Xalıqtı sapalı dári quralları hám medicinalıq buyımlar menen támiyinlew boyınsha qosımsha ilajlar haqqında Ózbekstan Respublikası Prezidentiniń qararı
2873
Xalıq hám medicina shólkemleriniń sapalı dári quralları jáne medicinalıq buyımlar menen támiyinleniw dárejesin arttırıw, tarawda tásirsheń jámiyetlik qadaǵalawdı alıp barıw ushın sharayatlar jaratıw, sonday-aq, 2022-jıl 18-mart kúni ótkerilgen Ózbekstan Respublikası Prezidentiniń densawlıqtı saqlaw tarawı wákilleri menen «Medicinadaǵı reformalar – insan qádiri ushın» temasındaǵı ashıq sóylesiwi sheńberinde belgilengen wazıypalardıń orınlanıwın támiyinlew maqsetinde:
1. Sonday tártip ornatılsın, oǵan muwapıq 2023-jıl 1-yanvardan baslap:
a) 1-qosımshaǵa muwapıq dizimde belgilengen dári qurallarınan tısqarı barlıq jańa dári quralları:
klinikalıq izertlewlerdiń unamlı nátiyjesi tiykarında mámleketlik dizimnen ótkeriledi. Onda, ayrıqsha dári quralların klinikalıq izertlewlersiz mámleketlik dizimnen ótkeriw Densawlıqtı saqlaw ministrligi tárepinen belgilengen tártipke muwapıq ámelge asırıladı;
orınlarǵa shıqqan halda óndirislik jaǵdaylardıń «Zárúr óndirislik ámeliyat – GMP» talaplarına muwapıqlıǵı úyrenilgeninen soń Ózbekstan Respublikasında mámleketlik dizimnen ótkeriledi;
b) tómendegiler biykar etiledi;
receptsiz beriletuǵın dári qurallarınıń dizimin Densawlıqtı saqlaw ministrligi tárepinen tastıyıqlaw. Onda, dári qurallarınıń recept boyınsha hám receptsiz beriliwi olardıń medicinada qollanılıwına baylanıslı instrukciyalarda belgilengen tártipte ámelge asırıladı;
dári elementlerin (substanciyalardı) mámleketlik dizimnen ótkeriw;
Ózbekstan Respublikasınan tısqarıda ámelge asırılǵan dári qurallarınıń dizimnen ótkeriw nátiyjelerin tán alıwda standart úlgilerin talap etiw;
v) Mámleketlik medicinalıq qamsızlandırıw qorı arqalı qarjılandırılatuǵın respublika dárejesindegi mámleketlik stacionar medicina mákemelerinde (keyingi orınlarda – emlewxanalar) nawqaslardı dári quralları hám medicinalıq ásbap-úskeneler menen támiyinlew emlewxana arqalı ámelge asırıladı. Onda, ayrıqsha jaǵdaylarda emlewxanada nawqaslar tárepinen alıp kelingen dári quralları hám medicinalıq ásbap-úskenelerdi paydalanıwǵa ruqsat beriw tártibi Densawlıqtı saqlaw ministrligi tárepinen belgilenedi.
2. a) nawqaslardı emlewxanada dári quralları hám medicinalıq ásbap-úskeneler menen támiyinlew:
dáslep respublika dárejesindegi emlewxanalarda 2023-jıl dawamında tájiriybe-sınaq tárizinde ámelge asırılatuǵını;
olarǵa qárejetler smetası boyınsha ajıratılıwı názerde tutılǵan qarjılar esabınan kepillengen medicinalıq xızmetler hám dári quralları paketi sheńberinde satıp alınatuǵın dári quralları hám mádicinalıq ásbap-úskeneler biypul, qalǵan jaǵdaylarda tólemli tiykarda emlewxanaǵa kiris etilgen bahalarda ámelge asırılatuǵını. Onda, emlewxana tárepinen satıp alınatuǵın dári qurallarınıń bahası belgilengen kótere referent bahalarınan joqarı bolmawı zárúr ekenligi;
b) 2023-jıl 1-iyulden baslap referent bahaları kórsetilmegen yamasa kórsetilgen bahadan joqarı bolǵan dári quralların sertifikatlastırıw qadaǵan etiletuǵını belgilensin.
