli qarar qabıl etildi.
Usınıń menen Qaraqalpaqstan Respublikası Joqarǵı Keńesiniń on jetinshi sessiyası óz jumısın juwmaqladı.
Sessiyanı Qaraqalpaqstan Respublikası Joqarǵı Keńesi Baslıǵınıń orınbasarı A.Davletov kiris sóz benen ashtı hám basqarıp bardı.
Deputatlar sessiyanıń Sekretariatın sayladı hám kún tártibin tastıyıqladı.
Kún tártibindegi dáslepki másele – yaǵnıy, Qaraqalpaqstan Respublikası Joqarǵı Keńesi deputatları tárepinen mámleketlik hám xojalıq basqarıwı uyımlarınıń lawazımlı shaxslarına jiberilgen deputatlıq sorawlarınıń orınlanıwı boyınsha Qaraqalpaqstan Respublikası Ministrler Keńesine parlamentlik soraw jiberiw haqqındaǵı másele kórip shıǵıldı.
Atap ótilgenindey, Qaraqalpaqstan Respublikası Joqarǵı Keńesi deputatları óz saylawshıları menen ushırasıp, olardıń mashqalaların úyrenip, xalıqtıń isenimine erisiwge, óz wákilligi sheńberinde mámleketimizde ámelge asırılıp atırǵan keń kólemli reformalarda belsene qatnasıwǵa háreket etip kelmekte.
Ótken jıl dawamında deputatlarımız bir qatar nızam joybarların islep shıǵıwda belsene qatnastı. Búgingi kúnde Qaraqalpaqstan Respublikası Joqarǵı Keńesiniń mámleketlik basqarıw wyımlarınıń jumısınıń ústinen nátiyjeli parlament qadaǵalawın ámelge asırıwǵa, qabıl etilip atırǵan nızamlar, áhmiyetli siyasiy, sociallıq-ekonomikalıq áhmiyetke iye mámleketlik baǵdarlamalardıń orınlanıwın sózsiz támiyinlewge qaratılǵan jumıslar sezilerli dárejede ózgerdi.
Joqarǵı Keńeste, Xalıq deputatları qala hám rayon Keńeslerinde deputatlar jergilikli byudjetti tastıyıqlaw, onıń orınlanıwın qadaǵalaw, aymaqtaǵı áhmiyetli máselelerdi sessiyalarda kórip shıqpaqta.
Sonıń menen birge, sessiyalarda jergilikli mámleketlik basqarıwı organları basshılarınıń esabatların turaqlı túrde tıńlaw ámeliyatı keń jolǵa qoyıldı.
Bulardıń bárshesi deputat korpusınıń jumısın túpkilikli ózgertirip, nızamda belgilengen wákilliklerinen únemli paydalanıw nátiyjeliligin arttırmaqta.
Biraq, deputat korpusı wákilleriniń tolıq jumıs alıp barıwına tosıqlıq etetuǵın ayırım faktorlar, yaǵnıy, parlament qadaǵalawınıń áhmiyetli institutlarınıń biri bolǵan deputatlıq sorawı institutınan paydalanıw, onıń kepilliklerin jánede bekkemlew menen baylanıslı shólkemlestiriwshilik-huqıqıy máseleler boyınsha mashqalalar bar ekenligi anıqlanbaqta.
Atap aytqanda, lawazımlı shaxslar tárepinen deputatlar aldındaǵı óz wazıypaların orınlamaw, olardıń jumısına tosıqlıq etiw, deputat jumısınıń kepilliklerin buzıw, lawazımlı shaxslar tárepinen deputat sorawına nemǵuraylıq penen qaraw, kórmesten qaldırıw yaki olardı kórip shıǵıw múddetlerin keshirimli sebeplersiz buzıw yamasa nadurıs maǵlıwmatlardı usınıw jaǵdayları da ushıraspaqta.
Sessiyada bunday kemshiliklerdi saplastırıw, Joqarǵı Keńes deputatınıń abıroyın arttırıw hám mámleketlik uyımlardıń deputat sorawlarına bolǵan kóz-qarasın túpkilikli ózgertiw maqsetinde Ministrler Keńesine parlament sorawın jiberiw maqul dep tabıldı.
