JOQARǴÍ KEŃES XÍZMETKERLERI KORONAVIRUSQA QARSÍ VAKCINA ALDÍ
1982
Hesh kimge sır emes, pútkil dúnyanı táshwishke salǵan, adamlardıń basına awır sınaq bolıp kelgen koronavirus infekciyası búgingi kúnde de túrli shtammlarda, qırǵaǵına urılǵan teńizdey bir neshe tolqınlarda qayta tarqalmaqta.
Házirgi waqıtta barlıq mámleketlerde, sonıń ishinde elimizde de koronavirusqa qarsı gúresiw boyınsha keń kólemli ilajlar ámelge asırılmaqta. Xalıqtı basqıshpa-basqısh koronavirusqa qarsı ǵalaba túrde shanshıw áne sonday ilajlardan biri bolıp esaplanadı.
Álbette, búgingi kúnde xalqımızdıń salamatlıǵın bekkemlew hám olardı bul kesellikten saqlawda bul ilajlar úlken áhmiyetke iye.
Aldın xabar berilgenindey, Qaraqalpaqstan Respublikası Joqarǵı Keńesi Baslıǵı, onıń orınbasarı, komitet baslıqları hám Joqarǵı Keńes Apparatınıń qánigeleri hám xızmetkerleri koronavirusqa qarsı vakcina almaqta.
Usı jıldıń 9-avgust kúni barlıq xızmetkerler belgilengen tártipte, ózleriniń qálewi boyınsha elimizde tán alınǵan vakcinalardıń biri menen 2-basqıshta shanshıldı.
Maǵlıwmat ushın, iyul ayında Qaraqalpaqstan Respublikası Joqarǵı Keńesi basshıları hám Joqarǵı Keńes Apparatınıń qánigeleri hám texnikalıq xızmetkerleri koronavirusqa qarsı vakcina menen 1-basqıshta emlengen edi.
Usı jıldıń 9-avgust kúni barlıq xızmetkerler belgilengen tártipte, ózleriniń qálewi boyınsha elimizde tán alınǵan vakcinalardıń biri menen 2-basqıshta shanshıldı.
Maǵlıwmat ushın, iyul ayında Qaraqalpaqstan Respublikası Joqarǵı Keńesi basshıları hám Joqarǵı Keńes Apparatınıń qánigeleri hám texnikalıq xızmetkerleri koronavirusqa qarsı vakcina menen 1-basqıshta emlengen edi.
Qaraqalpaqstan Respublikası Joqarǵı Keńesiniń baspasóz xızmeti