Qaraqalpaqstan Respublikası Joqarǵı Keńesiniń Baslıǵı Amanbay Orınbaev Taxtakópir rayonı Beltaw APJda alıp barılǵan abadanlastırıw jumısları menen tanıstı
3278
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Taxtakópir rayonı Beltaw awıl puqaralar jıyını aymaǵında alıp barılǵan abadanlastırıw jumısları menen jaqınnan tanıstı.
Onda Ózbekstan Respublikası Prezidenti másláhátshisi T. Xudaybergenov qatnastı.
Respublikamızdıń eń shetki aymaqlarınıń biri bolǵan Beltaw APJ aldın itibardan biraz shette qalǵan bolıp, sociallıq obektler hám aymaq infrastruktarası awır jaǵdayda edi.
Awıl puqaralar jıyını qısqa waqıt ishinde qayta ómirge qayttı. Atap aytqanda aymaq orayındaǵı 624 orınlı 15-sanlı mektepte kapital ońlaw jumısları alıp barılıp qayta iske qosıldı. 37-sanlı awıllıq vrachlıq punkti, APJ imaratı ońlandı. Balalar ushın mektepke shekemgi bilimlendiriw shólkemi boy tikledi. Ishimlik suw hám elektr menen támiyinlenip, transformatorlar jańalandı, 6 km ishki xojalıq jolları, 3,1 km piyadalar jolları tolıq ońlandı. Kósheler abat etildi hám puqaralardı jıllar dawamında qıynap kelgen mashqalalarǵa sheshim tabıldı.
Bunnan tısqarı, mektep oqıwshıları hám aymaq turǵınların jáne bir «Bozjap» kanalın kesip ótiwdey mashqala qıynap kelgen edi hám bul mashqala da unamlı sheshilip, uzınlıǵı 72 metr bolǵan piyadalar kѳpiri qayta qurıldı. Sonday-aq, aymaqta Mádeniyat orayı imaratı da ońlanıp, jańadan ashıldı. Awılda turmıs qayta janlandı.
Qaraqalpaqstan Respublikası Joqarǵı Keńesiniń Baslıǵı Beltaw APJ turǵınları turmısı menen jaqınnan tanısıp, aymaqta iske qosılǵan jańa joybarlardı kózden ótkerdi.
Dáslep sharwa malları ushın juǵımlı ot-jem qorların jaratıw baǵdarında ámelge asırılıp atırǵan jumıslardı barıp kórdi. Bunnan soń balıqshılıq kompleksindegi jasalma usılda balıq jetistiriw jumısların kózden ótkerdi. Sonıń menen birge Artezian qudıqların qazıw hám jer astı suwlarınan nátiyjeli paydalanıwǵa arnalǵan seminarda qatnastı.
Beltaw turmısı menen tanısıw dawamında eki awıldı baylanıstırıp turıwshı kópir janında usı kópir arqalı mektepke qatnaytuǵın oqıwshılar menen sáwbetlesti hám jaqında kapital ońlaw jumısları alıp barılıp, qayta iske qosılǵan mektep iskerligi menen jaqınnan tanıstı.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev awıl puqaralar jıyını aymaǵındaǵı jańadan boy tiklegen mádeniyat sarayında awıl turǵınları menen ushırasıp, jaqınnan sáwbetlesti.
Bunnan tısqarı, mektep oqıwshıları hám aymaq turǵınların jáne bir «Bozjap» kanalın kesip ótiwdey mashqala qıynap kelgen edi hám bul mashqala da unamlı sheshilip, uzınlıǵı 72 metr bolǵan piyadalar kѳpiri qayta qurıldı. Sonday-aq, aymaqta Mádeniyat orayı imaratı da ońlanıp, jańadan ashıldı. Awılda turmıs qayta janlandı.
Qaraqalpaqstan Respublikası Joqarǵı Keńesiniń Baslıǵı Beltaw APJ turǵınları turmısı menen jaqınnan tanısıp, aymaqta iske qosılǵan jańa joybarlardı kózden ótkerdi.
Dáslep sharwa malları ushın juǵımlı ot-jem qorların jaratıw baǵdarında ámelge asırılıp atırǵan jumıslardı barıp kórdi. Bunnan soń balıqshılıq kompleksindegi jasalma usılda balıq jetistiriw jumısların kózden ótkerdi. Sonıń menen birge Artezian qudıqların qazıw hám jer astı suwlarınan nátiyjeli paydalanıwǵa arnalǵan seminarda qatnastı.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev awıl puqaralar jıyını aymaǵındaǵı jańadan boy tiklegen mádeniyat sarayında awıl turǵınları menen ushırasıp, jaqınnan sáwbetlesti.
Qaraqalpaqstan Respublikası Joqarǵı Keńesiniń Málimleme xızmeti