1132
Usı jıl 7-sentyabr kúni Qaraózek rayonında Qaraqalpaqstan Respublikası Joqarǵı Keńesiniń Nızamlılıq, sud-huqıq hám korrupciyaǵa qarsı gúresiw máseleleri komiteti aǵzası Xalilla Eshimbetovtıń Ózbekstan Respublikası Prezidentiniń 2022-jıl 31-avgusttaǵı «Qaraqalpaqstan Respublikasında isbilermenlik, innovaciyalıq texnologiyalar hám infrastrukturalardı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqında»ǵı PP-213-sanlı Pármanınıń mazmunın hám áhmiyetin úgit-násiyatlawǵa baǵıshlanǵan ushırasıwı bolıp ótti.
Ushırasıw dawamında deputatlarǵa hám jıynalıs qatnasıwshılarına Pármanda atap ótilgen máselelerge toqtap ótti. Atap aytqanda, isbilermenlik subektlerine qolay sharayatlar jaratıw, usı arqalı xalıqtıń turmıs abadanlıǵın jaqsılaw maqsetinde Qaraqalpaqstan Respublikasında payda salıǵı stavkası 15 procentten 7,5 procentke azaytılıwı, aylanba salıq stavkası Nókis qalasında 4 procentten 2 procentke, rayonlarda 2 procentten 1 procentke, alıs aymaqlarda bolsa 1 procentten 0,5 procentke, múlk hám jer salıǵı stavkaları 2 esege azaytılıwı sıyaqlı berilip atırǵan jeńillikler haqqında aytıp ótti. Sonday-aq, hár bir kem támiyinlengen shańaraqqa bazalıq esaplaw muǵdarınıń 2 esesi muǵdarında bir mártelik materiallıq járdem pullarınıń beriliwi, 2022-2023-oqıw jılı ushın Qaraqalpaqstan Respublikasında ulıwma orta, orta-arnawlı hám professional bilimlendiriw mákemelerin tamamlaǵan 500, keyingi jılları ushın bolsa hár jılı 1-sentyabrge shekem 6500 jastıń wálayatlardaǵı mámleketlik joqarı bilimlendiriw mákemelerine qosımsha qabıllaw parametrleri tiykarında oqıwǵa qabıl etiletuǵınlıǵı, 2022-jıl 15-sentyabr sánesinen baslap Qaraqalpaqstan Respublikası hám Xorezm wálayatında jasaytuǵın jasına baylanıslı pensiya hám napaqa alıwshılar, mayıplıǵı bolǵan puqaralar ushın temir jol hám avia biletlerdi satıw 50 procentlik jeńillikli tarifler boyınsha ámelge asırılıwı haqqında túsinikler berip ótti.
Sonıń menen birge, ilajda korrupciyanıń aldın alıw, oǵan qarsı gúresiw boyınsha Prezidentimiz tárepinen qabıl etilip atırǵan Pármanlar hám Húkimetlik qararlar tuwralı maǵlıwmatlar berip, áhmiyetine keń túrde toqtap ótti.
Ushırasıwda bildirilgen pikirlerden kelip shıǵıp tiyisli wazıypalar belgilep alındı.
Ushırasıw dawamında deputatlarǵa hám jıynalıs qatnasıwshılarına Pármanda atap ótilgen máselelerge toqtap ótti. Atap aytqanda, isbilermenlik subektlerine qolay sharayatlar jaratıw, usı arqalı xalıqtıń turmıs abadanlıǵın jaqsılaw maqsetinde Qaraqalpaqstan Respublikasında payda salıǵı stavkası 15 procentten 7,5 procentke azaytılıwı, aylanba salıq stavkası Nókis qalasında 4 procentten 2 procentke, rayonlarda 2 procentten 1 procentke, alıs aymaqlarda bolsa 1 procentten 0,5 procentke, múlk hám jer salıǵı stavkaları 2 esege azaytılıwı sıyaqlı berilip atırǵan jeńillikler haqqında aytıp ótti. Sonday-aq, hár bir kem támiyinlengen shańaraqqa bazalıq esaplaw muǵdarınıń 2 esesi muǵdarında bir mártelik materiallıq járdem pullarınıń beriliwi, 2022-2023-oqıw jılı ushın Qaraqalpaqstan Respublikasında ulıwma orta, orta-arnawlı hám professional bilimlendiriw mákemelerin tamamlaǵan 500, keyingi jılları ushın bolsa hár jılı 1-sentyabrge shekem 6500 jastıń wálayatlardaǵı mámleketlik joqarı bilimlendiriw mákemelerine qosımsha qabıllaw parametrleri tiykarında oqıwǵa qabıl etiletuǵınlıǵı, 2022-jıl 15-sentyabr sánesinen baslap Qaraqalpaqstan Respublikası hám Xorezm wálayatında jasaytuǵın jasına baylanıslı pensiya hám napaqa alıwshılar, mayıplıǵı bolǵan puqaralar ushın temir jol hám avia biletlerdi satıw 50 procentlik jeńillikli tarifler boyınsha ámelge asırılıwı haqqında túsinikler berip ótti.
Sonıń menen birge, ilajda korrupciyanıń aldın alıw, oǵan qarsı gúresiw boyınsha Prezidentimiz tárepinen qabıl etilip atırǵan Pármanlar hám Húkimetlik qararlar tuwralı maǵlıwmatlar berip, áhmiyetine keń túrde toqtap ótti.
Ushırasıwda bildirilgen pikirlerden kelip shıǵıp tiyisli wazıypalar belgilep alındı.