Qaraqalpaqstan Respublikası Joqarǵı Keńesiniń Baslıǵı Amanbay Orınbaev Ellikqala rayonında boldı
2600
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Ellikqala rayonınıń sociallıq-ekonomikalıq jaǵdayın jaqsılaw, aymaqtıń infrastrukturasın elede rawajlandırıw, xalıqtıń abadan turmısın támiyinlew jolında alıp barılıp atırǵan jumıslar menen tanısıw maqsetinde rayonda boldı.
Joqarǵı Keńes Baslıǵı barlıq ministrlik, komitet, basqarma, shólkem basshıları, sonday-aq, Ellikqala rayonı mákeme, kárxana basshıları hámde rayon belsendileri qatnasıwında májilis ótkerdi.
Onda Ellikqala rayonın sociallıq-ekonomikalıq jaqtan rawajlandırıw, bul baǵdarda alıp barılıp atırǵan jumıslar hám ayırım taraw wákilleri tárepinen jol qoyılıp atırǵan qáte-kemshilikler haqqında sóz etildi.
Májiliste Ellikqala rayonında mámleketlik baǵdarlamalar, sonıń ishinde «Abat awıl hám Abat máhálle» mámleketlik baǵdarlaması sheńberinde alıp barılıp atırǵan jumıslardaǵı esabatlarda qosıp jazıwlar, kredit qarjılarınıń maqsetsiz jumsalıwı, byudjet qarjıların talan-taraj etiw jaǵdayları, kredit pulların naqlastırıp jumsap jiberiw, ayırım kárxanalarda úskeneler alıw ushın ajıratılǵan qarjılar boyınsha ámelde birde-bir ásbap-úskene alınbaǵanlıǵı, rayondaǵı qurılıs-ońlaw hám abadanlastırıw jumıslarınıń orınlanıwı qanaatlandırarsız jaǵdayda ekenligi sınǵa alındı.
Sonday-aq, mektepke shekemgi hám orta arnawlı bilimlendiriw, medicina, bank kredit qatnasıqları, qurılıs, sociallıq qollap-quwatlaw, xalıqtıń múrájatları menen islesiw, máhálleler infrastrukturasın jaqsılaw, transport xızmetin jetilistiriw, investiciyalıq baǵdarlamalardı orınlaw boyınsha ámelge asırılıp atırǵan jumıslar talap dárejesinde emes ekenligin atap ótildi.
Sonıń menen birge, hákim járdemshileri tárepinen puqaralardıń sociallıq jaǵdayın jaqsılaw ushın ajıratılıp atırǵan jeńilletilgen kreditlerdi talan-taraj etiw jaǵdayı rayon kóleminde háwij alǵanlıǵı, hákim járdemshileri tárepinen óz xızmet wazıypasına nemquraydılıq penen qaraw jaǵdayları ayrıqsha tilge alınıp, bul boyınsha juwapkershilikke tartıw sharaların kóriw tiyisli taraw wákillerine tapsırıldı.
Ótkerilgen májiliste bir qatar wazıypalar belgilep alınıp, taraw wákillerine tapsırmalar berildi.
Májilis juwmaǵında Qaraqalpaqstan Respublikası Joqarǵı Keńesiniń Baslıǵı Amanbay Orınbaev bıyılǵı jıl juwmaǵına shekem Ellikqala rayonın sociallıq-ekonomikalıq rawajlandırıw hám xalıqtıń abadan turmıs keshiriwin támiyinlewge jámi 18,5 mlrd. swmlıq qarjı ajıratılatuǵınlıǵın atap ótti.
Onda Ellikqala rayonın sociallıq-ekonomikalıq jaqtan rawajlandırıw, bul baǵdarda alıp barılıp atırǵan jumıslar hám ayırım taraw wákilleri tárepinen jol qoyılıp atırǵan qáte-kemshilikler haqqında sóz etildi.
Májiliste Ellikqala rayonında mámleketlik baǵdarlamalar, sonıń ishinde «Abat awıl hám Abat máhálle» mámleketlik baǵdarlaması sheńberinde alıp barılıp atırǵan jumıslardaǵı esabatlarda qosıp jazıwlar, kredit qarjılarınıń maqsetsiz jumsalıwı, byudjet qarjıların talan-taraj etiw jaǵdayları, kredit pulların naqlastırıp jumsap jiberiw, ayırım kárxanalarda úskeneler alıw ushın ajıratılǵan qarjılar boyınsha ámelde birde-bir ásbap-úskene alınbaǵanlıǵı, rayondaǵı qurılıs-ońlaw hám abadanlastırıw jumıslarınıń orınlanıwı qanaatlandırarsız jaǵdayda ekenligi sınǵa alındı.
Qaraqalpaqstan Respublikası Joqarǵı Keńesiniń Málimleme xızmeti