3. Densawlıqtı saqlaw ministrligi 2022-jıldıń aqırına shekem:
a) 2025-jıl 1-yanvarǵa shekemgi múddette mámleketlik dizimnen ótkermesten májbúriy sertifikatlastırıw shárti menen medicina ámeliyatında qollanıw hám kirgiziwge ruqsat beriletuǵın, Ózbekstan Respublikasında má mleketlik dizimnen ótkerilgen analogları joq bolǵan dári quralları hám medicinalıq ásbap-úskeneler dizimin tastıyıqlasın. Onda, usı dári quralları hám medicinalıq ásbap-úskeneler olardıń Ózbekstan Respublikasında analogları mámleketlik dizimnen ótkerilgen kúnnen baslap úsh ay múddette Densawlıqtı saqlaw ministrligi tárepinen tastıyıqlanǵan dizimnen shıǵaralıwı kerek;
b) nawqaslardı emlew ushın talap etiletuǵın dári quralları hám medicinalıq ásbap-úskenelerdiń tolıq emlewxana tárepinen satıp alınatuǵının esapqa alıp:
emlewxanalarda dári quralları hám medicinalıq ásbap-úskeneler satıp alınıwı boyınsha qánige lawazımınıń engiziliwin;
emlewxanalar tárepinen baslanǵısh zárúr bolatuǵın rezervtiń Mámleketlik byudjet hám byudjetten tısqarı qarjılar esabınan qáliplestiriliwin támiyinlesin:
v) Mámleketlik byudjet hám byudjetten tısqarı qarjılar esabınan satıp alınǵan dári quralları hám medicinalıq ásbap-úskenelerdiń kúnlik qaldıǵı jáne bahaları dárekler kesiminde emlewxanalardıń rásmiy veb-saytlarında jaylastırılıwın hám turaqlı jańalap barılıwın támiyinlesin.
4. Emlewxanalar tárepinen dári quralları hám medicinalıq ásbap-úskenelerdiń satıp alınıwı ushın tólemler byudjet sisteması byudjetleri qárejetleri bólistiriliwiniń I topar qárejetleri ushın belgilengen múddetlerde de ámelge asırılıwına ruqsat berilsin.
Qarjı ministrligi Densawlıqtı saqlaw ministrliginiń tiykarlanǵan esap-sanaqlarına muwapıq emlewxanalardı dári quralları hám medicinalıq ásbap-úskeneler menen úzliksiz támiyinlew ushın talap etiletuǵın zárúr qarjılar hár jılı Mámleketlik byudjet parametrlerinde názerde tutılıwın támiyinlesin.
5. Dári qurallarınıń usaqlap satıw sawdasına jámiyetlik qadaǵalawdı engiziw maqsetinde 2023-jıl 1-maydan baslap:
fizikalıq táreplerden satıp alınǵan dári quralları ushın dárixanalar tárepinen beriletuǵın satıp alıw chekiniń fiskal belgisi matricalı shtrix kod (14-kod) járdeminde skanerlew arqalı salıq uyımlarınıń arnawlı mobil qosımshasında dizimnen ótkerilgende dári qurallarınıń bahaları Farmecevtika tarmaǵın rawajlandırıw agentliginiń málimleme sistemasındaǵı dári qurallarınıń usaqlap satıw referent bahaları menen avtomatikalıq túrde salıstırılatuǵını;
matricalı shtrix kod (14-kod) járdeminde skanerlew nátiyjesinde dári qurallarınıń usaqlap satıw bahalarına belgilengen ústemeler arttırıp qollanılǵanılıǵı anıqlanǵan jaǵdayda, tiyisli ilaj kóriw ushın bul haqqında tutınıwshılardıń huqıqların qorǵaw ushın arnawlı wákillik berilgen mámleketlik uyımǵa avtomatikalıq túrde xabar jiberiletuǵını;
satıp alıw cheki boyınsha baha dári quralınıń usaqlap satıw referent bahasınan artıq dep tabılǵanda, usı maǵlıwmat tiykarında ótkerilgen tekseriw juwmaǵına bola huqıqbuzardan belgilengen tártipte járiyma óndiriletuǵını.
Onda, satıp alıw chekinde satıp alınǵan dári quralları hám medicinalıq ásbap-úskenelerdiń tolıq muǵdarda kórsetilmewine sawda yamasa xızmet kórsetiw qaǵıydaları haqqındaǵı nızamshılıqtı buzıw sıpatında tán alınatuǵını belgilensin.
