Qospa májilis bolıp ótti
1108
Qaraqalpaqstan Respublikası Joqarǵı Keńesiniń nızamlılıq, sud-huqıq hám korrupciyaǵa qarsı gúresiw máseleleri boyınsha komiteti hám xalıq deputatları Xojeli rayonlıq Keńesiniń sud-huqıq hám korrupciyaǵa qarsı gúresiw máseleleri boyınsha turaqlı komissiyasınıń qospa májilisi bolıp ótti.
Májilisti xalıq deputatları Xojeli rayonlıq Keńesiniń sud-huqıq hám korrupciyaǵa qarsı gúresiw máseleleri boyınsha turaqlı komissiyası baslıǵı orınbasarı A.Matchanov alıp bardı, qospa májiliske Nızamlılıq, sud-huqıq hám korrupciyaǵa qarsı gúresiw máseleleri komiteti baslıǵı orınbasarı U.Jalmenov, Qaraqalpaqstan Respublikası Joqarǵı Keńesi deputatları, rayonlıq sektor basshıları, jergilikli Keńes deputatları, tiyisli mákeme hám shólkem basshıları qatnastı.
Qospa májiliste Xojeli rayonında jınayatshılıq hám huquqbuzarlıqlardıń aldın alıw, puqaralardıń huquqların qorǵaw hám tiklew boyınsha rayonlıq Ádillik bólimi, Ishki isler bólimi, jol háreketi qáwipsizligi bólimi baslıqlarınıń esabatları tıńlanıp, hár bir jaǵday boyınsha talqılawlar, soraw-juwaplar ótkerildi hám tiyisli taraw wákillerine tapsırmalar berildi.
Qaraqalpaqstan Respublikası Joqarǵı Keńesiniń Málimleme xızmeti