Joybarlardıń ámelge asırılıw jaǵdayı úyrenilip, wazıypalar belgilendi
3811
Usı jıldıń 1-may kúni Qaraqalpaqstan Respublikası Joqarǵı Keńesinde Ózbekstan Respublikası Prezidentiniń 2020-jıl 11-noyabrdegi “2020-2023-jıllarda Qaraqalpaqstan Respublikasın kompleksli sociallıq-ekonomikalıq rawajlandırıw ilajları haqqında”ǵı PQ-4889-sanlı qararı hámde xalıqaralıq finans institutları menen birgelikte ámelge asırılıp atırǵan perspektivalı joybarlardıń orınlanıw jaǵdayına baǵıshlanǵan májilis bolıp ótti.
Onda Ózbekstan Respublikası Oliy Majlisi Senatı aǵzaları, Nızamshılıq palatası, Qaraqalpaqstan Respublikası Joqarǵı Keńesi deputatları, Ministrler Keńesi wákilleri, ministrlik hám mákemeler, aymaqlarǵa biriktirilgen komerciyalıq bankler basshıları, qala hám rayon hákimlikleri hámde ǵalaba xabar quralları wákilleri qatnastı.
Qaraqalpaqstan Respublikası Joqarǵı Keńesi Baslıǵınıń orınbasarı A.Davletov, Oliy Majlis Senatınıń Aralboyı aymaǵın rawajlandırıw máseleleri komiteti baslıǵı B.Alixonov hám basqalar Húrmetli Prezidentimizdiń 2020-jıl 11-noyabrdegi “2020-2023-jıllarda Qaraqalpaqstan Respublikasın kompleksli sociallıq-ekonomikalıq rawajlandırıw ilajları haqqında”ǵı qararı respublikamızdıń ekonomikalıq potencialın arttırıw, xalqımızǵa múnásip turmıs sharayatın jaratıwda úlken áxmiyetke iye ekenin atap ótti.
Qarar menen qabıl etilgen baǵdarlamalardıń orınlanıwı ústinen Parlamentlik qadaǵalawdı shólkemlestiriw maqsetinde Aralboyı aymaǵın rawajlandırıw máseleleri komiteti tárepinen Senat aǵzaları menen birgelikte tikkeley orınlarǵa shıǵıp úyreniwler turaqlı túrde ótkerilmekte. Úyreniwler procesinde qadaǵalaw ilajların ámelge asırıw menen birge isbilermenler hám belsendiler menen ushırasıwlar ótkerilip, olardıń mashkalaların sheshiw ilajları kórilmekte.
Qararǵa muwapıq hár bir qala hám rayonnıń imkaniyatlarınan kelip shıqqan halda “ósiw noqatları” yaǵnıy drayver tarawlar belgilengen. Solardıń ishinde qurılıs materialların islep shıǵarıw, azıq-awqat, toqımashılıq, neft-ximiya sanaatı, baǵshılıq, ıssıxanalar shólkemlestiriw, jipekshilik, turizm tarawın atap ótiw tiyis. Jáne bir áhmiyetli tárepi, hár bir aymaqqa ministrlik hám mákemeler, kommerciyalıq bankler biriktirilgen.
Májiliste atap ótilgenindey, belgilengen maqsetli kórsetkishler hám joybarlardı ámelge asırıwǵa qolaylı sharayatlar jaratıw ushın qarar menen isbilermenlik subektlerine jer salıǵı, mal-múlik salıǵınan azat etiw sıyaqlı bir qatar jeńillikler usınılıwı belgilengen.
Májiliste Qaraqalpaqstan Respublikası Ministrler Keńesi baslıǵınıń birinshi orınbasarı N.Erlepesovtıń qarardıń orınlanıwı boyınsha usı jıldıń I shereginde ámelge asırılǵan jumıslar haqqındaǵı esabatı tıńlandı.
Qararǵa muwapıq, Qaraqalpaqstan Respublikasında 2020-2022-jıllar dawamında ulıwma bahası 12 trillion 318 milliard 253 million swm bolǵan 1 359 joybarlar ámelge asırılıwı hám 17 631 jańa jumıs orınları jaratılıwı belgilengen.