6. Farmacevtika tarmaǵın rawajlandırıw agentligi 2023-jıl 1-martqa shekem agentliktiń byudjetten tısqarı qarjıları esabınan dári qurallarınıń islep shıǵarılıwınan baslap olardıń tutınıw nátiyjesine shekem bolǵan processlerdi názerde tutatuǵın Farmacevtika ónimleriniń esabı hám qadaǵalaw málimleme sistemasın engizsin.
Mápdar ministrlik hám uyımlar 2-qosımshaǵa muwapıq tastıyıqlanǵan maǵlıwmatlardıń Farmecevtika ónimleriniń esabı hám qadaǵalaw málimleme sistemasına integraciyalanıwın támiyinlesin.
7. Sanitariyalıq-epidemiologiyalıq tınıshlıq hám jámiyetlik salamatlıq xızmeti Farmacevtika tarmaǵın rawajlandırıw agentligi menen birgelikte:
2022-jıldıń aqırına shekem biologiyalıq aktiv qosımshalardı mámleketlik dizimnen ótkeriwde olardıń qáwipsizligi hám quramın qadaǵalawdan ótkeriw boyınsha Ministrler Kabinetine usınıs kirgizsin;
2023-jıl 1-iyunǵa shekem Ózbekstan Respublikasında mámleketlik dizimnen ótkerilgen dári qurallarınıń medicinada qollanılıwına baylanıslı instrukciya jáne biologiyalıq aktiv qosımshalardıń elektron katalogın islep shıqsın hám ózleriniń rásmiy saytlarına jaylastırsın.
8. Esap palatası Bas prokuratura menen birgelikte usı qararda belgilengen wazıypalardıń tolıq hám sapalı orınlanıwı boyınsha turaqlı qadaǵalaw ornatsın hám hár yarım jılda Ózbekstan Respublikası Prezidenti Administraciyasına málimleme kirgizip barsın.
9. Densawlıqtı saqlaw ministrligi:
bir ay múddette biologiyalıq aktiv qosımshalar, azıq-awqat qosımshaları, biologiyalıq qurallar hám materiallardı sırttan alıp keliw hám islep shıǵarıwǵa Birden-bir interaktiv mámleketlik xızmetler portalı arqalı ruqsatnama beriw tártibin názerde tutatuǵın qarar joybarın Ministrler Kabinetine kirgizsin;
eki ay múddette «Puqaralardıń densawlıǵın saqlaw haqqında»ǵı hám «Dári quralları hám farmacevtika jumısı haqqında»ǵı Ózbekstan Respublikasınıń nızamlarına Densawlıqtı saqlaw ministrligi tárepinen receptsiz beriletuǵın dári qurallarınıń dizimin tastıyıqlaw jáne dári elementlerin (substanciyalardı) mámleketlik dizimnen ótkeriwdi názerde tutatuǵın normanı biykarlaw boyınsha ózgerisler kirgiziwge baylanıslı nızam joybarın Ministrler Kabinetine kirgizsin;
úsh ay múddette mápdar ministrlikler hám uyımlar menen birgelikte nızamshılıq hújjetlerine usı qarardan kelip shıǵatuǵın ózgerisler hám qosımshalar haqqında Ministrler Kabinetine usınıslar kirgizsin.
10. Xalıqtı sapalı dári quralları menen támiyinlew boyınsha ilajlardı ámelge asırıw boyınsha «jol kartası» 3-qosımshaǵa muwapıq tastıyıqlansın.
11. Ózbekstan Respublikası Prezidentiniń hám Ózbekstan Respublikası Húkimetiniń ayırım hújjetlerine 4-qosımshaǵa muwapıq ózgerisler hám qosımshalar kirgizilsin.
12. Usı qarardıń orınlanıwın nátiyjeli shólkemletiriwge juwapker hám jeke juwapker etip densawlıqtı saqlaw ministri B.A.Musaev belgilensin.
Qarardıń orınlanıwın qadaǵalaw hám orınlaw ushın juwapker shólkemlerdiń jumısın muwapıqlastırıw Ózbekstan Respublikasınıń Bas ministri A.N.Aripovqa hám Ózbekstan Respublikası Prezidenti keńesgóyiniń birinshi orınbasarı L.N.Twychievqa júklensin.
