Ózbekstan kásiplik awqamları Federaciyasınıń Qaraqalpaqstan Keńesi baslıǵı, Senator U.Jalmenov Nókis qalasındaǵı 42-sanlı ulıwma orta bilim beriw mektebinde bolıp, jańa oqıw jılınıń "Bilimler kuni" keshesine qatnastı hám Ǵárezsizlik sabaǵın ótti. Ǵárezsizlik sabaǵında "Jana Ózbekstanda el áziz, insan áziz" súreni astında mámleketimizde bilimlendiriw tarawında ámelge asırılıp atırǵan reformalar, ásirese, jas áwladqa jaratılıp atırǵan imkaniyatlar jóninde aytıp ótildi. Bunnan soń Ѳzbekstan Respublikası Prezidentiniń 2022-jıl 31-avgust kúngi «Qaraqalpaqstan Respublikasında isbilermenlik, innovaciyalıq texnologiyalar hám infrastrukturanı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqında»ǵı Pármanınıń mazmun mánisin hám bántlerinde belgilep berilgen wazıypalar boyınsha keńnen túsinik berildi.