«Parlament oyınları» sport jarıslarınıń aymaqlıq basqıshı juwmaqlandı

Nókiste «Parlament oyınları» sport jarıslarınıń aymaqlıq basqıshı bolıp ótti. Ózbekstan Respublikası Oliy Majlisi Senatı Keńesiniń 2020-jıl 30-dekabrdegi qararına muwapıq, senatorlar hám xalıq deputatları jergilikli Keńesleri deputatları, Senat janındaǵı Jaslar parlamenti aǵzalarınıń denetárbiya hám sport penen turaqlı túrde shuǵıllanıwın támiyinlew,  xalıq arasında salamat turmıs tárizin úgit-násiyatlaw maqsetinde ótkerilip atırǵan «Parlament oyınları» sport jarıslarınıń aymaqlıq basqıshında Qaraqalpaqstan Respublikası hám Xorezm wálayatı  qatnasıwshıları sporttıń mini-futbol hámde badminton túrleri boyınsha bellesti. Jarıstıń aymaqlıq basqıshı juwmaqlanıp, onıń jeńimpazları menen sıylı orın iyelegen qatnasıwshıların sıylıqlaw máresimi bolıp ótti. Sıylıqlaw máresiminde Qaraqalpaqstan Respublikası Joqarǵı Keńesi Baslıǵınıń orınbasarı A.Davletov  «Parlament oyınları» sport jarıslarınıń aymaqlıq basqıshı jeńimpazların qutlıqladı. «Parlament oyınları» sport jarıslarınıń aymaqlıq basqıshında mini-futbol boyınsha ótkerilgen bellesiwlerde Qaraqalpaqstan Respublikası Joqarǵı Keńesi komandası, badminton boyınsha hayal-qızlar arasında Joqarǵı Keńes komitet baslıǵı, deputat Z.Reymova birinshi orındı iyelep, respublika basqıshına jollama aldı. «Parlament oyınları» sport jarıslarınıń aymaqlıq basqıshı jeńimpazları menen sıylı orın iyelegen qatnasıwshıları shólkemlestiriwshiler tárepinen qımbat bahalı sawǵalar menen sıylıqlandı.   Ilajda kórkem óner sheberleri qatnasıwında koncert baǵdarlaması qoyıp berildi.

Qaraqalpaqstan Respublikası Joqarǵı Keńesiniń baspasóz xızmeti