«Altın Jaǵıs» máhálesi abat mákanǵa aylanbaqta
967
Búgingi kúnde Nókis qalasındaǵı 29 máhálle «Awır aymaq»lar qatarına kirgizilgen bolıp, aymaqlardıń infrastrukturasın jaqsılaw, jol, ishimlik suw, gaz hám elektr támiynatı sıyaqlı mashqalalardı sheshiw boyınsha keń kólemli qurılıs-ońlaw hám abadanlastırıw jumısları alıp barılmaqta.
«Altın jaǵıs» máhallesinde usı jıldıń sentyabr ayınan aymaqtı abat etiw jumısları baslap jiberilgen edi. Búgingi kúnge kelip, máhálleniń jámi 32 kóshesi topıraq joldan qum-щeben (ЩPS) aralaspalı tas jollarǵa aylandırıldı. Hár bir kóshede abadanlastırıw jumısları alıp barılıp, úylerdiń fasad kórinisleri jaqsılandı. Sonday-aq, Tashkent qalası hákimligi qáwenderliginde máhálle imaratı qurılısı jumısları da baslap jiberilgen.
Qaraqalpaqstan Respublikası Joqarǵı Keńesiniń Nızamlılıq, sud-huqıq hám korrupciyaǵa qarsı gúresiw máseleleri boyınsha komitet baslıǵı Z.Reymova máhállede alıp barılıp atırǵan iygilikli jumıslar menen jaqınnan tanısıp, qurılıs jumısları deputatlıq qadaǵalawda ekenligin bildirdi.
Qaraqalpaqstan Respublikası Joqarǵı Keńesiniń Málimleme xızmeti