Qaraqalpaqstan Respublikası Joqarǵı Keńesiniń otız altınshı sessiyası haqqında málimleme
3168
Usı jıldıń 3-oktyabr kúni Qaraqalpaqstan Respublikası Joqarǵı Keńesiniń otız altınshı sessiyası bolıp ótti. Sessiyaǵa Ózbekstan Respublikası Oliy Majlisi Senatı hám Húkimet aǵzaları, Respublika sektor hám taraw basshıları, ǵalaba xabar quralları wákilleri, sonday-aq, Joqarǵı Keńestiń deputatları qatnastı.
Sessiyanı Qaraqalpaqstan Respublikası Joqarǵı Keńesiniń Baslıǵı Amanbay Orınbaev kiris sóz benen ashtı hám basqarıp bardı.
Dáslep deputatlar sessiyanıń Sekretariatın sayladı hám kún tártibin tastıyıqladı.
Sessiyanıń kún tártibindegi birinshi másele Qaraqalpaqstan Respublikasında jańa jumıs orınların jaratıw hám xalıqtıń bántligin támiyinlew boyınsha belgilengen kórsetkishlerdiń orınlanıwı haqqında bolıp, bul másele boyınsha Ministrler Keńesi Baslıǵınıń birinshi orınbasarı – Ekonomikalıq rawajlandırıw hám kambaǵallıqtı qısqartıw ministri Nurullan Erlepesov bayanat jasadı.
Sessiyanıń kún tártibindegi jańa jumıs orınların jaratıw hám xalıqtıń bántligin támiyinlew boyınsha belgilengen kórsetkishlerdiń orınlanıwı haqqındaǵı másele boyınsha Ministrler Keńesi Baslıǵınıń birinshi orınbasarı – Ekonomikalıq rawajlandırıw hám kambaǵallıqtı qısqartıw ministri Nurullan Erlepesovtıń bayanatı boyınsha rayon hákimleriniń bul baǵdardaǵı jumıslardı elede jetilistiriw boyınsha esabatı tıńlandı.
Bunnan soń jańa jumıs orınların jaratıw hám xalıqtıń bántligin támiyinlew baǵdarında belgilengen kórsetkishlerdiń orınlanıwı boyınsha Qaraqalpaqstan Respublikası Bántlik hám miynet qatnasıqları ministri Yuldash Alimov bayanat jasadı.
Sessiyada usı baǵdarda tiyisli ministrlik, mákeme hám shólkemler hámde xákimlikler tárepinen turaqlı, máwsimlik hám waqtınshalıq jumıs orınların jaratıw, bul baǵdardaǵı jumıslardı shólkemlestiriw máselelerine keńirek toqtalıp ótildi.
Bul másele boyınsha deputatlar tiyisli qarar qabıl etti.
Ótken qısqa dáwir ishinde Ózbekstan Respublikası Prezidenti tárepinen Qaraqalpaqstan Respublikasın sociallıq-ekonomikalıq rawajlandırıw boyınsha jámi 2 párman hám 14 qarar qabıl etildi.
Usı qabıl etilgen párman hám qararlar Qaraqalpaqstan Respublikasın sociallıq-ekonomikalıq jaqtan jáne de rawajlandırıwǵa, xalıqtıń turmıs dárejesin jaqsılawǵa, sociallıq qorǵawǵa mútáj shańaraqlardı, sonday-aq, jaslar hám hayal-qızlardı qollap-quwatlawǵa, isbilermenlikti elede rawajlandırıwǵa bekkem tiykar bolmaqta.
Bunnan soń kún tártibindegi másele boyınsha Qaraqalpaqstan Respublikası Prokurorı, 2-sektor basshısı Erkabay Tadjiev, Qaraqalpaqstan Respublikası Ishki isler ministri, 3-sektor basshısı Baxtiyar Tórebekov hám Qaraqalpaqstan Respublikası Mámleketlik salıq basqarması baslıǵı, 4-sektor basshısı Xalmurza Bekchanovlar bayanat jasadı.
Sessiyada bul baǵdarda, sektor basshıları tárepinen orınlarǵa shıqqan halda puqaralardı qıynap kiyatırǵan mashqalalardı anıqlaw hám sheshiw, xalıqtıń turmıs dárejesin jaqsılaw, isbilermenlikti rawajlandırıw boyınsha bir qatar jumıslar ámelge asırılıp atırǵanı atap ótilip, kún tártibindegi másele boyınsha deputatlar tárepinen arnawlı qarar qabıl etildi.
Sessiyanıń kún tártibindegi keyingi másele Qaraqalpaqstan Respublikası Joqarǵı Keńesiniń ayırım komitetleri quramına ózgerisler hám qosımshalar kirgiziw haqqında boldı.
Bul máseleler boyınsha deputatlar tiyisli qarar qabıl etkennen soń, Qaraqalpaqstan Respublikası Joqarǵı Keńesi Prezidiumınıń tiyisli qararların tastıyıqlaw haqqındaǵı másele kórip shıǵıldı.
Deputatlar bul másele boyınsha da tiyisli qarar qabıl etti.
Usınıń menen Qaraqalpaqstan Respublikası Joqarǵı Keńesiniń otız altınshı sessiyası óz jumısın juwmaqladı.
Dáslep deputatlar sessiyanıń Sekretariatın sayladı hám kún tártibin tastıyıqladı.
Sessiyanıń kún tártibindegi birinshi másele Qaraqalpaqstan Respublikasında jańa jumıs orınların jaratıw hám xalıqtıń bántligin támiyinlew boyınsha belgilengen kórsetkishlerdiń orınlanıwı haqqında bolıp, bul másele boyınsha Ministrler Keńesi Baslıǵınıń birinshi orınbasarı – Ekonomikalıq rawajlandırıw hám kambaǵallıqtı qısqartıw ministri Nurullan Erlepesov bayanat jasadı.
Sessiyanıń kún tártibindegi jańa jumıs orınların jaratıw hám xalıqtıń bántligin támiyinlew boyınsha belgilengen kórsetkishlerdiń orınlanıwı haqqındaǵı másele boyınsha Ministrler Keńesi Baslıǵınıń birinshi orınbasarı – Ekonomikalıq rawajlandırıw hám kambaǵallıqtı qısqartıw ministri Nurullan Erlepesovtıń bayanatı boyınsha rayon hákimleriniń bul baǵdardaǵı jumıslardı elede jetilistiriw boyınsha esabatı tıńlandı.
Bunnan soń jańa jumıs orınların jaratıw hám xalıqtıń bántligin támiyinlew baǵdarında belgilengen kórsetkishlerdiń orınlanıwı boyınsha Qaraqalpaqstan Respublikası Bántlik hám miynet qatnasıqları ministri Yuldash Alimov bayanat jasadı.
Sessiyada usı baǵdarda tiyisli ministrlik, mákeme hám shólkemler hámde xákimlikler tárepinen turaqlı, máwsimlik hám waqtınshalıq jumıs orınların jaratıw, bul baǵdardaǵı jumıslardı shólkemlestiriw máselelerine keńirek toqtalıp ótildi.
Bul másele boyınsha deputatlar tiyisli qarar qabıl etti.
Usınıń menen Qaraqalpaqstan Respublikası Joqarǵı Keńesiniń otız altınshı sessiyası óz jumısın juwmaqladı.
Qaraqalpaqstan Respublikası Joqarǵı Keńesiniń Málimleme xızmeti