Qaraqalpaqstan Respublikası Joqarǵı Keńesiniń Baslıǵı Amanbay Orınbaev Beruniy rayonında boldı
4841
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Beruniy rayonında xalıqtıń abadan turmısın támiyinlew hám rayonnıń sociallıq-ekonomikalıq jaǵdayın jaqsılaw baǵdarında ámelge asırılıp atırǵan jumıslar menen tanısıw maqsetinde rayonda boldı.
Dáslep Joqarǵı Keńes Baslıǵı Beruniy rayonındaǵı “Jayxun” MPJ da jaylasqan 53-sanlı balalar baqshasın kapital ońlaw hám “Bostan” MPJ da jaylasqan 120 orınlı balalar baqshasın jańadan qurıw jumısları menen jaqınnan tanısıp, qurılıs jumısların qadaǵalap barıw hám óz waqtında juwmaqlanıwın támiyinlew boyınsha tiyisli taraw wákillerine tapsırmalar berdi.
Bunnan soń Qaraqalpaqstan Respublikası Joqarǵı Keńesiniń Baslıǵı Amanbay Orınbaev barlıq ministrlik, komitet, basqarma, shólkem basshıları hám rayonlıq mákemelerdiń baslıqları sonday-aq, rayonnıń belsendileri, kárxana hám shólkem basshıları qatnasıwında májilis ótkerdi.
Barlıq orınlarda ótkerilip atırǵan ushırasıw hám májilisler qatarında Beruniy rayonında taraw basshıları hám rayon belsendileri menen májilis ótkeriliwindegi tiykarǵı maqset – puqaralardı qıynap kiyatırǵan mashqalalarǵa sheshim tabıw hámde xalıqtıń abadan turmıs keshiriwin támiyinlewge qaratılǵan bolıp, bunday ushırasıwlar elede dawam ettiriletuǵınlıǵı Joqarǵı Keńes Baslıǵı tárepinen atap ótildi.
Joqarǵı Keńes Baslıǵı rayonnıń sociallıq-ekonomikalıq jaǵdayın jaqsılaw, sonıń menen birge xalıq iygiligi jolında ámelge asırılıp atırǵan baslamalar, mámleketlik reformalardıń orınlanıwı menen baylanıslı is-ilajlardı atap ótip, bul baǵdarda ushırasıp atırǵan kemshiliklerge toqtalıp ótti.
Ótkerilgen májiliste mámleketlik byudjetten ajıratılǵan qarjılar boyınsha finanslıq qáte-kemshiliklerge jol qoyılıp, maqsetsiz jumsalıp atırǵanlıǵı hámde jeńilletilgen kreditler mútáj puqaralarǵa berilmesten, mánzilsiz jumsalǵan jaǵdayları anıqlanǵanlıǵı, sonıń menen birge byudjet qarjıların talan-taraj etiw, esabatlarǵa qosıp jazıwlar sıyaqlı unamsız jaǵdaylar oǵada kóp ushırasıp atırǵanlıǵı atap ótildi.
Májiliste jeńilletilgen kreditlerdi biymaqset jumsap jiberiw, talan-tarajlıqqa jol qoyıw, haqıyqıy mútáj adamlar qalıp, ajıratılǵan pullardı mánzilsiz jumsaw jaǵdayları tikkeley hákim járdemshileri tárepinen ámelge asırılıp atırǵanı qatań sınǵa alındı.
Sonıń menen birge bank-finanslıq qatnasıklardaǵı qáte-kemshilikler, subsidiyalardı ózlestirip jiberiw jaǵdayları ushırasıp atırǵanlıǵı, densawlıq, sociallıq qollap-quwatlaw, bilimlendiriw, qurılıs, awıl xojalıǵı sıyaqlı bir qatar tarawlardaǵı kemshilikler, puqaralar múrájatları menen islesiwdiń de qanaatlandırarsız ekenligi, mámleketlik hám investicialıq baǵdarlamalar sheńberindegi jumıslarda artta qalıwshılıqlar ushırasıp atırǵanlıǵı atap ótilip, tiyisli taraw wákillerine tapsırmalar berildi.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev rayondaǵı alıp barılıp atırǵan jumıslardı hám berilgen tapsırmalardıń orınlanıwın támiyinlew ushın Qaraqalpaqstan Respublikası Joqarǵı Keńesiniń yuridika bólimi baslıǵı Alisher Atajanovtı Beruniy rayonına juwapker etip bekitti.
Májilis juwmaǵında bıyılǵı jıl juwmaǵına shekem rayondı sociallıq-ekonomikalıq rawajlandırıw hám xalıqtıń abadan turmıs keshiriwin támiyinlewge jámi 18,5 mlrd. swmlıq qarjı ajıratılatuǵınlıǵı atap ótildi.
Barlıq orınlarda ótkerilip atırǵan ushırasıw hám májilisler qatarında Beruniy rayonında taraw basshıları hám rayon belsendileri menen májilis ótkeriliwindegi tiykarǵı maqset – puqaralardı qıynap kiyatırǵan mashqalalarǵa sheshim tabıw hámde xalıqtıń abadan turmıs keshiriwin támiyinlewge qaratılǵan bolıp, bunday ushırasıwlar elede dawam ettiriletuǵınlıǵı Joqarǵı Keńes Baslıǵı tárepinen atap ótildi.
Sonıń menen birge bank-finanslıq qatnasıklardaǵı qáte-kemshilikler, subsidiyalardı ózlestirip jiberiw jaǵdayları ushırasıp atırǵanlıǵı, densawlıq, sociallıq qollap-quwatlaw, bilimlendiriw, qurılıs, awıl xojalıǵı sıyaqlı bir qatar tarawlardaǵı kemshilikler, puqaralar múrájatları menen islesiwdiń de qanaatlandırarsız ekenligi, mámleketlik hám investicialıq baǵdarlamalar sheńberindegi jumıslarda artta qalıwshılıqlar ushırasıp atırǵanlıǵı atap ótilip, tiyisli taraw wákillerine tapsırmalar berildi.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev rayondaǵı alıp barılıp atırǵan jumıslardı hám berilgen tapsırmalardıń orınlanıwın támiyinlew ushın Qaraqalpaqstan Respublikası Joqarǵı Keńesiniń yuridika bólimi baslıǵı Alisher Atajanovtı Beruniy rayonına juwapker etip bekitti.
Májilis juwmaǵında bıyılǵı jıl juwmaǵına shekem rayondı sociallıq-ekonomikalıq rawajlandırıw hám xalıqtıń abadan turmıs keshiriwin támiyinlewge jámi 18,5 mlrd. swmlıq qarjı ajıratılatuǵınlıǵı atap ótildi.
Qaraqalpaqstan Respublikası Joqarǵı Keńesiniń Málimleme xızmeti