Qaraqalpaqstan Respublikası Joqarǵı Keńesiniń Baslıǵı Amanbay Orınbaev Tórtkúl rayonında boldı
3336
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Tórtkúl rayonınıń social-ekonomikalıq jaǵdayı hám aymaqta alıp barılıp atırǵan keń kólemli dóretiwshilik-abadanlastırıw jumısları menen tanısıw maqsetinde rayonda boldı.
Dáslep Joqarǵı Keńes Baslıǵı rayon aymaǵında alıp barılıp atırǵan qurılıs jumısları menen tanısıw maqsetinde bir qansha obektlerde boldı. Sonnan, “Markazobod” MPJ aymaǵındaǵı 12-sanli mámleketlik mektepke shekemgi bilimlendiriw mákemesinde alıp barılıp atırǵan rekonstrukciya jumısları, Tórtkúl rayonı orayı ishimlik suw tarmaqları hám adminstrativlik laboratoriya-dispetcherlik punktin rekonstrukciyalaw, “Shoraxan” APJ aymaǵındaǵı 44-sanlı mektep imaratınıń rekonstrukciya jumısları menen jaqınnan tanıstı hám qurılıs jumıslarınıń belgilengen rejeden artta qalıp atırǵanlıǵın qatań sınǵa alıp, bul boyınsha tiyisli taraw wákillerine qadaǵalawǵa alıw, zárúr jaǵdayda nızamlı shara kóriw boyınsha tapsırmalar berdi.
Bunnan soń, Qaraqalpaqstan Respublikası Joqarǵı Keńesiniń Baslıǵı Amanbay Orınbaev Tórtkúl rayonınıń belsendileri, kárxana hám shólkem basshıları sonday-aq, barlıq ministrlik, shólkem basshıları qatnasıwında májilis ótkerdi.
Májiliste búgingi kúnde respublikamızda «Insan qádiri ushın» principi tiykarında xalqımızdıń jasaw shárayatın jaqsılaw, olardıń abadan turmısın támiyinlew, kúndelikli turmısında ushırasıp atırǵan mashqalalardı sistemalı túrde sheshiw baǵdarında alıp barılıp atırǵan jumıslar haqqında aytıp ótip, bul baǵdardaǵı jumıslar Tórtkúl rayonında da bunnan bılayda dawam ettiriliwi kerekligi, sonday-aq, aymaq xalqın qıynap kiyatırǵan mashqalalardı sheshiw jolında ayırım basshılar tárepinen nemquraydılıq penen qaralıp atırǵanın sınǵa aldı.
Sonıń menen birge rayonda byudjet qarjılarınıń maqsetsiz jumsalıwı hámde ajıratılıp atırǵan jeńilletilgen kreditler mútáj puqaralarǵa berilmesten, maqsetsiz jumsalǵan jaǵdayları da ushırasıp atırǵanlıǵı, mámleketlik byudjetten ajıratılǵan qarjılarda bir qansha finanslıq qáte-kemshiliklerge jol qoyılǵanlıǵı atap ótildi.
Bunnan tısqarı, rayondaǵı bilimlendiriw, mádeniyat, densawlıqtı saqlaw, awıl xojalıǵı tarawlarındaǵı qurılıs jumıslarında byudjet qarjıları talan-taraj etilgenligi qatań sınǵa alınıp, bul boyınsha anıq sharalardı kóriw boyınsha tiyisli tarawlar wákillerine tapsırmalar berildi.
Sonday-aq, Tórtkúl rayonında puqaralar tárepinen kelip túsken múrájatlardıń tek ǵana 25 payızı unamlı sheshilgenligi, bulardan kópshiligi kommunal xızmet, sociallıq napaqa sıyaqlı tarawlardı óz ishine alǵanlıǵı aytıp ótildi.
Ótkerilgen májiliste gaz, suw támiynatı, elektr energiyası hám ishki xojalıq jollardı ońlaw, transport, sociallıq qollap-quwatlaw tarawları boyınsha mashqalalar xalıqtıń keypiyatına unamsız tásir etip atırǵanlıǵı haqqında sóz etilip, bul baǵdarda tiyisli taraw basshıları tárepinen óz jumısına nemquraydılıq penen qaralıp kiyatırǵanlıǵı tikkeley xalıq narazılıǵına sebep bolıp atırǵanlıǵın Joqarǵı Keńes baslıǵı atap ótti.
Májiliste tiyisli taraw basshıları qatań eskertilip, óz náwbetinde ushırasıp atırǵan mashqalalar boyınsha tez arada sheshim tabıw boyınsha anıq tapsırmalar berildi.
Májilis juwmaǵında bıyılǵı jıl juwmaǵına shekem rayondı sociallıq-ekonomikalıq rawajlandırıw hám xalıqtıń abadan turmısın támiyinlewge jámi 20,7 mlrd. swmlıq qarjı ajıratılatuǵınlıǵı atap ótildi.
Sonıń menen birge rayonda byudjet qarjılarınıń maqsetsiz jumsalıwı hámde ajıratılıp atırǵan jeńilletilgen kreditler mútáj puqaralarǵa berilmesten, maqsetsiz jumsalǵan jaǵdayları da ushırasıp atırǵanlıǵı, mámleketlik byudjetten ajıratılǵan qarjılarda bir qansha finanslıq qáte-kemshiliklerge jol qoyılǵanlıǵı atap ótildi.
Sonday-aq, Tórtkúl rayonında puqaralar tárepinen kelip túsken múrájatlardıń tek ǵana 25 payızı unamlı sheshilgenligi, bulardan kópshiligi kommunal xızmet, sociallıq napaqa sıyaqlı tarawlardı óz ishine alǵanlıǵı aytıp ótildi.
Ótkerilgen májiliste gaz, suw támiynatı, elektr energiyası hám ishki xojalıq jollardı ońlaw, transport, sociallıq qollap-quwatlaw tarawları boyınsha mashqalalar xalıqtıń keypiyatına unamsız tásir etip atırǵanlıǵı haqqında sóz etilip, bul baǵdarda tiyisli taraw basshıları tárepinen óz jumısına nemquraydılıq penen qaralıp kiyatırǵanlıǵı tikkeley xalıq narazılıǵına sebep bolıp atırǵanlıǵın Joqarǵı Keńes baslıǵı atap ótti.
Májiliste tiyisli taraw basshıları qatań eskertilip, óz náwbetinde ushırasıp atırǵan mashqalalar boyınsha tez arada sheshim tabıw boyınsha anıq tapsırmalar berildi.
Májilis juwmaǵında bıyılǵı jıl juwmaǵına shekem rayondı sociallıq-ekonomikalıq rawajlandırıw hám xalıqtıń abadan turmısın támiyinlewge jámi 20,7 mlrd. swmlıq qarjı ajıratılatuǵınlıǵı atap ótildi.
Qaraqalpaqstan Respublikası Joqarǵı Keńesiniń Málimleme xızmeti