Qaraqalpaqstan Respublikası Joqarǵı Keńesiniń Baslıǵı Amanbay Orınbaev Shomanay rayonında boldı
2072
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Shomanay rayonında bolıp, rayon aymaǵında alıp barılıp atırǵan abadanlastırıw jumısları hám xalıqtı qıynap kiyatırǵan mashqalalardı sheshiw jolında ámelge asırılıp atırǵan jumıslar menen tanıstı.
Dáslep, Joqarǵı Keńes Baslıǵı respublikalıq áhmiyetke iye 4R 177 avtomobil jolınıń «Sarmanbaykól» APJ aymaǵınan ótiwshi uchastkasında jaylasqan avariyalıq jaǵdaydaǵı kópirdi barıp kórdi hám bul mashqala awıl turǵınların, háreket qatnasıwshıların qıynap kiyatırǵanlıǵın atap ótip, mashqalanı tez arada sheshiw boyınsha juwapkerlerge tapsırmalar berdi. Sonday-aq, usı awıl puqaralar jıyını aymaǵındaǵı 12-sanlı ulıwma bilim beriw mektebi filialı ushın jańadan qurılıp atırǵan imarat qurılısı menen jaqınnan tanısıp, belgilengen grafikten artta qalıp atırǵanlıǵın sınǵa aldı hám tiyisli taraw wákillerine úyrenip shıǵıw juwapkershiligin júkledi.
Bunnan soń, rayon orayındaǵı mádeniyat bólimi imaratında alıp barılıp atırǵan qurılıs jumısları kózden ótkerilip, juwapkerlerge qurılıs jumıslarınıń jedellestiriliw kerekligin aytıp ótti. Úyreniwler dawamında Joqarǵı Keńes Baslıǵı rayonlıq medicina birlespesinde alıp barılıp atırǵan rekonstrukciya jumısların barıp kórdi hám qurılıs jumıslarınıń belgilengen grafikten artta qalıp atırǵanlıǵın qatań sınǵa alıp, taraw basshılarına qurılıs jumısların jeke qadaǵalawǵa alıwdı tapsırdı.
Shomanay rayonında Qarabaylı mákan puqaralar jıyını aymaǵındaǵı 32-sanlı ulıwma bilim beriw mektebi jańa imaratı jámi 220 oqıwshı ushın arnalǵan bolıp Joqarǵı Keńes Baslıǵı qurılıs jumısların barıp kórdi hám mekteptiń, sonday-aq, usı aymaqta «Turan bank» qáwenderliginde qurılıp atırǵan sociallıq obektlerdiń de qurılısın qadaǵalawǵa alıw boyınsha tapsırmalar berdi.
Qurılıs jumısların kózden ótkergennen soń Qaraqalpaqstan Respublikası Joqarǵı Keńesiniń Baslıǵı Amanbay Orınbaev ministrlik hám wákillikli uyımlar, deputatlar, jergilikli taraw basshıları, sonday-aq, kóshe biyleri hám awıl aqsaqalları menen ushırasıp, xalıqtıń kúndelikli turmısında ushırasıp atırǵan mashqalalardı sheshiw, rayon aymaǵındaǵı qurılıs-ońlaw jumıslarınıń barısı, bilimlendiriw, medicinalıq járdem sonday-aq, puqaralar menen jaqınnan islesiw baǵdarında alıp barılıp atırǵan jumıslarǵa toqtalıp, bul baǵdarda taraw basshıları tárepinen jol qoyılǵan kemshiliklerdi sınǵa aldı.
Sonıń menen birge xalıq iygiligi jolında respublikamız boyınsha alıp barılıp atırǵan keń kólemli abadanlastırıw jumısları, «Abat awıl» hám «Abat máhálle» mámleketlik baǵdarlamalarınıń ámeliy nátiyjeleri, insan qádirin ullılawday baslamalardıń sistemalı dawam ettirilip atırǵanlıǵın ayrıqsha atap ótti.
Ótkerilgen májiliste rayon xalqın kúndelikli turmısınan razı etiw jolında nemquraydılıq penen qarap atırǵan basshılar katań eskertilip, rayon turǵınlarınıń abadan turmısın támiynlew jolında at salısıw kerekligi, bul baǵdarda hár bir taraw basshısı óz tarawı boyınsha jumıslardı qaytadan kórip shıǵıw kerekligin ayrıqsha tilge aldı.
Májilis sońında Shomanay rayonın barlıq tarawlarda elede rawajlandırıw boyınsha anıq ilajlar kóriletuǵınlıǵı hám 2022-jıl juwmaǵına shekem
rayondı sociallıq-ekonomikalıq rawajlandırıw hám xalıqtıń abadan turmıs keshiriwin támiyinlewge jámi 11 mlrd. swmlıq qarjı ajıratılatuǵınlıǵı atap ótildi.
Shomanay rayonında Qarabaylı mákan puqaralar jıyını aymaǵındaǵı 32-sanlı ulıwma bilim beriw mektebi jańa imaratı jámi 220 oqıwshı ushın arnalǵan bolıp Joqarǵı Keńes Baslıǵı qurılıs jumısların barıp kórdi hám mekteptiń, sonday-aq, usı aymaqta «Turan bank» qáwenderliginde qurılıp atırǵan sociallıq obektlerdiń de qurılısın qadaǵalawǵa alıw boyınsha tapsırmalar berdi.
Qurılıs jumısların kózden ótkergennen soń Qaraqalpaqstan Respublikası Joqarǵı Keńesiniń Baslıǵı Amanbay Orınbaev ministrlik hám wákillikli uyımlar, deputatlar, jergilikli taraw basshıları, sonday-aq, kóshe biyleri hám awıl aqsaqalları menen ushırasıp, xalıqtıń kúndelikli turmısında ushırasıp atırǵan mashqalalardı sheshiw, rayon aymaǵındaǵı qurılıs-ońlaw jumıslarınıń barısı, bilimlendiriw, medicinalıq járdem sonday-aq, puqaralar menen jaqınnan islesiw baǵdarında alıp barılıp atırǵan jumıslarǵa toqtalıp, bul baǵdarda taraw basshıları tárepinen jol qoyılǵan kemshiliklerdi sınǵa aldı.
Sonıń menen birge xalıq iygiligi jolında respublikamız boyınsha alıp barılıp atırǵan keń kólemli abadanlastırıw jumısları, «Abat awıl» hám «Abat máhálle» mámleketlik baǵdarlamalarınıń ámeliy nátiyjeleri, insan qádirin ullılawday baslamalardıń sistemalı dawam ettirilip atırǵanlıǵın ayrıqsha atap ótti.
Májilis sońında Shomanay rayonın barlıq tarawlarda elede rawajlandırıw boyınsha anıq ilajlar kóriletuǵınlıǵı hám 2022-jıl juwmaǵına shekem
rayondı sociallıq-ekonomikalıq rawajlandırıw hám xalıqtıń abadan turmıs keshiriwin támiyinlewge jámi 11 mlrd. swmlıq qarjı ajıratılatuǵınlıǵı atap ótildi.
Qaraqalpaqstan Respublikası Joqarǵı Keńesiniń Málimleme xızmeti