Xalıq hám medicina shólkemleriniń sapalı dári quralları jáne medicinalıq buyımlar menen támiyinleniw dárejesin arttırıw, tarawda tásirsheń jámiyetlik qadaǵalawdı alıp barıw ushın sharayatlar jaratıw, sonday-aq, 2022-jıl 18-mart kúni ótkerilgen Ózbekstan Respublikası Prezidentiniń densawlıqtı saqlaw tarawı wákilleri menen «Medicinadaǵı reformalar – insan qádiri ushın» temasındaǵı ashıq sóylesiwi sheńberinde belgilengen wazıypalardıń orınlanıwın támiyinlew maqsetinde:
1. Sonday tártip ornatılsın, oǵan muwapıq 2023-jıl 1-yanvardan baslap:
a) 1-qosımshaǵa muwapıq dizimde belgilengen dári qurallarınan tısqarı barlıq jańa dári quralları:
klinikalıq izertlewlerdiń unamlı nátiyjesi tiykarında mámleketlik dizimnen ótkeriledi. Onda, ayrıqsha dári quralların klinikalıq izertlewlersiz mámleketlik dizimnen ótkeriw Densawlıqtı saqlaw ministrligi tárepinen belgilengen tártipke muwapıq ámelge asırıladı;
orınlarǵa shıqqan halda óndirislik jaǵdaylardıń «Zárúr óndirislik ámeliyat – GMP» talaplarına muwapıqlıǵı úyrenilgeninen soń Ózbekstan Respublikasında mámleketlik dizimnen ótkeriledi;
b) tómendegiler biykar etiledi;
receptsiz beriletuǵın dári qurallarınıń dizimin Densawlıqtı saqlaw ministrligi tárepinen tastıyıqlaw. Onda, dári qurallarınıń recept boyınsha hám receptsiz beriliwi olardıń medicinada qollanılıwına baylanıslı instrukciyalarda belgilengen tártipte ámelge asırıladı;
dári elementlerin (substanciyalardı) mámleketlik dizimnen ótkeriw;
Ózbekstan Respublikasınan tısqarıda ámelge asırılǵan dári qurallarınıń dizimnen ótkeriw nátiyjelerin tán alıwda standart úlgilerin talap etiw;
v) Mámleketlik medicinalıq qamsızlandırıw qorı arqalı qarjılandırılatuǵın respublika dárejesindegi mámleketlik stacionar medicina mákemelerinde (keyingi orınlarda – emlewxanalar) nawqaslardı dári quralları hám medicinalıq ásbap-úskeneler menen támiyinlew emlewxana arqalı ámelge asırıladı. Onda, ayrıqsha jaǵdaylarda emlewxanada nawqaslar tárepinen alıp kelingen dári quralları hám medicinalıq ásbap-úskenelerdi paydalanıwǵa ruqsat beriw tártibi Densawlıqtı saqlaw ministrligi tárepinen belgilenedi.
2. a) nawqaslardı emlewxanada dári quralları hám medicinalıq ásbap-úskeneler menen támiyinlew:
dáslep respublika dárejesindegi emlewxanalarda 2023-jıl dawamında tájiriybe-sınaq tárizinde ámelge asırılatuǵını;
olarǵa qárejetler smetası boyınsha ajıratılıwı názerde tutılǵan qarjılar esabınan kepillengen medicinalıq xızmetler hám dári quralları paketi sheńberinde satıp alınatuǵın dári quralları hám mádicinalıq ásbap-úskeneler biypul, qalǵan jaǵdaylarda tólemli tiykarda emlewxanaǵa kiris etilgen bahalarda ámelge asırılatuǵını. Onda, emlewxana tárepinen satıp alınatuǵın dári qurallarınıń bahası belgilengen kótere referent bahalarınan joqarı bolmawı zárúr ekenligi;
b) 2023-jıl 1-iyulden baslap referent bahaları kórsetilmegen yamasa kórsetilgen bahadan joqarı bolǵan dári quralların sertifikatlastırıw qadaǵan etiletuǵını belgilensin.
