Prezident Pármanınıń mazmun-áhmiyeti túsindirildi
1574
Respublikamızdıń barlıq rayonlarında Qaraqalpaqstan Respublikasın rawajlandırıw boyınsha Ózbekstan Respublikası Prezidentiniń 2022-jıl 31-avgust kúni qabıl etilgen «Qaraqalpaqstan Respublikasında isbilermenlik, innovaciyalıq texnologiyalar hám infrastrukturanı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqında» ǵı 213-sanlı pármanınıń mazmun-áhmiyetin úgit-násiyatlaw jumısları alıp barılıp atır.
Búgin Pármannıń mánis-mazmunın túsindiriw boyınsha Qońırat rayonında májilis bolıp ótti. Onda Qaraqalpaqstan Respublikası Joqarǵı Keńesi Baslıǵınıń Orınbasarı A.Davletov tárepinen Párman orınlanıwı sheńberinde respublikanıń social-ekonomikalıq jaǵdayın jaqsılaw, isbilermenlikti qollap-quwatlaw, xalıqtıń turmıs sharayatı hám abadanlıǵın támiyinlew boyınsha belgilengen wazıypalarǵa toqtalıp ótildi.
Ótkerilgen májiliste párman mazmun-áhmiyetin elede keńnen úgit-násiyatlaw hám bul baǵdarda ámelge asırılıwı tiyis wazıypalar belgilep alındı.
Bunday ilaj Moynaq rayonında da dawam etti.
Qaraqalpaqstan Respublikası Joqarǵı Keńesiniń Málimleme xızmeti