Qaraqalpaqstan Respublikası Joqarǵı Keńesi Baslıǵınıń orınbasarı saylandı
10565
Usı jıldıń 18-oktyabr kúni Qaraqalpaqstan Respublikası Joqarǵı Keńesiniń gezeksiz otız jetinshi sessiyası bolıp ótti.
Sessiyaǵa Ózbekstan Respublikası Oliy Majlisi Senatı hám Húkimet aǵzaları, Respublika sektor hám taraw basshıları, ǵalaba xabar quralları wákilleri, sonday-aq, Joqarǵı Keńestiń deputatları qatnastı.
Sessiyanı Qaraqalpaqstan Respublikası Joqarǵı Keńesiniń Baslıǵı Amanbay Orınbaev kiris sóz benen ashtı hám basqarıp bardı.
Sessiyanıń kún tártibine muwapıq shólkemlestiriw máselesi, yaǵnıy Qaraqalpaqstan Respublikası Joqarǵı Keńesi Baslıǵınıń orınbasarın saylaw máselesi kórip shıǵıldı.
Qaraqalpaqstan Respublikası Konstituciyasınıń 81-statyası, 4-bántine muwapıq Qaraqalpaqstan Respublikası Joqarǵı Keńesi Baslıǵınıń orınbasarı lawazımına 18-sanlı «Janbasqala» saylaw okruginen deputat Saparbaev Rustam Tursınbaevichtiń kandidaturası usınıs etildi hám onıń ómirbayanı menen tanıstırıldı.
Rustam Tursınbaevich 1982-jılı Qońırat rayonında tuwılǵan.
Maǵlıwmatı joqarı, qánigeligi – yurist, siyasattanıwshı.
- 2004-jılı Qaraqalpaq mámleketlik universitetin,
- 2008-jılı Ózbekstan Respublikası Strategiyalıq analiz hám keleshekti belgilew joqarı Mektebin tamamlaǵan.
Rustam Tursınbaevich 2021-jıldan berli Qaraqalpaqstan Respublikası Ministrler Keńesi Baslıǵınıń jámiyetlik hám diniy shólkemler menen baylanıslar boyınsha orınbasarı lawazımında islep kelgen.
Usınılǵan talabannıń kandidaturasın deputatlar kórip shıqtı hám qollap-quwatladı.
Qaraqalpaqstan Respublikası Konstituciyası 70-statyasınıń 4-bántine muwapıq Saparbaev Rustam Tursınbaevich Qaraqalpaqstan Respublikası Joqarǵı Keńesi Baslıǵınıń orınbasarı lawazımına saylandı.
Sessiyanıń kún tártibine muwapıq shólkemlestiriw máselesi, yaǵnıy Qaraqalpaqstan Respublikası Joqarǵı Keńesi Baslıǵınıń orınbasarın saylaw máselesi kórip shıǵıldı.
Qaraqalpaqstan Respublikası Konstituciyasınıń 81-statyası, 4-bántine muwapıq Qaraqalpaqstan Respublikası Joqarǵı Keńesi Baslıǵınıń orınbasarı lawazımına 18-sanlı «Janbasqala» saylaw okruginen deputat Saparbaev Rustam Tursınbaevichtiń kandidaturası usınıs etildi hám onıń ómirbayanı menen tanıstırıldı.
Rustam Tursınbaevich 1982-jılı Qońırat rayonında tuwılǵan.
Maǵlıwmatı joqarı, qánigeligi – yurist, siyasattanıwshı.
- 2004-jılı Qaraqalpaq mámleketlik universitetin,
- 2008-jılı Ózbekstan Respublikası Strategiyalıq analiz hám keleshekti belgilew joqarı Mektebin tamamlaǵan.
Rustam Tursınbaevich 2021-jıldan berli Qaraqalpaqstan Respublikası Ministrler Keńesi Baslıǵınıń jámiyetlik hám diniy shólkemler menen baylanıslar boyınsha orınbasarı lawazımında islep kelgen.
Usınılǵan talabannıń kandidaturasın deputatlar kórip shıqtı hám qollap-quwatladı.
Qaraqalpaqstan Respublikası Konstituciyası 70-statyasınıń 4-bántine muwapıq Saparbaev Rustam Tursınbaevich Qaraqalpaqstan Respublikası Joqarǵı Keńesi Baslıǵınıń orınbasarı lawazımına saylandı.
Qaraqalpaqstan Respublikası Joqarǵı Keńesiniń Málimleme xızmeti