«Altın jaǵıs» máhállesinde alıp barılıp atırǵan abadanlastırıw jumısları kózden ótkerildi
1281
Qaraqalpaqstan Respublikası Joqarǵı Keńesiniń Nızamlılıq, sud-huqıq hám korrupciyaǵa qarsı gúresiw máseleleri boyınsha komitet baslıǵı Z.Reymova tárepinen Nókis qalasındaǵı «Altın jaǵıs» máhállesinde alıp barılıp atırǵan qurılıs-ońlaw hám abadanlastırıw jumısları deputatlıq qadaǵalawǵa alınǵan bolıp, búgin aymaqta alıp barılıp atırǵan iygilikli jumıslar kózden ótkerildi.
Sonday-aq, Qaraqalpaqstan Respublikası Joqarǵı Keńesiniń Komitet baslıǵı tárepinen puqaralardı qıynap kiyatırǵan múrájatları tıńlanıp, sheshimin tabıw boyınsha ilajlar kórilmekte.
Aytıp ótiw orınlı, máhállede úlken abadanlastırıw jumısları dawam etpekte. Búgin «Altın jaǵıs»ta máhálle imáratı, balalar maydanshası, mobil medicinalıq kórikten ótkeriw punkti, Doslıq qanalı boyınan jaslar alleyası sıyaqlı jańa qurılıslardı kóriwińiz múmkin.
Qaraqalpaqstan Respublikası Joqarǵı Keńesiniń Málimleme xızmeti