Atap ótiw tiyis, 2020-jılda ulıwma bahası 3 trillion 677 milliard 371 million swmlıq 588 joybarlar (4 483 jańa jumıs orınları) iske túsiriliwi belgilenip, ámelde 2021-jıldıń 1-yanvar jaǵdayına 1 206 joybardıń 5 trillion 887 milliard 424 million swmlıq investiciyalıq qarjıları ózlestirildi hám 4 trillion 491 milliard 922 million swmlıq 705 joybarlar iske túsirildi, 4 411 jańa jumıs ornı jaratıldı.
2021-jılda ulıwma bahası 5 trillion 290 milliard 145 million swm bolǵan 592 joybarlar ámelge asırılıwı hám 10 495 jańa jumıs orınları jaratılıwı belgilengen.
Usı jıldıń I sherek juwmaǵı boyınsha baǵdarlamada belgilengen 1 237 joybarǵa 6 trillion 68,1 milliard swm investiciyalıq qarjılar, sonnan 2021-jıldıń ózinde 53 baslamashınıń 110,4 milliard swmlıq investiciyalıq qarjıları ózlestirildi.
Jámi 4 trillion 777,8 milliard swmlıq 840 joybar iske túsirilip, 5075 jańa jumıs orınları jaratıldı, sonnan 2021-jıldıń ózinde 279,1 milliard swmlıq 133 investiciyalıq joybarlar iske túsirildi hámde 738 jańa jumıs orınları jaratıldı.
Sonnan, 2021-jıldıń I sherek juwmaǵı menen 258,4 milliard swmǵa teń bolǵan 99 joybardı ámelge asırıw hám jańadan 902 jumıs orınların jaratıw rejelestirilgen bolıp, usı joybarlardan 166,4 milliard swmǵa teń bolǵan 77 joybar iske túsirildi hám 445 jańa jumıs orınları jaratıldı.
Sonıń menen birge, 2021-jıldıń I sherek juwmaǵı boyınsha bahası 112,7 milliard swmǵa teń bolǵan 56 joybar múddetinen aldın iske túsirildi hám 293 jańa jumıs orınları jaratıldı.
Májiliste ámelge asırılǵan jumıslar menen birge bir qatar mashqalalar, atap aytqanda, rejelestirilgen joybarlardıń óz múddetlerinde iske túsiriliwi keshigip atırǵanlıǵı, bankler tárepinen kredit qarjıları óz waqtında ajıratılmaǵanlıǵı, qala hám rayon hákimlikleri tárepinen óz waqtında jer maydanlarınıń ajıratılmaǵanlıǵı, baslamashılar tárepinen esap-sanaqlarda qáte-kemshiliklerge jol qoyılǵanlıǵı sınǵa alındı hám bul mashqalalardı saplastırıw boyınsha pikir-usınıslar bildirildi.
Sonday-aq, májiliste Qaraqalpaqstan Respublikası Ministrler Keńesi baslıǵınıń orınbasarı B.Xabibullaevtıń Qaraqalpaqstan Respublikasında xalıqaralıq finans istitutları menen birgelikte ámelge asırılıp atırǵan perspektivalı joybarlar boyınsha maǵlıwmatı tıńlandı.
Búgingi kúnde respublikamız aymaqlarında xalıqaralıq finans institutları qarjıları esabınan bahası 3 983 million dollarlıq perspektivalı joybarlar ámelge asırılmaqta. Sonnan, Qaraqalpaqstan Respublikasınıń sociallıq taraw hám infrastruktura sistemasın rawajlandırıw maqsetinde 20 perspektivalı joybar sheńberinde 1 326,7 million dollarlıq qarjılar ajıratılıwı názerde tutılǵan.
Kommunal xojalıǵı tarawında bahası 1 453 million dollarlıq 3 joybar, infrastruktura tarawında bahası 833 million dollarlıq 4 joybar, suw xojalıǵı tarawında bahası 223 million dollarlıq 2 joybar, awıl xojalıǵı tarawında bahası 300 million dollarlıq 2 joybar, ekologiya hám qorshaǵan ortalıqtı qorǵaw tarawında bahası 120 million dollarlıq 1 joybar, bántlik hám miynet qatnasıqları hámde joqarı hám orta arnawlı bilimlendiriw tarawında bahası 100 million dollarlıq 1 joybar, densawlıqtı saqlaw tarawında bahası 354 million dollarlıq 3 joybar hám basqa tarawlarda bahası 600 million dollarlıq 4 joybar ámelge asırılıwı kútilmekte. Bul boyınsha bir qatar jumıslar ámelge asırılmaqta.
