Aldınǵı terimshiler múnásip xoshametlendi
2310
Xojeli rayonındaǵı "Midasiatex cluster" juwapkershiligi sheklengen jámiyeti tárepinen bıyılǵı jılda "Samankól" awıl puqaralar jıyını aymaǵındaǵı dalalarǵa 45 gektar, al rayon kóleminde jámi 1 200 gektar maydanǵa shigit egilip, barlıq agrotexnikalıq qádelerge sáykes jumıslar alıp barıldı.
Jetistirilgen zúráátti sepsitpey jıynap alıwda mapazǵa belsene qatnasıp atırǵan paxtakeshler ayrıqsha járdem bermekte.
Búgin "Samankól" APJdaǵı fermer xojalıǵı atız maydanında aldınǵı terimshilerdi sıylıqlaw máresimi bolıp ótti.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev terim mapazında ayrıqsha belsendilik kórsetip atırǵan paxtakeshlerge bahalı sawǵalar tapsırdı.
Qaraqalpaqstan Respublikası Joqarǵı Keńesiniń Málimleme xızmeti