Qaraqalpaqstan Respublikası Joqarǵı Keńesiniń Baslıǵı Amanbay Orınbaev jaslar menen ushırastı
2011
Qaraqalpaqstan Respublikası Joqarǵı Keńesiniń Baslıǵı Amanbay Orınbaev respublikamızdıń belsendi jasları menen ushırastı. Onda bilimlendiriw, sport, mádeniyat, kórkem-óner hám basqa da tarawlarda jetiskenliklerge erisip atırǵan belsendi jaslar, sonday-aq, tiyisli taraw basshıları qatnastı.
Dáslep Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, elimizde búgingi kúnde óz qábiletin júzege shıǵarıw niyetindegi jaslarǵa qaratılıp atırǵan itibar, olarǵa degen qollap-quwatlawlardıń hám bildirilip atırǵan isenimniń ayrıqsha ekenligin atap ótti. Sonıń menen birge, bul baǵdardaǵı ámeliy jumıslarǵa toqtaldı.
- “Elimizde jaslardıń sociallıq-ekonomikalıq mashqalaların anıqlaw hám olardı saplastırıwǵa qaratılǵan “Nókis qalası tájiriybesi” jaratıldı. Birinshi gezekte, Nókis qalasındaǵı 64 máhállede úyme-úy xatlaw jumısları ámelge asırılıp, 14-30 jastaǵı 74 mıń 683 jastıń dizimi tolıq qáliplestirildi. Sonnan, mashqalalı máseleleri bar bolǵan jámi 4 mıń 839 jaslarımız “Jaslar dápteri” elektron platformasına kirgizildi hámde 12 mlrd. swmǵa jaqın qarjılar esabınan olarǵa hár tárepleme ámeliy járdemler kórsetildi.”-dep atap ótti Qaraqalpaqstan Respublikası Joqarǵı Keńesiniń Baslıǵı Amanbay Orınbaev óz shıǵıp sóylewinde. – “Jaratılǵan imkaniyatlardan nátiyjeli paydalanǵan jaslarımız barlıq tarawlarda úlken jetiskenliklerge erisip, búgingi kúnde elimizdi dúnyaǵa tanıtpaqta. Buǵan bir mısal sıpatında aytatuǵın bolsaq, usı jıldıń iyul-avgust aylarında Rossiya Federaciyasınıń Vladivostok qalasında ótkerilgen “Aziya balaları” xalıqaralıq sport jarıslarında 5 sportshımız qatnasıp, barlıǵı sıylı orınlardı iyelewge eristi. Sonday-aq, jaqında ǵana Turkiya mámleketiniń Koniya qalasında ótkerilgen “V Islam birdemlik oyınları” sport jarıslarında 29 sportshımız qatnasıp, sonnan 13 sportshı-jaslarımız jámi 19 medaldı qolǵa kirgiziwge miyasar boldı.”
Haqıyqatında da búgingi kúnde Ózbekstan Respublikası Prezidentiniń párman hám qararları, sonday-aq, baslamaları menen jaslarǵa úlken itibar qaratılıp atır. Atap aytqanda, bıyılǵı jılda jaslardı qollap-quwatlaw hám olardıń bos waqıtların mazmunlı ótkeriwge qaratılǵan 8 jónelis hám 139 bántten ibarat “Jaslar baǵdarlaması” tastıyıqlandı hámde bul baǵdarlama tiykarında bir qansha ilajlar ótkerilmekte.
“Jaslar baǵdarlaması”na kirgizilgen ilajlardı ámelge asırıw ushın jámi 23,1 mlrd. swmlıq qarjı ajıratılǵan bolıp, sonnan, jaslarımız ushın qolaylı sharayatlardı jaratıw maqsetinde 10 mlrd. 801 mln. swmlıq qarjılar esabınan obektler qurılıp, zárúr ásbap-úskeneler hám kórkem ádebiyatlar menen támiyinlendi. Sonıń menen birge, jaratılǵan imkaniyatlar nátiyjesinde jergilikli byudjettiń qosımsha derekleri esabınan 7,3 mlrd. swmlıq qarjılar jaslardıń sapalı bilim alıwın hámde bos waqıtların mazmunlı shólkemlestiriw ilajları ushın ajıratıldı.