Májiliste kórilgen hár bir másele tereń sın kóz qarastan tallanıp, bul máselelerdi óz waqtında ámelge asırıw boyınsha juwapker ministrlik hám mákemeler, kommerciyalıq banklerdiń wazıypaları belgilep berildi, mashqalalardı saplastırıw boyınsha usınıs hám pikirler bildirildi.
Qaraqalpaqstan Respublikası Joqarǵı Keńesi Baslıǵınıń orınbasarı A.Davletov, Oliy Majlis Senatınıń Aralboyı aymaǵın rawajlandırıw máseleleri komiteti baslıǵı B.Alixonov hám basqalar Húrmetli Prezidentimizdiń 2020-jıl 11-noyabrdegi “2020-2023-jıllarda Qaraqalpaqstan Respublikasın kompleksli sociallıq-ekonomikalıq rawajlandırıw ilajları haqqında”ǵı qararı respublikamızdıń ekonomikalıq potencialın arttırıw, xalqımızǵa múnásip turmıs sharayatın jaratıwda úlken áxmiyetke iye ekenin atap ótti.
Qarar menen qabıl etilgen baǵdarlamalardıń orınlanıwı ústinen Parlamentlik qadaǵalawdı shólkemlestiriw maqsetinde Aralboyı aymaǵın rawajlandırıw máseleleri komiteti tárepinen Senat aǵzaları menen birgelikte tikkeley orınlarǵa shıǵıp úyreniwler turaqlı túrde ótkerilmekte. Úyreniwler procesinde qadaǵalaw ilajların ámelge asırıw menen birge isbilermenler hám belsendiler menen ushırasıwlar ótkerilip, olardıń mashkalaların sheshiw ilajları kórilmekte.
Qararǵa muwapıq hár bir qala hám rayonnıń imkaniyatlarınan kelip shıqqan halda “ósiw noqatları” yaǵnıy drayver tarawlar belgilengen. Solardıń ishinde qurılıs materialların islep shıǵarıw, azıq-awqat, toqımashılıq, neft-ximiya sanaatı, baǵshılıq, ıssıxanalar shólkemlestiriw, jipekshilik, turizm tarawın atap ótiw tiyis. Jáne bir áhmiyetli tárepi, hár bir aymaqqa ministrlik hám mákemeler, kommerciyalıq bankler biriktirilgen.
Májiliste atap ótilgenindey, belgilengen maqsetli kórsetkishler hám joybarlardı ámelge asırıwǵa qolaylı sharayatlar jaratıw ushın qarar menen isbilermenlik subektlerine jer salıǵı, mal-múlik salıǵınan azat etiw sıyaqlı bir qatar jeńillikler usınılıwı belgilengen.
Májiliste Qaraqalpaqstan Respublikası Ministrler Keńesi baslıǵınıń birinshi orınbasarı N.Erlepesovtıń qarardıń orınlanıwı boyınsha usı jıldıń I shereginde ámelge asırılǵan jumıslar haqqındaǵı esabatı tıńlandı.
Qararǵa muwapıq, Qaraqalpaqstan Respublikasında 2020-2022-jıllar dawamında ulıwma bahası 12 trillion 318 milliard 253 million swm bolǵan 1 359 joybarlar ámelge asırılıwı hám 17 631 jańa jumıs orınları jaratılıwı belgilengen.
Atap ótiw tiyis, 2020-jılda ulıwma bahası 3 trillion 677 milliard 371 million swmlıq 588 joybarlar (4 483 jańa jumıs orınları) iske túsiriliwi belgilenip, ámelde 2021-jıldıń 1-yanvar jaǵdayına 1 206 joybardıń 5 trillion 887 milliard 424 million swmlıq investiciyalıq qarjıları ózlestirildi hám 4 trillion 491 milliard 922 million swmlıq 705 joybarlar iske túsirildi, 4 411 jańa jumıs ornı jaratıldı.
2021-jılda ulıwma bahası 5 trillion 290 milliard 145 million swm bolǵan 592 joybarlar ámelge asırılıwı hám 10 495 jańa jumıs orınları jaratılıwı belgilengen.
