JOQARǴÍ KEŃES BASLÍǴÍ JAS SPORTShÍLARDÍ SÍYLÍQLADÍ
2131
Nókis qalasındaǵı 1-sanlı balalar hám jas óspirimler sport mektebinde sporttıń voleybol hám futzal túrleri boyınsha mámleket kólemindegi jarıslarda joqarı nátiyjelerge erisken jas sportshılarımızdı sıylıqlawǵa baǵıshlanǵan ilaj ótkerildi.
Ilajda Qaraqalpaqstan Respublikası Joqarǵı Keńesiniń Baslıǵı M.Kamalov, Qaraqalpaqstan Respublikası Ministrler Keńesiniń Baslıǵı Q.Sariev, Qaraqalpaqstan Respublikası Denetárbiya hám sport ministrligi wákilleri, sportshılardıń ata-anaları, ustazları menen ǵalaba xabar qurallarınıń wákilleri qatnastı.
Qaraqalpaqstan Respublikası Joqarǵı Keńesiniń Baslıǵı M.Kamalov jas sportshılarımızdı jeńis penen qutlıqlap, keleshekte xalıqaralıq sport jarıslarında, Aziya hám jáhán chempionatlarında da úlken jetiskenliklerge erisiwine tilekles ekenligin aytıp ótti.
Elimizde sporttı rawajlandırıw, ósip kiyatırǵan jas áwlatdı kámil insan etip tárbiyalaw, jas sportshılardı hár tárepleme qollap-quwatlawǵa qaratılıp atırǵan ayrıqsha itibar nátiyjesinde jaslarımız mámleket hám xalıqaralıq sport jarıslarında jeńislerge erispekte.
Atap aytqanda, voleybol boyınsha Qaraqalpaqstan Respublikası qızlar saylandı komandası «Universiada-2020» sport jarıslarında jeńiske eristi, Ózbekstan superkubogı jarısında birinshi orındı iyelep, Aziya chempionatına jollama aldı. Usı jıl 6-10-mart kúnleri aralıǵında Tashkent wálayatınıń Shırshıq qalasında sporttıń futzal túri boyınsha 2008-jılı tuwılǵan jas óspirimler arasında «Sport mektepleri futbol ligası» sheńberinde ótkerilgen Ózbekstan chempionatında Qaraqalpaqstan Respublikası saylandı komandası chempion boldı.
Ilajda jas sportshılarımızǵa Qaraqalpaqstan Respublikası Joqarǵı Keńesiniń alǵısnaması hámde estelik sawǵalar tapsırıldı.
Qaraqalpaqstan Respublikası Joqarǵı Keńesiniń Baslıǵı M.Kamalov jas sportshılarımızdı jeńis penen qutlıqlap, keleshekte xalıqaralıq sport jarıslarında, Aziya hám jáhán chempionatlarında da úlken jetiskenliklerge erisiwine tilekles ekenligin aytıp ótti.
Elimizde sporttı rawajlandırıw, ósip kiyatırǵan jas áwlatdı kámil insan etip tárbiyalaw, jas sportshılardı hár tárepleme qollap-quwatlawǵa qaratılıp atırǵan ayrıqsha itibar nátiyjesinde jaslarımız mámleket hám xalıqaralıq sport jarıslarında jeńislerge erispekte.
Atap aytqanda, voleybol boyınsha Qaraqalpaqstan Respublikası qızlar saylandı komandası «Universiada-2020» sport jarıslarında jeńiske eristi, Ózbekstan superkubogı jarısında birinshi orındı iyelep, Aziya chempionatına jollama aldı. Usı jıl 6-10-mart kúnleri aralıǵında Tashkent wálayatınıń Shırshıq qalasında sporttıń futzal túri boyınsha 2008-jılı tuwılǵan jas óspirimler arasında «Sport mektepleri futbol ligası» sheńberinde ótkerilgen Ózbekstan chempionatında Qaraqalpaqstan Respublikası saylandı komandası chempion boldı.
Ilajda jas sportshılarımızǵa Qaraqalpaqstan Respublikası Joqarǵı Keńesiniń alǵısnaması hámde estelik sawǵalar tapsırıldı.
Qaraqalpaqstan Respublikası Joqarǵı Keńesiniń baspasóz xızmeti