Sheriklikti bekkemlewge qaratılǵan hújjetlerge qol qoyıldı
2740
Joqarı dárejedegi sóylesiwler juwmaǵında hújjetlerge qol qoyıw hám almasıw márisimi bolıp ótti.
Ózbekstan Prezidenti Shavkat Mirziyoev hám Túrkmenstan Prezidenti Serdar Berdimuhamedov Strategiyalıq sheriklikti tereńlestiriw haqqındaǵı deklaraciyaǵa qol qoydı.
Bunnan tısqarı, eki mámleket húkimetleri, ministrlikler hám uyımlar dárejesinde kóp qırlı Ózbekstan-Túrkmenstan birge islesiwin keńeytiwge qaratılǵan bir qatar hújjetler, sonıń ishinde:
– Ózbekstan Respublikası hám Túrkmenstan arasında siyasiy sóylesiw, parlamentleraralıq, sawda-ekonomikalıq birge islesiw, mádeniy-gumanitarlıq almasıwdı jedellestiriw boyınsha 2022-2024-jıllarǵa mólsherlengen Ámeliy háreketler rejesi;
– Eki tárepleme sırtqı ekonomikalıq qatnasıqlardı bunnan bılay da rawajlandırıw haqqında kelisim;
– Ózbekstan Respublikası hám Túrkmenstan aymaqlarında sawda jollarınıń jumısın tártipke salıw haqqında kelisim;
– Ilimiy-texnikalıq birge islesiw haqqında kelisim;
– Awıl xojalıǵı tarawındaǵı birge islesiwdi bunnan bılay da keńeytiw boyınsha Ámeliy ilajlar rejesi;
– Dári-dármaq quralları hám medicinalıq buyımlardı dizimge alıw haqqındaǵı kelisimge qol qoyıldı.
Sonday-aq, elektr energetikası, bajıxana jumısı, veterinariya hám sharwashılıq, kinematografiya hám basqa da baǵdarlar boyınsha kelisimlerge erisildi.
Bunnan tısqarı, eki mámleket húkimetleri, ministrlikler hám uyımlar dárejesinde kóp qırlı Ózbekstan-Túrkmenstan birge islesiwin keńeytiwge qaratılǵan bir qatar hújjetler, sonıń ishinde:
– Ózbekstan Respublikası hám Túrkmenstan arasında siyasiy sóylesiw, parlamentleraralıq, sawda-ekonomikalıq birge islesiw, mádeniy-gumanitarlıq almasıwdı jedellestiriw boyınsha 2022-2024-jıllarǵa mólsherlengen Ámeliy háreketler rejesi;
– Eki tárepleme sırtqı ekonomikalıq qatnasıqlardı bunnan bılay da rawajlandırıw haqqında kelisim;
– Ózbekstan Respublikası hám Túrkmenstan aymaqlarında sawda jollarınıń jumısın tártipke salıw haqqında kelisim;
– Ilimiy-texnikalıq birge islesiw haqqında kelisim;
– Awıl xojalıǵı tarawındaǵı birge islesiwdi bunnan bılay da keńeytiw boyınsha Ámeliy ilajlar rejesi;
– Dári-dármaq quralları hám medicinalıq buyımlardı dizimge alıw haqqındaǵı kelisimge qol qoyıldı.
Qaraqalpaqstan Respublikası Joqarǵı Keńesiniń Málimleme xızmeti