Qaraqalpaqstan Respublikası Transport ministri Saparov Sultanbay Perdebaevichke intizamıy shara qollanıw haqqında
5771
Qaraqalpaqstan Respublikası Joqarǵı Keńesi Baslıǵınıń Biyligi
2020-jıl 30-noyabrde Ózbekstan Respublikası Prezidenti Sh.M.Mirziyoevtiń basshılıǵında ótkerilgen májilistiń 96-sanlı protokolına muwapıq Nókis qalası transport modeliniń Bas jobasın islep shıǵıw, sonday-aq, Ózbekstan Respublikası Ministrler Kabinetiniń 2022-jıl 4-apreldegi 155-sanlı kararına muwapık 2022-jılda 50 dana avtobus satıp alıw, 1 dana logistika orayı hám 1 dana avtostanciya kurıw, 2 dana temir jol Vokzalın rekonstrukciya etiw boyınsha tapsırmalar Qaraqalpaqstan Respublikası Transport ministri Saparov Sultanbay Perdebaevich tarepinen belgilengen muddetlerde orınlanbaǵan. Bunnan tısqarı orınlarda jámiyetlik transporttı rawajlandırıw, aralıqtan eń shetki aymaqlardı jámiyetlik transport penen qamtıp alıw, avtobus hám mikroavtobuslardı satıp alıw, onlayn túrde licenziya beriw, subsidiya alıw, tenderlerdi elektron túrde ótkeriw boyınsha berilgen tapsırmalardıń orınlanıwın támiyinlew de jeterli dárejede kadaǵalawǵa alınbaǵan. Sonıń menen birge, S.Saparov basshı sıpatında óz xızmet wazıypalarına nemquraydılıq penen qaraǵanlıǵı nátiyjesinde isbilermenlik subektleri xámde puqaralar tárepinen transport tarawı boyınsha narazılıq múrájatları bir neshe esege artıp ketken. Joqarıda atap ótilgen kemshiliklerdi inabatqa alıp, Ózbekstan Respublikası Miynet kodeksiniń 181-statyası 1-bólimi 1-bánti, «Qaraqalpaqstan Respublikası Joqarǵı Keńesi haqqındaǵı Qaraqalpaqstan Respublikası Nızamınıń 12-statyasınıń 24-bánti, Ózbekstan Respublikası Transport ministrliginiń 2022-jıl 10-oktyabrdegi 1/6275-sanlı xatına muwapık, Ózbekstan Respublikası Prezidenti xam Húkimet tapsırmalarınıń orınlanıwın óz waqtında shólkemlestirmegenligi hám júzege kelgen mashqalalı máselelerdi sheshiw boyınsha zárúrli ilajlar kórmegenligi ushın Qaraqalpaqstan Respublikası Transport ministri Saparov Sultanbay Perdebaevichke ortasha aylıq is haqısınıń 30 payızı muǵdarında járiyma salınsın.Qaraqalpaqstan Respublikası
Joqarǵı Keńesiniń Baslıǵı A.Orınbaev
2022-jıl 13-oktyabr