Ótkerilgen ushırasıwda bunday iygilikli baslamalar elede dawam ettiriletuǵınlıǵı aytıp ótildi hám teńlesleri arasında joqarı nátiyjelerge erisken jaslardıń bir toparı Qaraqalpaqstan Respublikası Joqarǵı Keńesi atınan sıylıqlandı.
Sonnan, Erkin gúres túri boyınsha Ózbekstan Respublikası saylandı komandası aǵzası Keunimjaeva Aqtenge Qazı qızı “Qaraqalpaqstan Respublikasında xızmet kórsetken sportshı” húrmetli ataǵı menen, Ózbekstan mámleketlik dene tárbiya hám sport universiteti Nókis filialı studentleri Djumaniyazova Nargiza Shalxarbaevna hám Ibragimova Shaxzada Alisher qızı, Nókis olimpiya hám paralimpiya rezervleri kolledji oqıwshısı Mambetnazarova Dilnaza Muratbay qızı “Úmit ushqını” kókirek nıshanı menen sıylıqlandı.
Bunnan tısqarı, Rossiya Federaciyasınıń Vladivostok qalasında ótkerilgen “Aziya balaları” xalıqaralıq sport jarıslarında hám Turkiya mámleketiniń Koniya qalasında ótkerilgen “V Islam birdemlik oyınları” sport jarıslarında sıylı orınlardı iyelegen bir topar sportshılar hám olardıń trenerlerine minnetdarshılıq bildirilip, pul sıylıqları menen xoshametlendi.
Sonday-aq, Ózbekstan Respublikası Ministrler Kabinetiniń 2022-jıl 7-iyun kúngi “Jaslar mashqalaların úyreniw hám olardı sheshiw sistemasın elede jetilistiriw ilajları tiykarında subsidiya ajıratılǵan bir qatar jaslarǵa kompyuter hám noutbuk toplamları tapsırıldı.
Aytıp ótiw orınlı, jaslar mashqalaların úyreniw, olardıń sociallıq-ekonomikalıq máselelerin “Jaslar dápteri” sisteması arqalı sheshiw boyınsha “Nókis qalası tájiriybesi”n basqıshpa-basqısh barlıq rayonlarda engiziw arqalı qosımsha 6 mıń jasqa ámeliy járdemler kórsetiliwi belgilenip, Joqarǵı Keńes Baslıǵı bunıń ushın, Qaraqalpaqstan Respublikası jergilikli byudjetiniń qosımsha derekleri esabınan 5 mlrd. swm qarjı ajıratılatuǵınlıǵın atap ótti.
- “Elimizde jaslardıń sociallıq-ekonomikalıq mashqalaların anıqlaw hám olardı saplastırıwǵa qaratılǵan “Nókis qalası tájiriybesi” jaratıldı. Birinshi gezekte, Nókis qalasındaǵı 64 máhállede úyme-úy xatlaw jumısları ámelge asırılıp, 14-30 jastaǵı 74 mıń 683 jastıń dizimi tolıq qáliplestirildi. Sonnan, mashqalalı máseleleri bar bolǵan jámi 4 mıń 839 jaslarımız “Jaslar dápteri” elektron platformasına kirgizildi hámde 12 mlrd. swmǵa jaqın qarjılar esabınan olarǵa hár tárepleme ámeliy járdemler kórsetildi.”-dep atap ótti Qaraqalpaqstan Respublikası Joqarǵı Keńesiniń Baslıǵı Amanbay Orınbaev óz shıǵıp sóylewinde. – “Jaratılǵan imkaniyatlardan nátiyjeli paydalanǵan jaslarımız barlıq tarawlarda úlken jetiskenliklerge erisip, búgingi kúnde elimizdi dúnyaǵa tanıtpaqta. Buǵan bir mısal sıpatında aytatuǵın bolsaq, usı jıldıń iyul-avgust aylarında Rossiya Federaciyasınıń Vladivostok qalasında ótkerilgen “Aziya balaları” xalıqaralıq sport jarıslarında 5 sportshımız qatnasıp, barlıǵı sıylı orınlardı iyelewge eristi. Sonday-aq, jaqında ǵana Turkiya mámleketiniń Koniya qalasında ótkerilgen “V Islam birdemlik oyınları” sport jarıslarında 29 sportshımız qatnasıp, sonnan 13 sportshı-jaslarımız jámi 19 medaldı qolǵa kirgiziwge miyasar boldı.”
