Prezident Pármanı boyınsha keń túrde túsinik berildi
1640
Búgin Xojeli rayonı hákimliginiń májilisler zalında Ózbekstan Respublikası Prezidentiniń 2022-jıl 31-avgust kúngi « Qaraqalpaqstan Respublikasında isbilermenlik, innovaciyalıq texnologiyalar hám infrastrukturanı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqında»ǵı PP-213-sanlı Pármanınıń mánis-mazmunın túsindiriwge arnalǵan májilis bolıp ótti. Májilisti Ⱪaraqalpaqstan Respublikası Joqarǵı Keńesi Baslıǵınıń orınbasarı A. Davletov ashtı hám alıp bardı.
Ótkerilgen májiliske rayonlıq Keńes deputatları, rayonlıq sektor baslıqları, rayon hákimi orınbasarları, hákim járdemshileri hám ǵalaba xabar quralları wákilleri qatnasıp, qabıl etilgen Párman boyınsha keńirek túsinikke iye boldı.
Aytıp ótiw orınlı, respublikamızdıń social-ekonomikalıq jaǵdayın jaqsılaw, xalqımızdıń abadan turmısın támiyinlew, isbilermenlikti hám innovacialıq texnologiyalardı turmısqa engiziwdi qollap-quwatlaw, puqaralardıń kúndelikli turmısında ushırasıp atırǵan mashqalalardı sheshiw hám infrastrukturanı jaqsılawda qabıl etilgen Pármannıń áhmiyeti ayrıqsha.
Májilis juwmaǵında párman mazmun-áhmiyetin úgit-násiyatlawdı elede keńnen en jaydırıw hám Párman orınlanıwın támiyinlew baǵdarında wazıypalar belgilendi.
Usınday ilajlar Xojeli hám Qanlıkól rayonlarında da dawam etti.
Qaraqalpaqstan Respublikası Joqarǵı Keńesiniń Málimleme xızmeti