Pármannıń mazmun-áhmiyeti túsindirildi
2110
Bugin Ⱪaraózek rayon hákimliginiń májilisler zalında Ózbekstan Respublikası Prezidentiniń 2022-jıl 31-avgust kúngi «Qaraqalpaqstan Respublikasında isbilermenlik, innovaciyalıq texnologiyalar hám infrastrukturanı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqındaǵı» ǵı PP 213-sanlı pármanınıń mazmun-mánisin túsindiriwge baylanıslı májilis bolıp ótti.
Májiliske Ⱪaraqalpaqstan Respublikası Joqarǵı Keńesi Baslıǵınıń orınbasarı A. Davletov, jergilikli Keńes deputatları, rayonlıq sektor baslıqları, rayon hákimi orınbasarları, hákim járdemshileri hám ǵalaba xabar quralları wákilleri qatnastı.
Májiliste shıǵıp sóylewshiler tárepinen pármannıń mazmun-áhmiyetin, sonday-aq, oǵan tiykar jaratılıp atırǵan imkaniyatlar hám sharayatlar boyınsha keńnen túsinik berilip, xalıq arasında úgit-násiyat jumısların elede keńeytiw hám pármannıń hár bir bántiniń orınlanıwı boyınsha isleniwi lazım bolǵan jumıslar belgilep alındı.
Qaraqalpaqstan Respublikası Joqarǵı Keńesiniń Málimleme xızmeti