Isbilermenlik subektleriniń eksport potencialın bunnan bılay da keńeytiw ilajları haqqında

Ózbekstan Respublikası Prezidentiniń pármanı

Ózbekstan Respublikası Prezidentiniń 2022-jıl 28-yanvardaǵı «2022-2026-jıllarǵa mólsherlengen Jańa Ózbekstannıń rawajlanıw strategiyası haqqında»ǵı PP-60-sanlı Pármanı hám Ózbekstan Respublikası Prezidentiniń isbilermenler menen 2022-jıldaǵı «ashıq formattaǵı sóylesiwi»nde belgilengen wazıypalardı ámelge asırıw, sonday-aq, eksport jumısın qollap-quwatlaw sistemasın bunnan bılay da jetilistiriw maqsetinde:

1. 2022-jıl 1-noyabrden baslap:

bir eksport shártnaması kóleminde kelip túspegen valyuta summası eksportqa júklengen jámi ónim bahasınıń 5 procentinen aspaǵan jaǵdayda múddeti ótken debitor qarızdarlıq esaplanbaytuǵını hám isbilermenlik subektine járiyma qollanılmaytuǵını; eksport etiwshi shólkemlerge payda salıǵı hám aylanısınan alınatuǵın salıq boyınsha salıq salınatuǵın bazanı azaytıw kórinisindegi jeńililkler tovarlar (jumıslar, xızmetler) dı realizaciyalawdan túsken ulıwma túsimdegi eksport kóleminiń úlesine qaramastan qollanılatuǵını; qawın (SEJ TN kodı 1207 70 000 0), gúnji dáni (SEJ TN kodı 1207 30 000 0), gorchica (SEJ TN kodları 1207 50 1000, 120750 900 0) hám maqsar (SEJ TN kodı 1207 60 000 0) tuqımlarınıń eksportına ruxsat beriletuǵını belgilep qoyılsın.

2. Innovaciyalar hám sırtqı sawda ministrliginiń eksportshı kárxanalar ashıq tańlaw arqalı saylap alınıp, olardı jetekshi eksportyorlerge aylandırıw hám hár tárepleme qollap-quwatlaw boyınsha «Jańa Ózbekstan – básekige shıdamlı ónimler eli» baǵdarlamasın (keyingi orınlarda – Baǵdarlama) ámelge asırıw haqqındaǵı usınısı maqullansın.