Usı jıldıń I sherek juwmaǵı boyınsha baǵdarlamada belgilengen 1 237 joybarǵa 6 trillion 68,1 milliard swm investiciyalıq qarjılar, sonnan 2021-jıldıń ózinde 53 baslamashınıń 110,4 milliard swmlıq investiciyalıq qarjıları ózlestirildi.
Jámi 4 trillion 777,8 milliard swmlıq 840 joybar iske túsirilip, 5075 jańa jumıs orınları jaratıldı, sonnan 2021-jıldıń ózinde 279,1 milliard swmlıq 133 investiciyalıq joybarlar iske túsirildi hámde 738 jańa jumıs orınları jaratıldı.
Sonnan, 2021-jıldıń I sherek juwmaǵı menen 258,4 milliard swmǵa teń bolǵan 99 joybardı ámelge asırıw hám jańadan 902 jumıs orınların jaratıw rejelestirilgen bolıp, usı joybarlardan 166,4 milliard swmǵa teń bolǵan 77 joybar iske túsirildi hám 445 jańa jumıs orınları jaratıldı.
Sonıń menen birge, 2021-jıldıń I sherek juwmaǵı boyınsha bahası 112,7 milliard swmǵa teń bolǵan 56 joybar múddetinen aldın iske túsirildi hám 293 jańa jumıs orınları jaratıldı.
Májiliste ámelge asırılǵan jumıslar menen birge bir qatar mashqalalar, atap aytqanda, rejelestirilgen joybarlardıń óz múddetlerinde iske túsiriliwi keshigip atırǵanlıǵı, bankler tárepinen kredit qarjıları óz waqtında ajıratılmaǵanlıǵı, qala hám rayon hákimlikleri tárepinen óz waqtında jer maydanlarınıń ajıratılmaǵanlıǵı, baslamashılar tárepinen esap-sanaqlarda qáte-kemshiliklerge jol qoyılǵanlıǵı sınǵa alındı hám bul mashqalalardı saplastırıw boyınsha pikir-usınıslar bildirildi.
Sonday-aq, májiliste Qaraqalpaqstan Respublikası Ministrler Keńesi baslıǵınıń orınbasarı B.Xabibullaevtıń Qaraqalpaqstan Respublikasında xalıqaralıq finans istitutları menen birgelikte ámelge asırılıp atırǵan perspektivalı joybarlar boyınsha maǵlıwmatı tıńlandı.
Búgingi kúnde respublikamız aymaqlarında xalıqaralıq finans institutları qarjıları esabınan bahası 3 983 million dollarlıq perspektivalı joybarlar ámelge asırılmaqta. Sonnan, Qaraqalpaqstan Respublikasınıń sociallıq taraw hám infrastruktura sistemasın rawajlandırıw maqsetinde 20 perspektivalı joybar sheńberinde 1 326,7 million dollarlıq qarjılar ajıratılıwı názerde tutılǵan.
Kommunal xojalıǵı tarawında bahası 1 453 million dollarlıq 3 joybar, infrastruktura tarawında bahası 833 million dollarlıq 4 joybar, suw xojalıǵı tarawında bahası 223 million dollarlıq 2 joybar, awıl xojalıǵı tarawında bahası 300 million dollarlıq 2 joybar, ekologiya hám qorshaǵan ortalıqtı qorǵaw tarawında bahası 120 million dollarlıq 1 joybar, bántlik hám miynet qatnasıqları hámde joqarı hám orta arnawlı bilimlendiriw tarawında bahası 100 million dollarlıq 1 joybar, densawlıqtı saqlaw tarawında bahası 354 million dollarlıq 3 joybar hám basqa tarawlarda bahası 600 million dollarlıq 4 joybar ámelge asırılıwı kútilmekte. Bul boyınsha bir qatar jumıslar ámelge asırılmaqta.
Májiliste kórilgen hár bir másele tereń sın kóz qarastan tallanıp, bul máselelerdi óz waqtında ámelge asırıw boyınsha juwapker ministrlik hám mákemeler, kommerciyalıq banklerdiń wazıypaları belgilep berildi, mashqalalardı saplastırıw boyınsha usınıs hám pikirler bildirildi.
Qaraqalpaqstan Respublikası Joqarǵı Keńesiniń baspasóz xızmeti