JOQARǴÍ KEŃES BASLÍǴÍ NAWQAS BALALARDÍŃ HALÍNAN XABAR ALDÍ
3643
Qaraqalpaqstan Respublikası Joqarǵı Keńesiniń Baslıǵı Murat Kamalov Respublikalıq qánigelestirilgen onkologiya hám radiologiya ilimiy-ámeliy medicina orayı Qaraqalpaqstan filialında boldı.
Filialda shólkemlestirilgen studiya arqalı Ózbekstan Respublikası Prezidenti Sh.Mirziyoev basshılıǵında onkologiya sistemasın jetilistiriw ilajları boyınsha ótkerilgen videoselektor májilisinde qatnastı.
Májiliste Joqarǵı Keńes Baslıǵı M.Kamalov sózge shıǵıp, Qaraqalpaqstanda onkologiyalıq hám gematologiyalıq keselliklerdi anıqlaw hám emlew, olardıń aldın alıw boyınsha ámelge asırılıp atırǵan jumıslar, bul baǵdarda ushırasıp atırǵan kemshilik hám mashqalalarǵa keńnen toqtalıp, olardı saplastırıw boyınsha pikir hám usınısların bildirdi.
Májiliste Prezidentimiz tárepinen bul boyınsha bir qatar áhmiyetli wazıypalar belgilep berildi.
Bunnan soń, Joqarǵı Keńes Baslıǵı Respublikalıq qánigelestirilgen onkologiya hám radiologiya ilimiy-ámeliy medicina orayı Qaraqalpaqstan filialında nawqaslardıń emleniwi ushın jaratılǵan sharayatlar menen tanıstı, nawqas balalardıń halınan xabar alıp, olarǵa sawǵalar tapsırdı. Balalardıń ata-anaları hám filial qánigeleri menen sáwbetlesip, olardıń pikir hám usınısların, mashqalaların tıńladı. Mashqalalardı saplastırıw boyınsha tiyisli shólkem basshılarına tapsırmalar berdi. Filial qánigeleri hám ata-analar itibar hám ǵamxorlıǵı ushın Prezidentimizge, respublikamız basshılarına minnetdarshılıq bildirdi.
Májiliste Joqarǵı Keńes Baslıǵı M.Kamalov sózge shıǵıp, Qaraqalpaqstanda onkologiyalıq hám gematologiyalıq keselliklerdi anıqlaw hám emlew, olardıń aldın alıw boyınsha ámelge asırılıp atırǵan jumıslar, bul baǵdarda ushırasıp atırǵan kemshilik hám mashqalalarǵa keńnen toqtalıp, olardı saplastırıw boyınsha pikir hám usınısların bildirdi.
Májiliste Prezidentimiz tárepinen bul boyınsha bir qatar áhmiyetli wazıypalar belgilep berildi.
Bunnan soń, Joqarǵı Keńes Baslıǵı Respublikalıq qánigelestirilgen onkologiya hám radiologiya ilimiy-ámeliy medicina orayı Qaraqalpaqstan filialında nawqaslardıń emleniwi ushın jaratılǵan sharayatlar menen tanıstı, nawqas balalardıń halınan xabar alıp, olarǵa sawǵalar tapsırdı. Balalardıń ata-anaları hám filial qánigeleri menen sáwbetlesip, olardıń pikir hám usınısların, mashqalaların tıńladı. Mashqalalardı saplastırıw boyınsha tiyisli shólkem basshılarına tapsırmalar berdi. Filial qánigeleri hám ata-analar itibar hám ǵamxorlıǵı ushın Prezidentimizge, respublikamız basshılarına minnetdarshılıq bildirdi.
Qaraqalpaqstan Respublikası Joqarǵı Keńesiniń baspasóz xızmeti