Bul másele boyınsha Reglament hám deputatlıq ádebi máseleleri boyınsha komissiyası baslıǵı K.Karimov bayanat jasadı. Sonday-aq, Qaraqalpaqstan Respublikası Joqarǵı Keńesiniń Sociallıq-mádeniy rawajlanıw hám jámiyetlik birlespeler máseleleri komiteti baslıǵı, “Adolat” social-demokratiyalıq partiyasınıń Joqarǵı Keńestegi frakciyası baslıǵı D.Qurbaniyazov, Ózbekstan «Milliy tiklanish» demokratiyalıq partiyasınıń Joqarǵı Keńestegi frakciyası baslıǵı T.Romanov, Ózbekstan Liberal-demokratiyalıq partiyasınıń Joqarǵı Keńestegi frakciyası baslıǵı Sh.Ótemisov, Ózbekstan Xalıq demokratiyalıq partiyasınıń Joqarǵı Keńestegi frakciyası baslıǵı X.Eshimbetov, Ózbekstan Ekologiyalıq partiyasınıń Joqarǵı Keńestegi frakciyası baslıǵı M.Gaipov sózge shıqtı.
Bul másele boyınsha deputatlar tárepinen qarar qabıl etildi.
Sonday-aq, sessiyada «Qaraqalpaqstan Respublikası aymaǵındaǵı mádeniy miyras obektlerin qorǵaw hám olardan paydalanıw baǵdarında alıp barılıp atırǵan ilajlar haqqında Qaraqalpaqstan Respublikası Mádeniyat ministriniń esabatı tuwralı» másele kórip shıǵıldı. Bul másele boyınsha Qaraqalpaqstan Respublikası Mádeniyat ministri Q.Turdiev bayanat jasadı.
Bul másele boyınsha deputatlar tárepinen qarar qabıl etildi.
Sessiya kún tártibinde «Joqarǵı Keńestiń ayırım komitetleriniń quramına ózgerisler kirgiziw haqqında»ǵı másele kórip shıǵıldı.
Oǵan muwapıq, Joqarǵı Keńestiń agrar, suw xojalıǵı hám tábiyattı qorǵaw máseleleri komiteti baslıǵı lawazımına 52-sanlı «Qrantaw» saylaw okruginen Joqarǵı Keńes deputatı Utambetov Duysenbay Usnatdinovichtiń kandidaturası usınıldı.
Bul másele boyınsha deputatlar tárepinen qarar qabıl etildi.
Sonday-aq, Qaraqalpaqstan Respublikası Konstituciyalıq baqlaw komiteti baslıǵınıń orınbasarın saylaw haqqındaǵı másele kórip shıǵıldı. Bul lawazımǵa Shlımbetov Jenisbay Kurbanbaevichtiń kandidaturası usınıldı. Bul boyınsha deputatlar tiyisli qarar qabıl etti.
Sessiya kún tártibindegi jáne bir másele – «Qaraqalpaqstan Respublikası sudı baslıǵınıń orınbasarların saylaw tuwralı» másele kórip shıǵıldı.
Qaraqalpaqstan Respublikası Konstituciyası hám «Sudlar haqqında»ǵı Ózbekstan Respublikası Nızamı talaplarına muwapıq, Adilov Abılay Agitaevichti Qaraqalpaqstan Respublikası sudı baslıǵınıń jınayat isleri boyınsha orınbasarı, Tarixov Kamal Maksetbaevichti Qaraqalpaqstan Respublikası sudı baslıǵınıń puqaralıq isleri boyınsha orınbasarı etip saylaw haqqındaǵı Qaraqalpaqstan Respublikası Joqarǵı Keńesi Baslıǵınıń usınısnaması deputatlardıń itibarına usınıldı.
Bul másele boyınsha deputatlar tiyisli qarar qabıl etti.
Sonday-aq, sessiyada Joqarǵı Keńes Prezidiumınıń tiyisli qararların tastıyıqlaw haqqındaǵı másele kórip shıǵılıp, tiyisli qarar qabıl etildi.
Usınıń menen Qaraqalpaqstan Respublikası Joqarǵı Keńesiniń on jetinshi sessiyası óz jumısın juwmaqladı.
Qaraqalpaqstan Respublikası Joqarǵı Keńesiniń baspasóz xızmeti
M.Habibullaev túsirgen súwretler