Qaraqalpaqstan Respublikası Joqarǵı Keńesiniń Baslıǵı Amanbay Orınbaev Ózbekstan Respublikası Oliy Majlisi Senati hám Qazaqstan Respublikası Parlamenti Senati arasındaǵı birge islesiw boyınsha komissiyanıń úshinshi májlisinde qatnastı
2664
Usı jıldıń 28-oktyabr kúni Ózbekstan Respublikası Oliy Majlisi Senati hám Qazaqstan Respublikası Parlamenti Senati arasındaǵı birge islesiw boyınsha komissiyanıń úshinshi májlisi bolıp ótti.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnastı.
Májiliste ekologiya tarawında birge islesiw, sonnan, Aral teńizin tiklew, onıń ekosistemasın qorǵaw boyınsha qospa baǵdarlamalar hám is-ilajlardı ámelge asırıw, sonday-aq, ámelge asırılıp atırǵan jańa joybarlar kórip shıǵıldı. Sonıń menen birge, Aralboyı aymaǵında ekologiyalıq jaǵdaydı jaqsılawǵa qaratılǵan is-ilajlar haqqında keńirek maǵlıwmat berildi.
Aktual máselelerdi sheshiwde parlamentleraralıq hám xalıqaralıq imkaniyatlardan paydalanıw áhmiyetliligi ayrıqsha atap ótildi.
Sonnan, ekologiyalıq mashqalalardı sheshiw hám Aral teńizi apatshılıǵı aqıbetlerine qarsı gúresiw hár eki mámleket ushın da strategiyalıq áhmiyetke iye ekenligi atap ótildi.
Joqarǵı Keńes Baslıǵı Amanbay Orınbaev ekologiyalıq mashqalalardı jumsartıw hám Aralboyı aymaǵı xalqı ushın zárúr sharayat jaratıw boyınsha alıp barılıp atırǵan jumıslarǵa toqtap ótti.
Bunnan tısqarı, Aral teńiziniń qurıǵan ultanın kóklemzarlastırıw hám «Jasıl mákan» ulıwmamilliy joybarı sheńberinde klimat ózgeriwi aqıbetlerin saplastırıw, terekliklerdi kóbeytiw arqalı ósimliklerdi qorǵaw, tiklew hám kóbeytiw boyınsha jumıslardı nátiyjeli shólkemlestiriw baǵdarında pikir-usınıslar bildirildi.
Tárepler usı baǵdarda ilimiy-izertlew jumısların elede rawajlandırıw hám Aral mashqalasın global kólemde kóteriw, onı kelesi qospa ilajlar kún tártibine kirgiziwde birgeliktegi jumıslardı ámelge asırıw boyınsha kelisip alındı.
Májiliste ekologiya tarawında birge islesiw, sonnan, Aral teńizin tiklew, onıń ekosistemasın qorǵaw boyınsha qospa baǵdarlamalar hám is-ilajlardı ámelge asırıw, sonday-aq, ámelge asırılıp atırǵan jańa joybarlar kórip shıǵıldı. Sonıń menen birge, Aralboyı aymaǵında ekologiyalıq jaǵdaydı jaqsılawǵa qaratılǵan is-ilajlar haqqında keńirek maǵlıwmat berildi.
Aktual máselelerdi sheshiwde parlamentleraralıq hám xalıqaralıq imkaniyatlardan paydalanıw áhmiyetliligi ayrıqsha atap ótildi.
Sonnan, ekologiyalıq mashqalalardı sheshiw hám Aral teńizi apatshılıǵı aqıbetlerine qarsı gúresiw hár eki mámleket ushın da strategiyalıq áhmiyetke iye ekenligi atap ótildi.
Joqarǵı Keńes Baslıǵı Amanbay Orınbaev ekologiyalıq mashqalalardı jumsartıw hám Aralboyı aymaǵı xalqı ushın zárúr sharayat jaratıw boyınsha alıp barılıp atırǵan jumıslarǵa toqtap ótti.
Bunnan tısqarı, Aral teńiziniń qurıǵan ultanın kóklemzarlastırıw hám «Jasıl mákan» ulıwmamilliy joybarı sheńberinde klimat ózgeriwi aqıbetlerin saplastırıw, terekliklerdi kóbeytiw arqalı ósimliklerdi qorǵaw, tiklew hám kóbeytiw boyınsha jumıslardı nátiyjeli shólkemlestiriw baǵdarında pikir-usınıslar bildirildi.
Tárepler usı baǵdarda ilimiy-izertlew jumısların elede rawajlandırıw hám Aral mashqalasın global kólemde kóteriw, onı kelesi qospa ilajlar kún tártibine kirgiziwde birgeliktegi jumıslardı ámelge asırıw boyınsha kelisip alındı.
Qaraqalpaqstan Respublikası Joqarǵı Keńesiniń Málimleme xızmeti