Qaraqalpaqstan Respublikası Joqarǵı Keńesiniń Baslıǵı Amanbay Orınbaev «Altın Jaǵıs» máhállesindegi abadanlastırıw jumısları menen tanıstı

Qaraqalpaqstan Respublikası Joqarǵı Keńesiniń Baslıǵı Amanbay Orınbaev «Altın Jaǵıs» mákan puqaralar jıyınında ámelge asırılıp atırǵan abadanlastırıw jumısları menen tanıstı. Nókis qalasındaǵı «Awır aymaq» dizimine kirgizilgen máhállelerde búgingi kúnde keń kólemli qurılıs-ońlaw hám abadanlastırıw jumısları alıp barılıp atırǵan bolıp, usınday iygilikli jumıslar «Altın jaǵıs» máhállesinde qızǵın dawam etpekte. Atap aytqanda, MPJ aymaǵındaǵı jámi 34 kóshege qum-щeben aralaspası tóselgennen soń topıraq jollar tas jollarǵa aylandırılıp, júriw imkaniyatı bolmaǵan kósheler qayta ońlanıp atır. Bunnan tısqarı, aymaqta máhálle imáratı, balalar maydanshası, mobil medicinalıq kórikten ótkeriw punkti, Doslıq qanalı boyınan Jaslar alleyası qurılıs jumısları dawam etpekte. Joqarǵı Keńes Baslıǵı tárepinen máhálle aymaǵında alıp barılıp atırǵan jumıslar kózden ótkerilip, deputatlar hám tiyisli taraw wákillerine tapsırmalar berildi. Oǵan Ózbekstan Respublikası Prezidentiniń Keńesgóyi, Máhálle hám nuranıylardı qollap-quwatlaw ministri, general-leytenant T.Xudaybergenov qatnastı.  

Qaraqalpaqstan Respublikası Joqarǵı Keńesiniń Málimleme xızmeti