«Jasıl mákan» ulıwma milliy joybarı sheńberinde ámeliy seminar shólkemlestirildi
1168
Búgin, Nókis rayonı “Samanbay” APJ aymaǵında «Jasıl mákan» ulıwma milliy joybarı sheńberinde dekorativ hám miyweli terek nállerin egiw ushın orınlardı tayarlaw boyınsha ámeliy seminar bolıp ótti.
Seminarǵa Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev qatnastı.
Onda Xojeli, Taqıyatas, Ámiwdarya hám Nókis qalasınan kelgen awıl xojalıǵı qánigelerine terek nálleri ushın orın tayarlawda zárúrli bolǵan kompost hám biogumus tayarlaw usılları boyınsha keńnen túsinik berildi.
Sonıń menen birge “Jasıl mákan” ulıwma milliy joybarı sheńberinde terek nálleri egildi.
Qaraqalpaqstan Respublikası Joqarǵı Keńesiniń Málimleme xızmeti