Byudjet joybarı dodalandı
2222
8-noyabr kúni Qaraqalpaqstan Respublikası Joqarǵı Keńesinde 2022-jıl ushın byudjet joybarın dodalawǵa baǵıshlanǵan májilis ótkerildi.
Májiliste Ózbekstan Respublikası Finans ministrligi wákilleri, Qaraqalpaqstan Respublikası Joqarǵı Keńesi deputatları, tiyisli ministrlik hám shólkemlerdiń basshıları, sonday-aq, xalıq deputatları qalalıq, rayonlıq Keńesleriniń deputatları, sekretariat hámde tiyisli turaqlı komissiyaları basshıları qatnastı.
Májilisti Qaraqalpaqstan Respublikası Joqarǵı Keńesiniń Sociallıq-mádeniy rawajlanıw hám jámiyetlik birlespeler máseleleri komiteti baslıǵı D.Qurbaniyazov ashtı hám alıp bardı.
Atap ótilgenindey, sońǵı jılları elimizde Húrmetli Prezidentimizdiń basshılıǵında byudjet maǵlıwmatlarınıń ashıq-aydınlıǵın jáne-de arttırıw, jergilikli byudjetlerdiń erkinligin támiyinlew, byudjet qarjılarınıń qáliplesiwi, olardıń sarıplanıwı ústinen parlamentlik hám jámiyetlik qadaǵalawdı kúsheytiw baǵdarında keń kólemli reformalar ámelge asırılmaqta.
Bul boyınsha qabıl etilgen Nızam hámde Qararlar byudjetti qáliplestiriwde jergilikli Keńeslerdiń wákilliklerin jáne de keńeytpekte hámde aymaqlardıń ózleri ushın qosımsha rezervlerin anıqlawǵa bekkem tiykar bolmaqta.
Sońǵı jılları jergilikli byudjet qarjıları esabınan barlıq qala hám rayonlarımızda keń kólemli qurılıs-ońlaw jumısları ámelge asırılmaqta, kóplegen sociallıq taraw obektleri paydalanıwǵa tapsırılmaqta.
Ótken bes jıl dawamında jergilikli byudjet prognozınıń artıqsha orınlanǵan bólegi esabınan ishimlik hám aqaba suw támiynatın jaqsılaw, usı obektlerde qurılıs-ońlaw jumısların ámelge asırıw ushın 2018-2020-jıllarda 8,5 mlrd. swmlıq, ishki jollar hám avtomobil jollarında qurılıs-ońlaw jumısların alıp barıw ushın 22,5 mlrd. swmlıq qarjılar ajıratıldı.
Sonday-aq, sociallıq taraw obektlerinde qurılıs, rekonstrukciya hám kapital remont jumısların alıp barıw ushın 2017-2021-jıllarda mektepke shekemgi bilimlendiriw tarawına 64,3 mlrd. swm, xalıq bilimlendiriw tarawına 71,8 mlrd. swm, densawlıqtı saqlaw tarawına 50,1 mlrd. swm, mádeniyat tarawına 20,5 mlrd. swm ajıratıldı.
Bunnan tısqarı, orınlarda “Abat awıl” hám “Abat máhálle” baǵdarlamalarında belgilengen ilajlardı ámelge asırıw ushın 194,7 mlrd. swmlıq qarjılar ajıratıldı. Sonıń menen birge, “Temir dápter”, “Hayallar dápteri” hámde “Jaslar dápteri”ne kirgen puqaralarǵa hár tárepleme ámeliy járdemler kórsetiw maqsetinde 37,7 mlrd. swmlıq qarjılar tiyisli fondlarǵa ótkerip berildi.
Kún tártibindegi másele – Qaraqalpaqstan Respublikası boyınsha 2022-jılǵı jergilikli byudjet parametrleri boyınsha Ózbekstan Respublikası Finans ministriniń orınbasarı D.Sultanov keń túrde túsinik berdi.
Deputatlar ózlerin qızıqtırǵan sorawlarǵa juwaplar aldı.
Atap ótilgenindey, sońǵı jılları elimizde Húrmetli Prezidentimizdiń basshılıǵında byudjet maǵlıwmatlarınıń ashıq-aydınlıǵın jáne-de arttırıw, jergilikli byudjetlerdiń erkinligin támiyinlew, byudjet qarjılarınıń qáliplesiwi, olardıń sarıplanıwı ústinen parlamentlik hám jámiyetlik qadaǵalawdı kúsheytiw baǵdarında keń kólemli reformalar ámelge asırılmaqta.
Bul boyınsha qabıl etilgen Nızam hámde Qararlar byudjetti qáliplestiriwde jergilikli Keńeslerdiń wákilliklerin jáne de keńeytpekte hámde aymaqlardıń ózleri ushın qosımsha rezervlerin anıqlawǵa bekkem tiykar bolmaqta.
Sońǵı jılları jergilikli byudjet qarjıları esabınan barlıq qala hám rayonlarımızda keń kólemli qurılıs-ońlaw jumısları ámelge asırılmaqta, kóplegen sociallıq taraw obektleri paydalanıwǵa tapsırılmaqta.
Ótken bes jıl dawamında jergilikli byudjet prognozınıń artıqsha orınlanǵan bólegi esabınan ishimlik hám aqaba suw támiynatın jaqsılaw, usı obektlerde qurılıs-ońlaw jumısların ámelge asırıw ushın 2018-2020-jıllarda 8,5 mlrd. swmlıq, ishki jollar hám avtomobil jollarında qurılıs-ońlaw jumısların alıp barıw ushın 22,5 mlrd. swmlıq qarjılar ajıratıldı.
Sonday-aq, sociallıq taraw obektlerinde qurılıs, rekonstrukciya hám kapital remont jumısların alıp barıw ushın 2017-2021-jıllarda mektepke shekemgi bilimlendiriw tarawına 64,3 mlrd. swm, xalıq bilimlendiriw tarawına 71,8 mlrd. swm, densawlıqtı saqlaw tarawına 50,1 mlrd. swm, mádeniyat tarawına 20,5 mlrd. swm ajıratıldı.
Bunnan tısqarı, orınlarda “Abat awıl” hám “Abat máhálle” baǵdarlamalarında belgilengen ilajlardı ámelge asırıw ushın 194,7 mlrd. swmlıq qarjılar ajıratıldı. Sonıń menen birge, “Temir dápter”, “Hayallar dápteri” hámde “Jaslar dápteri”ne kirgen puqaralarǵa hár tárepleme ámeliy járdemler kórsetiw maqsetinde 37,7 mlrd. swmlıq qarjılar tiyisli fondlarǵa ótkerip berildi.
Kún tártibindegi másele – Qaraqalpaqstan Respublikası boyınsha 2022-jılǵı jergilikli byudjet parametrleri boyınsha Ózbekstan Respublikası Finans ministriniń orınbasarı D.Sultanov keń túrde túsinik berdi.
Deputatlar ózlerin qızıqtırǵan sorawlarǵa juwaplar aldı.
Qaraqalpaqstan Respublikası Joqarǵı Keńesiniń baspasóz xızmeti