Mektepke shekemgi bilimlendiriw tarawında korrupciyaǵa qarsı gúresiw boyınsha seminar bolıp ótti
2347
Qaraqalpaqstan Respublikası Mektepke shekemgi bilimlendiriw ministrliginde mektepke shekemgi bilimlendiriw shólkemlerinde korrupciyaǵa qarsı gúresiw, byudjet qarjıların talan-taraj etiwdiń aldın alıwǵa arnalǵan seminar bolıp ótti.
Seminardı Qaraqalpaqstan Respublikası Mektepke shekemgi bilimlendiriw ministri G.Baxieva ashtı hám alıp bardı.
Oǵan Qaraqalpaqstan Respublikası Joqarǵı Keńesiniń Nızamlılıq, sud-huqıq hám korrupciyaǵa qarsı gúresiw máseleleri komiteti baslıǵı Z.Reymova, Ózbekstan Respublikası Bas Prokuraturası janındaǵı ekonomikalıq jınayatlarǵa qarsı gúresiw departamentiniń Qaraqalpaqstan Respublikası Basqarmasınıń baslıǵı E.Ataniyazov, Korrupciyaǵa qarsı gúresiw boyınsha aymaqlıq Keńesi aǵzaları, qala hám rayonlıq mektepke shekemgi bilimlendiriw bólimleri baslıqları qatnastı.
Ótkerilgen seminarda mektepke shekemgi bilimlendiriw shólkemleri, sonday-aq, tarawdıń barlıq buwınlarında mámleketlik byudjet qarjılarınıń maqsetke muwapıq jumsalıwı, sonday-aq, tarawda korrupciyaǵa qarsı gúresiw hám onıń aldın alıw hám nızamlı túrde jumıs alıp barıw baǵdarında keń túrde túsinik berildi.
Qaraqalpaqstan Respublikası Joqarǵı Keńesiniń Málimleme xızmeti