3. Densawlıqtı saqlaw ministrligi 2022-jıldıń aqırına shekem:
a) 2025-jıl 1-yanvarǵa shekemgi múddette mámleketlik dizimnen ótkermesten májbúriy sertifikatlastırıw shárti menen medicina ámeliyatında qollanıw hám kirgiziwge ruqsat beriletuǵın, Ózbekstan Respublikasında má mleketlik dizimnen ótkerilgen analogları joq bolǵan dári quralları hám medicinalıq ásbap-úskeneler dizimin tastıyıqlasın. Onda, usı dári quralları hám medicinalıq ásbap-úskeneler olardıń Ózbekstan Respublikasında analogları mámleketlik dizimnen ótkerilgen kúnnen baslap úsh ay múddette Densawlıqtı saqlaw ministrligi tárepinen tastıyıqlanǵan dizimnen shıǵaralıwı kerek;
b) nawqaslardı emlew ushın talap etiletuǵın dári quralları hám medicinalıq ásbap-úskenelerdiń tolıq emlewxana tárepinen satıp alınatuǵının esapqa alıp:
emlewxanalarda dári quralları hám medicinalıq ásbap-úskeneler satıp alınıwı boyınsha qánige lawazımınıń engiziliwin;
emlewxanalar tárepinen baslanǵısh zárúr bolatuǵın rezervtiń Mámleketlik byudjet hám byudjetten tısqarı qarjılar esabınan qáliplestiriliwin támiyinlesin:
v) Mámleketlik byudjet hám byudjetten tısqarı qarjılar esabınan satıp alınǵan dári quralları hám medicinalıq ásbap-úskenelerdiń kúnlik qaldıǵı jáne bahaları dárekler kesiminde emlewxanalardıń rásmiy veb-saytlarında jaylastırılıwın hám turaqlı jańalap barılıwın támiyinlesin.
4. Emlewxanalar tárepinen dári quralları hám medicinalıq ásbap-úskenelerdiń satıp alınıwı ushın tólemler byudjet sisteması byudjetleri qárejetleri bólistiriliwiniń I topar qárejetleri ushın belgilengen múddetlerde de ámelge asırılıwına ruqsat berilsin.
Qarjı ministrligi Densawlıqtı saqlaw ministrliginiń tiykarlanǵan esap-sanaqlarına muwapıq emlewxanalardı dári quralları hám medicinalıq ásbap-úskeneler menen úzliksiz támiyinlew ushın talap etiletuǵın zárúr qarjılar hár jılı Mámleketlik byudjet parametrlerinde názerde tutılıwın támiyinlesin.
5. Dári qurallarınıń usaqlap satıw sawdasına jámiyetlik qadaǵalawdı engiziw maqsetinde 2023-jıl 1-maydan baslap:
fizikalıq táreplerden satıp alınǵan dári quralları ushın dárixanalar tárepinen beriletuǵın satıp alıw chekiniń fiskal belgisi matricalı shtrix kod (14-kod) járdeminde skanerlew arqalı salıq uyımlarınıń arnawlı mobil qosımshasında dizimnen ótkerilgende dári qurallarınıń bahaları Farmecevtika tarmaǵın rawajlandırıw agentliginiń málimleme sistemasındaǵı dári qurallarınıń usaqlap satıw referent bahaları menen avtomatikalıq túrde salıstırılatuǵını;
matricalı shtrix kod (14-kod) járdeminde skanerlew nátiyjesinde dári qurallarınıń usaqlap satıw bahalarına belgilengen ústemeler arttırıp qollanılǵanılıǵı anıqlanǵan jaǵdayda, tiyisli ilaj kóriw ushın bul haqqında tutınıwshılardıń huqıqların qorǵaw ushın arnawlı wákillik berilgen mámleketlik uyımǵa avtomatikalıq túrde xabar jiberiletuǵını;
satıp alıw cheki boyınsha baha dári quralınıń usaqlap satıw referent bahasınan artıq dep tabılǵanda, usı maǵlıwmat tiykarında ótkerilgen tekseriw juwmaǵına bola huqıqbuzardan belgilengen tártipte járiyma óndiriletuǵını.
Onda, satıp alıw chekinde satıp alınǵan dári quralları hám medicinalıq ásbap-úskenelerdiń tolıq muǵdarda kórsetilmewine sawda yamasa xızmet kórsetiw qaǵıydaları haqqındaǵı nızamshılıqtı buzıw sıpatında tán alınatuǵını belgilensin.
