Qaraqalpaqstan Respublikası Joqarǵı Keńesiniń Baslıǵı Amanbay Orınbaev Qaraózek rayonında boldı
3675
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Qaraózek rayonınıń sociallıq-ekonomikalıq jaǵdayın jaqsılaw, aymaqtıń infrastrukturasın elede rawajlandırıw, xalıqtıń abadan turmısın támiyinlew jolında alıp barılıp atırǵan jumıslar menen tanısıw maqsetinde rayonda boldı.
Dáslep Joqarǵı Keńes Baslıǵı rayon orayındaǵı “Qutlı mákan” MPJ aymaǵında jaylasqan 2-sanlı hám 28-sanlı ulıwma orta bilim beriw mekteplerinde alıp barılıp atırǵan iri ońlaw jumısların kózden ótkerdi. Aytıp ótiw orınlı, bul eki mektep imaratlarında qurılıs jumısları belgilengen múddetten artta qalıp atırǵan bolıp, Joqarǵı Keńes Baslıǵı bul boyınsha qadaǵalawǵa alıwdı hám zárúr bolsa juwapkershilikke tartıw sharasın kóriwdi tiyisli taraw wákillerine tapsırdı.
Bunnan soń Qaraqalpaqstan Respublikası Joqarǵı Keńesiniń Baslıǵı Amanbay Orınbaev barlıq ministrlik, komitet, basqarma, shólkem basshıları, sonday-aq, Karaózek rayonı mekeme, kárxana basshıları hámde rayon belsendileri qatnasıwında májilis ótkerdi.
Onda Qaraózek rayonın sociallıq-ekonomikalıq jaqtan rawajlandırıw, bul baǵdarda alıp barılıp atırǵan jumıslar hám ayırım taraw wákilleri tárepinen jol qoyılıp atırǵan qáte-kemshilikler haqqında sóz etildi.
Májiliste húrmetli Prezidentimiz basshılıǵında elimizde “Insan qádiri ushın” principi tiykarında barlıq tarawlarda keń kólemli reformalar ámelge asırılıp atırǵanı, bunıń ayqın mısalı retinde, usı jıldıń 31-avgust kúngi Qaraqalpaqstan Respublikasın hár tárepleme rawajlandırıw ushın qabıl etilgen tariyxıy Pármanǵa ayrıqsha toqtalıp ótildi.
Ótkerilgen májiliste Joqarǵı Keńes Baslıǵı kommerciyalıq bankler óz imkaniyatınan jeterli darejede paydalanbay atırǵanlıǵı, byudjet qarjılarınıń maqsetsiz jumsalıwı hámde ajıratılıp atırǵan jeńilletilgen kreditler mútáj puqaralarǵa berilmesten, mánzilsiz jumsalǵan jaǵdayları ushırasıp, investiciya, hám basqa mámleketlik baǵdarlamalar tiykarında alıp barılıwı tiyis qurılıs-ońlaw jumısların ámelge asırıwdaǵı kemshilikler, rayondaǵı qurılıs hám abadanlastırıw jumısları talap dárejesinde emesligi boyınsha juwapkerlerdi qatań sınǵa aldı hám tiyisli taraw basshılarına qadaǵalawǵa alıw, jumıslardı nátiyjeli shólkemlestiriw boyınsha wazıypalar belgilep berdi.
Májilis dawamında Qaraqalpaqstan Respublikası Joqarǵı Keńesiniń Baslıǵı Amanbay Orınbaev Qaraózek rayonın sociallıq-ekonomikalıq jaqtan elede rawajlandırıw boyınsha anıq ilajlar kóriw zárúrligin atap ótip, ásirese, bul baǵdarda rayonda jańa jumıs orınların jaratıw, sırt el investiciyaların tartıw, sanaat, awıl xojalıǵı, xızmet kórsetiw tarawlarında joybarlardı iske túsiriw, shańaraqlıq isbilermenlikti rawajlandırıw, sociallıq, islep shıǵarıw, jol, ishimlik suw obektlerinde qurılıs ońlaw jumısların jedellestiriw kerekligine toqtalıp ótti.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev rayondaǵı alıp barılıp atırǵan jumıslardı hám berilgen tapsırmalardıń orınlanıwın támiyinlew ushın Qaraqalpaqstan Respublikası Joqarǵı Keńesiniń Agrar, suw xojalıǵı, tábiyattı qorǵaw hám ekologiya máseleleri komiteti baslıǵı D.Utambetovtı juwapker etip bekitti.
Májilis juwmaǵında bıyılǵı jıl juwmaǵına shekem Qaraózek rayonın sociallıq-ekonomikalıq rawajlandırıw hám xalıqtıń abadan turmıs keshiriwin támiyinlewge jámi 10,5 mlrd. swmlıq qarjı ajıratılatuǵınlıǵı ayrıqsha atap ótildi.
Dáslep Joqarǵı Keńes Baslıǵı rayon orayındaǵı “Qutlı mákan” MPJ aymaǵında jaylasqan 2-sanlı hám 28-sanlı ulıwma orta bilim beriw mekteplerinde alıp barılıp atırǵan iri ońlaw jumısların kózden ótkerdi. Aytıp ótiw orınlı, bul eki mektep imaratlarında qurılıs jumısları belgilengen múddetten artta qalıp atırǵan bolıp, Joqarǵı Keńes Baslıǵı bul boyınsha qadaǵalawǵa alıwdı hám zárúr bolsa juwapkershilikke tartıw sharasın kóriwdi tiyisli taraw wákillerine tapsırdı.
Ótkerilgen májiliste Joqarǵı Keńes Baslıǵı kommerciyalıq bankler óz imkaniyatınan jeterli darejede paydalanbay atırǵanlıǵı, byudjet qarjılarınıń maqsetsiz jumsalıwı hámde ajıratılıp atırǵan jeńilletilgen kreditler mútáj puqaralarǵa berilmesten, mánzilsiz jumsalǵan jaǵdayları ushırasıp, investiciya, hám basqa mámleketlik baǵdarlamalar tiykarında alıp barılıwı tiyis qurılıs-ońlaw jumısların ámelge asırıwdaǵı kemshilikler, rayondaǵı qurılıs hám abadanlastırıw jumısları talap dárejesinde emesligi boyınsha juwapkerlerdi qatań sınǵa aldı hám tiyisli taraw basshılarına qadaǵalawǵa alıw, jumıslardı nátiyjeli shólkemlestiriw boyınsha wazıypalar belgilep berdi.
Májilis dawamında Qaraqalpaqstan Respublikası Joqarǵı Keńesiniń Baslıǵı Amanbay Orınbaev Qaraózek rayonın sociallıq-ekonomikalıq jaqtan elede rawajlandırıw boyınsha anıq ilajlar kóriw zárúrligin atap ótip, ásirese, bul baǵdarda rayonda jańa jumıs orınların jaratıw, sırt el investiciyaların tartıw, sanaat, awıl xojalıǵı, xızmet kórsetiw tarawlarında joybarlardı iske túsiriw, shańaraqlıq isbilermenlikti rawajlandırıw, sociallıq, islep shıǵarıw, jol, ishimlik suw obektlerinde qurılıs ońlaw jumısların jedellestiriw kerekligine toqtalıp ótti.
Qaraqalpaqstan Respublikası Joqarǵı Keńesiniń Málimleme xızmeti