Prezident Pármanı boyınsha keń túsinik berildi
1372
Usı jıldıń 4-oktyabr kúni Qaraqalpaqstan Respublikası Joqarǵı Keńesi Baslıǵınıń orınbasarı A.Davletov Bozataw rayonında Ózbekstan Respublikası Prezidentiniń 2022-jıl 31-avgust kúngi “Qaraqalpaqstan Respublikasında isbilermenlik, innovaciyalıq texnologiyalar hám infrastrukturanı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqında”ǵı 213-sanlı pármanınıń mánis-mazmunın keń jámiyetshilikke túsindiriw boyınsha májilis ótkerdi.
Bolıp ótken májiliste rayon hákimi hám orınbasarları, sektor basshıları, Xalıq deputatları Bozataw rayonlıq Keńesiniń deputatları, hákim járdemshileri hám tiyisli taraw basshıları qatnastı.
Onda tiykarınan, Pármanda belgilep berilgen wazıypalar, sonıń ishinde Qaraqalpaqstan Respublikasında isbilermenlik, innovaciyalıq texnologiyalar hám infrastrukturanı jedel pátlerde rawajlandırıw arqalı xalıqtıń abadan turmısın támiyinlew boyınsha jaratılıp atırǵan imkaniyatlar haqqında sóz etildi.
Qaraqalpaqstan Respublikası Joqarǵı Keńesiniń Málimleme xızmeti