Haqıyqatında da búgingi kúnde Ózbekstan Respublikası Prezidentiniń párman hám qararları, sonday-aq, baslamaları menen jaslarǵa úlken itibar qaratılıp atır. Atap aytqanda, bıyılǵı jılda jaslardı qollap-quwatlaw hám olardıń bos waqıtların mazmunlı ótkeriwge qaratılǵan 8 jónelis hám 139 bántten ibarat “Jaslar baǵdarlaması” tastıyıqlandı hámde bul baǵdarlama tiykarında bir qansha ilajlar ótkerilmekte.
“Jaslar baǵdarlaması”na kirgizilgen ilajlardı ámelge asırıw ushın jámi 23,1 mlrd. swmlıq qarjı ajıratılǵan bolıp, sonnan, jaslarımız ushın qolaylı sharayatlardı jaratıw maqsetinde 10 mlrd. 801 mln. swmlıq qarjılar esabınan obektler qurılıp, zárúr ásbap-úskeneler hám kórkem ádebiyatlar menen támiyinlendi. Sonıń menen birge, jaratılǵan imkaniyatlar nátiyjesinde jergilikli byudjettiń qosımsha derekleri esabınan 7,3 mlrd. swmlıq qarjılar jaslardıń sapalı bilim alıwın hámde bos waqıtların mazmunlı shólkemlestiriw ilajları ushın ajıratıldı.
Ótkerilgen ushırasıwda bunday iygilikli baslamalar elede dawam ettiriletuǵınlıǵı aytıp ótildi hám teńlesleri arasında joqarı nátiyjelerge erisken jaslardıń bir toparı Qaraqalpaqstan Respublikası Joqarǵı Keńesi atınan sıylıqlandı.
Sonnan, Erkin gúres túri boyınsha Ózbekstan Respublikası saylandı komandası aǵzası Keunimjaeva Aqtenge Qazı qızı “Qaraqalpaqstan Respublikasında xızmet kórsetken sportshı” húrmetli ataǵı menen, Ózbekstan mámleketlik dene tárbiya hám sport universiteti Nókis filialı studentleri Djumaniyazova Nargiza Shalxarbaevna hám Ibragimova Shaxzada Alisher qızı, Nókis olimpiya hám paralimpiya rezervleri kolledji oqıwshısı Mambetnazarova Dilnaza Muratbay qızı “Úmit ushqını” kókirek nıshanı menen sıylıqlandı.
Bunnan tısqarı, Rossiya Federaciyasınıń Vladivostok qalasında ótkerilgen “Aziya balaları” xalıqaralıq sport jarıslarında hám Turkiya mámleketiniń Koniya qalasında ótkerilgen “V Islam birdemlik oyınları” sport jarıslarında sıylı orınlardı iyelegen bir topar sportshılar hám olardıń trenerlerine minnetdarshılıq bildirilip, pul sıylıqları menen xoshametlendi.
Qaraqalpaqstan Respublikası Joqarǵı Keńesiniń Málimleme xızmeti