Qurılıs jumıslarınıń barısı deputatlar qadaǵalawına alınbaqta
1385
Qońırat rayonı hákimligi imaratında Qaraqalpaqstan Respublikası Joqarǵı Keńesiniń Jergilikli hákimiyattıń wákillikli hám puqaralardıń ózin-ózi basqarıw uyımları hám de mámleketlik uyımlardıń ashıqlıǵın támiyinlew máseleleri komiteti baslıǵı Sh.Otemisov qatnasıwında qurılıs obektlerindegi jumıslardıń barısı, olardıń óz múddetinde sapalı qurılıp tapsırılıwı boyınsha deputatlıq qadaǵalaw tártibinde islewge arnalǵan májilis ótkerildi.
Ótkerilgen májiliste rayon aymaǵındaǵı búgingi kúnde dawam etip atırǵan qurılıs jumısları barısı haqqında sóz etilip, deputatlar tárepinen bul jumıslardıń qadaǵalawın turaqlı alıp barıw máselesi sóz etildi.
Sonday-aq, ótkerilgen ilajda Ózbekstan Respublikası Prezidentiniń 2022-jıl 31-avgusttaǵı «Qaraqalpaqstan Respublikasında isbilermenlik, innovaciyalıq texnologiyalar hám infrastrukturalardı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqında»ǵı PP-213-sanlı Pármanınıń mazmunın hám áhmiyetin xalıqqa jetkeriw, isbilermenlik jumısın baslaw niyetindegi puqaralarǵa kѳmeklesiw boyınsha da pikirler almasıldı.
Sonıń menen birge deputatlar rayon orayındaǵı kóshelerdiń arxitekturalıq kórinisin zamanagóylestiriw hám abadanlastırıw jumısları menen tanısıp, hár bir qurılıs obektleri, olarǵa múddetinde qarjı ajıratılıwı, qurılısshılarǵa jaratılǵan shárayatlar deputatlıq qadaǵalawǵa alındı.
Qaraqalpaqstan Respublikası Joqarǵı Keńesiniń Málimleme xızmeti