Qaraqalpaqstanda áskeriy oqıw-shınıǵıwlar ótkerildi
1896
Respublikamız aymaǵında qorǵanıwdı shólkemlestiriw boyınsha kompleks hámde arnawlı taktikalıq oqıw-shınıǵıwları ótkerildi.
Ótkerilgen taktikalıq shınıǵıwlardı Qaraqalpaqstan Respublikası Joqarǵı Keńesiniń Baslıǵı Amanbay Orınbaev baqlap bardı.
Kompleks taktikalıq shınıǵıwlarda shegara áskeriy bólimleri jawıngerlik náwbetshilik waqtında shártli terrorshılar hújimin qaytardı.
Arnawlı taktikalıq oqıw-shınıǵıwlarda bolsa, shártli túrde temir jol transportında hám kóp qabatlı imaratta tutqınǵa alınǵanlar azat etildi. Blokpostqa qarata qılınǵan hújimler qaytarıldı.
Sonday-aq, mergenler juplıǵı tárepinen elatlı punktindegi shártli dushpan joq etildi.
Jawıngerlik sızıqta jaylasqan arnawlı taktikalıq shınıǵıwlar Qorǵanıw ministrligi, Mámleketlik qáwipsizlik xızmeti, Milliy gvardiya boyınsha Qaraqalpaqstan Respublikası basqarması, Qaraqalpaqstan Respublikası Ishki isler, Ayrıqsha jaǵdaylar hámde Densawlıqtı saqlaw ministrlikleri bólimleri menen birgelikte ótkerildi.
Taktikalıq shınıǵıwlardı Qaraqalpaqstan Respublikası Joqarǵı Keńesiniń Baslıǵı, Qorǵanıw ministrligi adminstraciyası, áskeriy okrugler wákilleri, aymaqtaǵı kúsh dúzilmeleri baqlap bardı.
Kompleks taktikalıq shınıǵıwlarda shegara áskeriy bólimleri jawıngerlik náwbetshilik waqtında shártli terrorshılar hújimin qaytardı.
Qaraqalpaqstan Respublikası Joqarǵı Keńesiniń Málimleme xızmeti