Qaraqalpaqstan Respublikası Joqarǵı Keńesiniń Baslıǵı Amanbay Orınbaev belgilengen wazıypalardıń orınlanıwı hám atqarıw tártibin qadaǵalaw boyınsha májilis ótkerdi
4556
Usı jıldıń 8-oktyabr kúni Qaraqalpaqstan Respublikası Joqarǵı Keńesiniń májilisler zalında Ózbekstan Respublikası Prezidenti tárepinen qol qoyılǵan Párman hám qararlar, Qaraqalpaqstan Respublikası Joqarǵı Keńesiniń Prezidium qararları menen hújjetlerdiń orınlanıwı boyınsha ushırasıp atırǵan mashqalalardı saplastırıw ilajları hám atqarıw tártibin qadaǵalawǵa arnalǵan májilis bolıp ótti.
Májilisti Qaraqalpaqstan Respublikası Joqarǵı Keńesiniń Baslıǵı Amanbay Orınbaev ashtı hám alıp bardı.
Onda Qaraqalpaqstan Respublikası Joqarǵı Keńesi Baslıǵınıń orınbasarı A.Davletov, Ministrler Keńesi Baslıǵınıń orınbasarları, sektor basshıları hámde ministrlik, komitet, basqarma, shólkem basshıları, sonday-aq, qala hám rayon hákimleri, olardıń orınbasarları, tiyisli taraw hámde sektor basshıları qatnastı.
Ótkerilgen májiliste Húrmetli Prezidentimiz tárepinen qabıl etilgen Pármanlar, qararlar hám protokollarında hámde Qaraqalpaqstanǵa bolǵan saparları dawamında belgilep berilgen wazıypalardıń orınlanıwı, sonday-aq, Joqarǵı Keńes tárepinen berilgen tapsırmalardıń orınlanıwın támiyinlewde jol qoyılıp atırǵan kemshilikler boyınsha máseleler qarap shıǵıldı.
Májiliste Qaraqalpaqstan Respublikası Joqarǵı Keńesiniń Baslıǵı Amanbay Orınbaev elimizde xalqımızdıń abadan turmısın támiyinlew jolında alıp barılıp atırǵan jumıslar, barlıq tarawlardı rawajlandırıwǵa qaratılıp atırǵan itibar hám jaratılıp atırǵan imkaniyatlarǵa ayrıqsha toqtalıp ótti.
Sonday-aq, bolıp ótken májilis dawamında Joqarǵı Keńestiń Baslıǵı tárepinen búgingi kúnde xalqımızdıń jasaw sharayatın jaqsılaw baǵdarında qabıl etilgen Párman hám qararlarda belgilengen wazıypalardıń orınlanıwında artta qalıwshılıq jaǵdaylarınıń ushırasıp atırǵanlıǵı, belgilep berilgen tapsırmalardıń orınlanıwın támiyinlew boyınsha mámleketlik basqarıw hám jergilikli hákimiyat uyımları, sonday-aq, shólkemler tárepinen ámelge asırılıp atırǵan jumıslar talap dárejesinde emesligi sınǵa alınıp, bul boyınsha juwapker basshılar qatań eskertildi.
Sonıń menen birge awıl xojalıǵı, qurılıs, jol infrastrukturasın jaqsılaw hám basqa da bir qatar tarawlarda belgilengen wazıypalardı orınlawda ushırasıp atırǵan qáte-kemshilikler haqqında sóz etilip, belgilengen wazıypalar hám tapsırmalardıń orınlanıwın qadaǵalaw boyınsha tiyisli taraw wákillerine tapsırmalar berildi.
Onda Qaraqalpaqstan Respublikası Joqarǵı Keńesi Baslıǵınıń orınbasarı A.Davletov, Ministrler Keńesi Baslıǵınıń orınbasarları, sektor basshıları hámde ministrlik, komitet, basqarma, shólkem basshıları, sonday-aq, qala hám rayon hákimleri, olardıń orınbasarları, tiyisli taraw hámde sektor basshıları qatnastı.
Ótkerilgen májiliste Húrmetli Prezidentimiz tárepinen qabıl etilgen Pármanlar, qararlar hám protokollarında hámde Qaraqalpaqstanǵa bolǵan saparları dawamında belgilep berilgen wazıypalardıń orınlanıwı, sonday-aq, Joqarǵı Keńes tárepinen berilgen tapsırmalardıń orınlanıwın támiyinlewde jol qoyılıp atırǵan kemshilikler boyınsha máseleler qarap shıǵıldı.
Qaraqalpaqstan Respublikası Joqarǵı Keńesiniń Málimleme xızmeti