Qaraqalpaqstan Respublikası Joqarǵı Keńesiniń Baslıǵı Amanbay Orınbaevtıń jeke qabıllawı bolıp ótti
3618
Búgin Ellikqala rayonında Tórtkúl, Beruniy, Ellikqala hám Ámiwdárya rayonları puqaraları ushın Qaraqalpaqstan Respublikası Joqarǵı Keńesiniń Baslıǵı Amanbay Orınbaevtıń jeke qabıllawı bolıp ótti.
Onda Ózbekstan Respublikası Prezidenti keńesgóyiniń birinshi orınbasarı U.Muxammadiev qatnastı.
Bolıp ótken qabıllawda Joqarǵı Keńes Baslıǵınıń jeke qabıllawına jazılǵan dizim boyınsha puqaralardıń múrájatları tıńlanıp, ornında sheshim tabıw ilajları kórildi.
Qabıllawda tiykarınan puqaralardı qıynap kiyatırǵan mashqalalar qatarında, bántlik, medicinalıq járdem, elektr hám gaz támiynatı, jol, ishimlik hám aqaba suw, sociallıq qollap-quwatlaw, isbilermenlik iskerliginde ushırasıp atırǵan mashqalalar boyınsha múrájatlar bildirildi.
Aytıp ótiw orınlı, qabıllawda jámi 284 múrájat kelip túsken bolıp, sonnan 124 mashqala ornında unamlı sheshimin taptı, waqıt talap etiletuǵın múrájatlar Qaraqalpaqstan Respublikası Joqarǵı Keńesi Baslıǵınıń jeke qadaǵalawına alınıp, tez pursatta unamlı sheshiw boyınsha tiyisli taraw basshılarına tapsırmalar berildi.
Máselen, Ámiwdárya rayonı «Bostan» MPJ turǵını Zuxra Raximovanıń turaq jayınıń ońlawǵa mútájligi boyınsha bildirgen múrájatı unamlı sheshilip, úyin ońlap beriw ushın 30 mln swm qarjı ajıratıldı.
Sonday-aq, Tórtkúl rayonınan Xurshida Abdullaevanıń múrájatı boyınsha 1 jıllıq kontrakt pulları tólep beriletuǵın boldı.
Beruniy rayonı Oraylıq (Markaziy) MPJ puqarası Rajapova Jeren perzentiniń emleniwi ushın qarjılay járdemge mútájligi boyınsha múrájat bildirip, balasın emletiw ushın zárúr qarjı beriletuǵın boldı, Bostan máhállesinen Egambergen Urazalievtiń bildirgen múrájatı boyınsha bolsa, qısqa waqıt ishinde Tajmahal kóshesine qum-щeben aralaspası (ЩPS) tósep beriledi.
Sonıń menen birge Ellikqala rayonınan 9 student jaslardıń múrájatı boyınsha kontrakt tóleminiń 50 payızı muǵdarında tólemleri tólep berilgen bolsa, subsidiya tiykarında 20 hayal-qızdıń ózin-ózi bánt etiwine kómeklesildi.
Qaraqalpaqstan Respublikası Joqarǵı Keńesiniń Baslıǵı Amanbay Orınbaevtıń «Hár bir múrájat artında bir insannıń huqıqı bar»-dep atap ótkenindey, puqaralardıń múrájatı barqulla itibarda boladı hám húrmetli Prezidentimizdiń baslaması menen «Insan qádiri ushın» principi tiykarında alıp barılıp atırǵan ámeliy jumıslar elede dawam ettiriledi.
Onda Ózbekstan Respublikası Prezidenti keńesgóyiniń birinshi orınbasarı U.Muxammadiev qatnastı.
Bolıp ótken qabıllawda Joqarǵı Keńes Baslıǵınıń jeke qabıllawına jazılǵan dizim boyınsha puqaralardıń múrájatları tıńlanıp, ornında sheshim tabıw ilajları kórildi.
Qaraqalpaqstan Respublikası Joqarǵı Keńesiniń Málimleme xızmeti