Mámleketlik grantlar boyınsha qabıl etilgen joybarlar komissiya májilisinde kórip shıǵıldı
2384
Qaraqalpaqstan Respublikası Joqarǵı Keńesiniń májilisler zalında Qaraqalpaqstan Respublikası Joqarǵı Keńesi janındaǵı jámiyetlik Fondı tárepinen járiyalanǵan mámleketlik grantlar boyınsha qabıl etilgen joybarlar komissiya májilisinde kórip shıǵıldı.
Májilisti Qaraqalpaqstan Respublikası Joqarǵı Keńesiniń Sociallıq-mádeniy rawajlanıw, jaslar siyasatı hám jámiyetlik birlespeler máseleleri komiteti baslıǵı Dawıtbay Qurbaniyazov ashtı hám alıp bardı.
Ótkerilgen májiliste jámiyetlik fond tárepinen járiyalanǵan mámleketlik grantlar boyınsha kabıl etilgen joybarlar kórip shıǵıw hám sociallıq buyırtpa boyınsha kelesi finans jılına kelip túsken usınıslardı komissiya májilisinde kórip shıǵıp, tiyisli sheshim qabıl etiw, mámleketlik grant ajıratıw boyınsha 5-tańlawǵa áhmiyetli baǵdarlardı belgilep alıw haqqındaǵı máseleler kórip shıǵıldı.
Aytıp ótiw orınlı, Joqarǵı Keńes janındaǵı jámiyetlik Fond tárepinen usı jılı “Jámiyette salamat turmıs tárizin úgit-násiyatlawda mámleketlik emes kommerciyalıq emes shólkemler hám puqaralıq jámiyetiniń basqa da institutlarınıń belsendiligin arttırıw” atamasında 9 baǵdarda mámleketlik grant boyınsha
4-tańlawı járiyalanǵan edi.
Bul járiyalanǵan tańlaw boyınsha belgilengen múddet ishinde bir qansha joybarlar kelip túsken bolıp, májilis dawamında kelip túsken joybarlar keń túrde talqılandı hám ayırım joybarlardaǵı qáte-kemshilikler atap ótildi.
Májilis dawamında Sociallıq sheriklik boyınsha jámiyetlik komissiyanıń baǵdarlama hám joybarlardıń sociallıq hámde ulıwma áhmiyetin anıqlaw boyınsha isshi topar basshısı U.Jalmenov sózge shıǵıp, joybarlar hám mámleketlik grant tańlawında qatnasıw boyınsha óziniń pikir-usınısların bildirdi.
Qaraqalpaqstan Respublikası Joqarǵı Keńesiniń Málimleme xızmeti