6. Farmacevtika tarmaǵın rawajlandırıw agentligi 2023-jıl 1-martqa shekem agentliktiń byudjetten tısqarı qarjıları esabınan dári qurallarınıń islep shıǵarılıwınan baslap olardıń tutınıw nátiyjesine shekem bolǵan processlerdi názerde tutatuǵın Farmacevtika ónimleriniń esabı hám qadaǵalaw málimleme sistemasın engizsin.
Mápdar ministrlik hám uyımlar 2-qosımshaǵa muwapıq tastıyıqlanǵan maǵlıwmatlardıń Farmecevtika ónimleriniń esabı hám qadaǵalaw málimleme sistemasına integraciyalanıwın támiyinlesin.
7. Sanitariyalıq-epidemiologiyalıq tınıshlıq hám jámiyetlik salamatlıq xızmeti Farmacevtika tarmaǵın rawajlandırıw agentligi menen birgelikte:
2022-jıldıń aqırına shekem biologiyalıq aktiv qosımshalardı mámleketlik dizimnen ótkeriwde olardıń qáwipsizligi hám quramın qadaǵalawdan ótkeriw boyınsha Ministrler Kabinetine usınıs kirgizsin;
2023-jıl 1-iyunǵa shekem Ózbekstan Respublikasında mámleketlik dizimnen ótkerilgen dári qurallarınıń medicinada qollanılıwına baylanıslı instrukciya jáne biologiyalıq aktiv qosımshalardıń elektron katalogın islep shıqsın hám ózleriniń rásmiy saytlarına jaylastırsın.
8. Esap palatası Bas prokuratura menen birgelikte usı qararda belgilengen wazıypalardıń tolıq hám sapalı orınlanıwı boyınsha turaqlı qadaǵalaw ornatsın hám hár yarım jılda Ózbekstan 9. Respublikası Prezidenti Administraciyasına málimleme kirgizip barsın.
9. Densawlıqtı saqlaw ministrligi:
bir ay múddette biologiyalıq aktiv qosımshalar, azıq-awqat qosımshaları, biologiyalıq qurallar hám materiallardı sırttan alıp keliw hám islep shıǵarıwǵa Birden-bir interaktiv mámleketlik xızmetler portalı arqalı ruqsatnama beriw tártibin názerde tutatuǵın qarar joybarın Ministrler Kabinetine kirgizsin;
eki ay múddette «Puqaralardıń densawlıǵın saqlaw haqqında»ǵı hám «Dári quralları hám farmacevtika jumısı haqqında»ǵı Ózbekstan Respublikasınıń nızamlarına Densawlıqtı saqlaw ministrligi tárepinen receptsiz beriletuǵın dári qurallarınıń dizimin tastıyıqlaw jáne dári elementlerin (substanciyalardı) mámleketlik dizimnen ótkeriwdi názerde tutatuǵın normanı biykarlaw boyınsha ózgerisler kirgiziwge baylanıslı nızam joybarın Ministrler Kabinetine kirgizsin;
úsh ay múddette mápdar ministrlikler hám uyımlar menen birgelikte nızamshılıq hújjetlerine usı qarardan kelip shıǵatuǵın ózgerisler hám qosımshalar haqqında Ministrler Kabinetine usınıslar kirgizsin.
10. Xalıqtı sapalı dári quralları menen támiyinlew boyınsha ilajlardı ámelge asırıw boyınsha «jol kartası» 3-qosımshaǵa muwapıq tastıyıqlansın.
11. Ózbekstan Respublikası Prezidentiniń hám Ózbekstan Respublikası Húkimetiniń ayırım hújjetlerine 4-qosımshaǵa muwapıq ózgerisler hám qosımshalar kirgizilsin.
12. Usı qarardıń orınlanıwın nátiyjeli shólkemletiriwge juwapker hám jeke juwapker etip densawlıqtı saqlaw ministri B.A.Musaev belgilensin.
Qarardıń orınlanıwın qadaǵalaw hám orınlaw ushın juwapker shólkemlerdiń jumısın muwapıqlastırıw Ózbekstan Respublikasınıń Bas ministri A.N.Aripovqa hám Ózbekstan Respublikası Prezidenti keńesgóyiniń birinshi orınbasarı L.N.Twychievqa júklensin.
Ózbekstan Respublikası
Prezidenti Sh.MIRZIYOEV