Qaraqalpaqstan Respublikası Joqarǵı Keńesiniń Baslıǵı Amanbay Orınbaev Mohigul Komiljonovanı erisken tabısı menen qutlıqladı
2133
Búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev Ellikqala rayonı belsendileri menen ushırastı.
Ótkerilgen májiliste Joqarǵı Keńes Baslıǵı respublikamız abıroyın xalıqaralıq arenalarda kóteriwde sportshılarımızdıń ornı ayrıqsha ekenligin atap ótip, ellikqalalı Mohigul Komiljonovanı elimiz bayraǵın jáne bir márte dúnya arenasında kóterip, erisken tabısı menen qutlıqladı hám bahalı sawǵalar tapsırdı.
Aytıp ótiw orınlı, usı jıldıń 13-17-oktyabr kúnleri aralıǵında Armeniya paytaxtı Erevan qalasında jaslar arasında sporttıń sambo túri boyınsha jáhán chempionatı bolıp ótken edi.
CHempionatqa Elliqala rayonınan Mohigul Komiljanova 72 kg salmaqta Ózbekstan Respublikası saylandı komandası quramında qatnasıp, finalǵa shekem jetip bardı hám gúmis medaldı qolǵa kirgiziwge miyasar boldı.
Maǵlıwmat ushın aytıp ótiwimiz kerek, M. Komiljanova sambo gúresinen 5 márte Ózbekstan, 3 ret jáhán chempionatınıń sıylı orın iyesi hám Aziya chempionı bolıp esaplanadı.
Qaraqalpaqstan Respublikası Joqarǵı Keńesiniń Málimleme xızmeti