Onda, Baǵdarlama sheńberinde eksportshı kárxanalardı tańlap alıw tómendegi normalar tiykarında ámelge asırıladı. eksportshı kárxanalar yuridikalıq tárep sıpatında dizimge alınǵan jáne keminde keyingi eki jıl dawamında jumıs alıp barıp atırǵan bolıwı; keyingi 12 ay dawamında eksport etilgen tayar ónim summası 1 million AQSh dollarınan artıq bolıwı; ulıwma túsim kóleminde eksporttan túsim úlesi 30 procentten joqarı bolıwı; eksportqa shıǵarılıp atırǵan tayar ónimlerdiń túri 2 den zıyat bolıwı; keyingi 12 ay dawamında eksport geografiyası, qońsılas mámleketlerdi esapqa almaǵan halda, 2 mámleketten zıyat bolıwı; keyingi 12 ay dawamında ámelge asırılǵan eksport kóleminde múddeti ótken debitorlıq qarızdarlıqtıń úlesi 5 procentten az bolıwı. Investiciyalar hám sırtqı sawda ministrligi kárxanalardıń dizimi usı normalarǵa muwapıq Eksport etiwshilerdi qollap-quwatlawdıń birden-bir portalında (222.3xp945p945al8.7z) onlayn tártibinde avtomat tárizinde reyting tiykarında qáliplestiriliwi hám hár 6 ay dawamında jańalap barılıwın támiyinlesin. 3 Tómendegiler: a) Baǵdarlamanıń basqıshpa-basqısh 200 (reyting tiykarında birinshi basqıshta 50, 2023-jıl 1-yanvardan baslap 100, 2023-jıl 1-iyulden baslap 200) eksportshı kárxanalardı qosımsha qollap-quwatlaw hám olardı xoshametlew arqalı ámelge asırılatuǵını; b) Baǵdarlamaǵa kirgizilgen eksportshı kárxanalar: eksport hám oǵan teńlestirilgen operaciyalardı ámelge asırǵanda nollik dárejeli qosımsha qun salıǵı stavkası qollanılıwı nátiyjesinde payda bolǵan salıqtıń artıp ketken bólegi olardıń múrájatına tiykarlanıp tezletilgen tártipte 7 kún ishinde tolıq qaytarıp beriletuǵını; aylanba qarjılardı tolıqtırıw ushın kredit alıwda kommerciyalıq banklerge eksport shártnamaların girew támiyinatı sıpatında qabıl etiw usınıs etiletuǵını; Eksporttı qollap-quwatlaw qorınıń esabınan eksport aldı hám eksport penen baylanıslı sawda operaciyaların qarjılandırıw ushın keyingi 12 ay dawamında ámelge asırılǵan eksport kóleminen kelip shıqqqan halda: eksport kólemi 1 million dollardan 5 million dollarǵa shekem bolǵanda – 1 million dollarǵa shekem; eksport kólemi 5 million dollardan 10 million dollarǵa shekem bolǵanda – 2 million dollarǵa shekem; eksport kólemi 10 million dollardan 15 million dollarǵa shekem bolǵanda – 3 million dollarǵa shekem; eksport kólemi 15 million dollardan 20 million dollarǵa shekem bolǵanda – 4 million dollarǵa shekem; eksport kólemi 20 million dollardan artıq bolǵanda – 5 million dollarǵa shekem muǵdarda qarjılay resurslar ajıratılatuǵını; bir xalıqaralıq standarttı engiziw hám sertifikatı alıw ushın olarǵa 30 million AQSh dollarınan kóp bolmaǵan muǵdarda qarjılay járdem beriletuǵını; biznes processler, eksport kólemin arttırıw hám marketing izertlewlerin ámelge asırıw ushın sırt el másláhátshileri tartılatuǵını belgilep qoyılsın.

4. Sırtqı sawda, investiciyalar, jergilikli sanaattı rawajlandırıw hám texnikalıq jaqtan tártipke salıw máseleleri boyınsha Húkimet komissiyası Qaraqalpaqstan Respublikası Ministrler Keńesi, wálayatlar Tashkent qalası hákimlikleri menen birgelikte 2022-jıl 1-noyabrge shekem respublikanıń hár bir aymaǵınan potencialı joqarı 100 jergilikli kárxananıń sırtqı bazarlarǵa shıǵıwına jol ashıp beriw maqsetinde «isbilermennen – eksportyorge shekem» principi tiykarında ilajlar baǵdarlamasın islep shıǵıp tastıyıqlansın jáne onıń orınlanıwın qadaǵalap barsın.
5. Ózbekstan Respublikası Prezidentiniń ayırım hújjetlerine qosımshaǵa muwapıq ózgerisler kirgizilsin.
6. Investiciyalar hám sırtqı sawda ministrligi mápdar ministrlik hám uyımlar menen birgelikte eki ay múddette:

Ózbekstan Respublikasınıń «Valyutanı tártipke salıw haqqında»ǵı nızamına tiyisli ózgerisler hám qosımshalar kirgiziw boyınsha usınıslar islep shıqsın; nızamshılıq hújjetlerine usı Pármannan kelip shıǵatuǵın ózgerisler hám qosımshalar haqqında Ministrler Kabinetine usınıslar kirgizsin.

7. Usı Pármannıń orınlanıwın qadaǵalaw Bas ministrdiń orınbasarı J.A.Xodjaevqa júklensin.

Ózbekstan Respublikası Prezidenti      Sh.MIRZIYoEV Tashkent qalası, 2022-jıl 30-sentyabr