Qaraqalpaqstan Respublikası Joqarǵı Keńesiniń Nızamlılıq, sud-huqıq hám korrupciyaǵa qarsı gúresiw máseleleri komitetinde “Sudlar haqqında”ǵı Ózbekstan Respublikası Nızamınıń 37-statyasına muwapıq puqaralar huqıqların hám erkinliklerin, sonıń menen birge kárxanalar, mákemeler hám shólkemlerdiń huqıqları hámde nızam menen qorǵalatuǵın máplerin sud jolı menen qorǵawdı ámelge asırıwǵa baylanıslı jumısları haqqında Qaraqalpaqstan Respublikası sudı hám Qaraqalpaqstan Respublikası hákimshilik sudı baslıqlarınıń málimlemeleri tıńlandı. Atap aytqanda Qaraqalpaqstan Respublikası jınayat isleri boyınsha, puqaralıq isleri hám ekonomikalıq sudları tárepinen 2022-jıldıń 7 ayı dawamında ádil sudlawdı ámelge asırıwda bir qansha jumıslar ámelge asırılǵanlıǵı atap ótildi.

Bunnan basqa da, ayırım qala hám rayon hákimleriniń orınbasarları - shańaraq hám hayal qızlar bólimi baslıqları, májbúriy orınlaw byurosı bólimleri baslıqları, máhálle hám nuranıylardı qollap-quwatlaw bólimi baslıqları, mámleketlik basqarıw uyımları basshıları qatnasında kún tártibindegi máseleler dodalanıp, olardıń pikir hám usınısları tıńlandı. Kún tártibindegi máselege baylanıslı tiyisli mákeme basshıları, xızmetkerleri hám de ǵalaba xabar quralları wákilleri qatnastı hám májilis juwmaǵı boyınsha tiyisli sheshim qabıl etildi.