Qaraqalpaqstan Respublikası Joqarǵı Keńesiniń Baslıǵı Amanbay Orınbaev Moynaq rayonında boldı
2362
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Moynaq rayonınıń social-ekonomikalıq jaǵdayı hám xalıqtıń turmıs sharayatın jaqsılaw jolında ámelge asırılıp atırǵan jumıslar menen tanısıw maqsetinde rayonda boldı.
Moynaqqa bolǵan saparda Joqarǵı Keńes Baslıǵı rayondaǵı Qızıl jar awıl puqaralar jıyını aymaǵında jaylasqan sharwashılıq kompleksi jumısları menen jaqınnan tanıstı.
Dáslep sharwashılıq kompleksine tiyisli bolǵan egislik maydanlarında jetistirilip atırǵan mákke dalaları kózden ótkerildi. Búgingi kúnde sharwashılıq kompleksi dalalarında silos tayarlaw ushın zárúrli bolǵan jergilikli mákke sortı menen birge tiykarınan dáninde joqarı ónimdarlıqqa iye Turkiyadan alıp kelingen jańa sort ta egilip atır. Tiyisli taraw wákilleri menen birge awıl xojalıǵı maydanları kózden ótkerilip, respublikanıń barlıq aymaqlarınan jıynalǵan sharwashılıq tarawı xızmetkerleri qatnasıwında komplekstiń silos tayarlaw ornında juǵımlı ot-jem qorın tayarlaw jumısları kórip shıǵıldı.
Joqarǵı Keńes Baslıǵı sharwashılıq tarawı qánigeleri menen ushırasıwında respublikanın eń shetki hám suw jetip barıwı qıyın bolǵan aymaǵında jolǵa qoyılǵan sharwashılıq komleksi jumısları hár bir rayon sharwaları ushın úlgi bolıwı kerekligi hám bul jerde paydalanılıp atırǵan tájiriybelerdi basqa orınlarda da en jaydırıw kerekligin atap ótti.
Sapar dawamında Moynaq LDSP islep shıǵarıw kárxanası jumısları kózden ótkerilip, kárxananı iske túsiriwde ushırasıp atırǵan mashqalalar úyrenildi hám bul boyınsha tiyisli taraw wákillerine tapsırmalar berildi.
Bunnan soń rayon orayında jaylasqan “Moynaq teks” JShJ tigiw-trikotaj fabrikası kózden ótkerildi.
Aytıp ótiw orınlı, fabrika búgingi kúnde qayta iske túsiriliwi belgilengen bolıp, 200 jańa jumıs ornınıń jaratılıwı rejelestirilgen. Joqarǵı Keńes Baslıǵı Moynaq rayonı hákimine bul fabrika jumısın jolǵa qoyıwda 300 jańa jumıs ornın jaratıw boyınsha tapsırma berdi.
Bunnan soń, Qaraqalpaqstan Respublikası Joqarǵı Keńesiniń Baslıǵı Amanbay Orınbaev Moynaq rayonınıń belsendileri, sonday-aq, barlıq ministrlik, shólkem hám rayonlıq mákeme basshıları qatnasıwında májilis ótkerdi.
Májilistiń tiykarǵı maqseti de xalıqtıń kúndelikli turmısında ushırasıp atırǵan mashqalalardı sheshiw bolıp, onda xalıqtıń abadan turmısın támiyinlew jolında ámelge asırılıp atırǵan jumıslar hám bul baǵdardaǵı ayırım kemshilikler haqqında sóz etildi.
Ótkerilgen májiliste rayonda byudjet qarjılarınıń maqsetsiz jumsalıwı, ajıratılıp atırǵan jeńilletilgen kreditlerdiń mánzilsiz jumsalǵanlıǵı, qurılıs-ońlaw, abadanlastırıw jumıslarında ushırasıp atırǵan kemshilikler atap ótilip, bul baǵdarda Moynaq rayonı hákimi, sonday-aq, sektor basshıları hám tiyisli taraw wákilleri nemquraydılıq penen qarap atırǵanlıǵı sınǵa alındı.
Bunnan tısqarı, byudjet qarjılarınıń jumsalıwında qosıp jazıwlar, pullardı ózlestirip jiberiw jaǵdayları, Investiciya, “Abat awıl” baǵdarlamaları hám Prezident saparı dawamında berilgen tapsırmalar tiykarında ámelge asırılıwı kerek bolǵan qurılıs-ońlaw jumıslarında artta qalıwshılıq jaǵdayları bar ekenligine ayrıqsha toqtaldı.
Májilis juwmaǵında bıyılǵı jıl juwmaǵına shekem rayondı sociallıq-ekonomikalıq rawajlandırıw hám xalıqtıń abadan turmıs keshiriwin támiyinlew maqsetinde jámi 7,8 mlrd. swmlıq qarjı ajıratılatuǵınlıǵı atap ótildi.
Aytıp ótiw orınlı, fabrika búgingi kúnde qayta iske túsiriliwi belgilengen bolıp, 200 jańa jumıs ornınıń jaratılıwı rejelestirilgen. Joqarǵı Keńes Baslıǵı Moynaq rayonı hákimine bul fabrika jumısın jolǵa qoyıwda 300 jańa jumıs ornın jaratıw boyınsha tapsırma berdi.
Bunnan soń, Qaraqalpaqstan Respublikası Joqarǵı Keńesiniń Baslıǵı Amanbay Orınbaev Moynaq rayonınıń belsendileri, sonday-aq, barlıq ministrlik, shólkem hám rayonlıq mákeme basshıları qatnasıwında májilis ótkerdi.
Májilistiń tiykarǵı maqseti de xalıqtıń kúndelikli turmısında ushırasıp atırǵan mashqalalardı sheshiw bolıp, onda xalıqtıń abadan turmısın támiyinlew jolında ámelge asırılıp atırǵan jumıslar hám bul baǵdardaǵı ayırım kemshilikler haqqında sóz etildi.
Ótkerilgen májiliste rayonda byudjet qarjılarınıń maqsetsiz jumsalıwı, ajıratılıp atırǵan jeńilletilgen kreditlerdiń mánzilsiz jumsalǵanlıǵı, qurılıs-ońlaw, abadanlastırıw jumıslarında ushırasıp atırǵan kemshilikler atap ótilip, bul baǵdarda Moynaq rayonı hákimi, sonday-aq, sektor basshıları hám tiyisli taraw wákilleri nemquraydılıq penen qarap atırǵanlıǵı sınǵa alındı.
Qaraqalpaqstan Respublikası Joqarǵı Keńesiniń Málimleme xızmeti