Qaraqalpaqstan hám Jaslıq posyolkalarında Qaraqalpaqstan Respublikası Joqarǵı Keńesiniń Baslıǵı Amanbay Orınbaevtıń jeke qabıllawı bolıp ótti
2395
Mámleketimiz basshısınıń tapsırması tiykarında Qaraqalpaqstan Respublikası Joqarǵı Keńesiniń Baslıǵı Amanbay Orınbaev paytaxttan derlik 450 km qashıqlıqta jaylasqan shegara aymaq, Qońırat rayonı "Qaraqalpaqstan" posyolka puqaralar jıyınında bolıp, puqaralar menen ushırastı. Dáslep, Respublikamız basshısı ayırım aymaq turǵınlarınan Joqarǵı Keńes Baslıǵınıń telegram bot kanalına kelip túsken murájatlarında kórsetilgen máselelerdi barıp kórdi. Málim bolıwınsha puqaralar jıyınındaǵı 24 xojalıqqa arnap salınǵan turaq jaylardıń sapası talap dárejesinde bolmaǵanlıǵı sebepli, ayırım mashqalalardı keltirip shıǵarmaqta. Joqarǵı Keńes Baslıǵı bul máseleni unamlı sheshiw boyınsha tiyisli taraw basshılarına anıq tapsırmalar berdi. Bunnan soń, aymaqtaǵı Mádeniyat sarayı imaratında Joqarǵı Keńes Baslıǵı Amanbay Orınbaevtıń jeke qabıllawı bolıp ótti. Onda posyolka puqaraları ózleriniń sociallıq, elektr energiya, tábiyǵıy gaz, ishimlik suwı, sonday-aq, isbilermenlik tarawındaǵı ayırım máselelerin aytıp múrájat etti. "Hár bir múrájat artında bir insannıń táǵdiri bar" usı princip tiykarında ótkerilgen qabıllawda kelip túsken hár bir múrájat dıqqat penen tıńlanıp, unamlı sheshim tabıw boyınsha bar imkaniyatlar iske salındı.
Qabıllawlarda jumıs sorap múrájat etken Nurlan Qatarbaev, Roma Aleksandrov, Zinayda Bayjanova sıyaqlı bir qatar puqaralardıń bántligi támiyinlendi. Olar aymaqtaǵı kárxana hám isbilermenlik subektlerine jumısqa ornalastı. Aymaqta azıq-awqat ónimlerin satıw menen shuǵıllanıwshı isbilermen Rashit Babaevtıń múrájatına bola, óz isbilermenligin keńeytiw ushın ózi qálegen jer ornı aukcion saudasına qoyıp beriletuǵın boldı. Sonday-aq, jas isbilermen Oljas Esenovta óz jumısın keńeytip, aymaqtıń potencialınan nátiyjeli paydalanǵan halda túyeshilik fermer xojalıǵın shólkemlestiriw hám xalqımızdı túye súti, gósh ónimleri menen támiyinlewdi maqset etken. Bul joybardı ámelge asırıw ushın jeńilletilgen kredit sorap Joqarǵı Keńes Baslıǵına múrájat etti. Hákim járdemshisiniń usınısı tiykarında oǵan kerekli muǵdardaǵı jeńilletilgen kredit ajıratılatuǵın boldı. Sonıń menen birge qabıllaw dawamında járdemge mútáj puqaralar tárepinen úy jayların ońlap beriw, kontrakt tólemi hám materiallıq járdem sorap múrájat etken kópshilik puqaralardıń máseleleri unamlı sheshim taptı.
Kúnniń ekinshi yarımında Joqarǵı Keńes Baslıǵı Jaslıq PPJ turǵınlarınıń múrájatların tıńlaw hám sheshim taptırıw maqsetinde aymaqta boldı.
Qabıllaw dawamında Jaslıq PPJ turǵınları Salamat Jańabaev hám Sveta Eliwbaevalardıń turaq jayın ońlap beriw boyınsha múrájatı sheshimin tawıp, tiyisli qarjılar ajıratılatuǵın boldı.
Mırzagúl Qurbanovanıń shólkemlestiriwindegi shirket xojalıǵı jumısın jetilistiriw maqsetinde kerekli ásbap-úskenelerdi alıw boyınsha múrájatı da unamlı sheshilip, zárúr qarjılar ajıratılatuǵın boldı hám bunıń nátiyjesinde 17 kóp qabatlı turaq jaydıń aqaba suw mashqalası sheshimin taptı.
Bunnan tısqarı hár eki aymaqtan bir neshe puqaranıń ózin-ózi bánt etiwine kómeklesilip, ásbap-úskeneler berildi.
Joqarǵı Keńes Baslıǵı Amanbay Orınbaev óz sózinde "Hár bir múrájat artında bir insannıń huqıqı bar" dep atap ótken edi. Ótkerilgen qabıllaw arqalı bul sóz óz tastıyıǵın tawıp, olardıń huqıqları tiykarında múrájatlarınıń sheshimin tabıw boyınsha zárúrli ilajlar kórildi.
Waqıt talap etiletuǵın múrájatlar Qaraqalpaqstan Respublikası Joqarǵı Keńesi Baslıǵınıń jeke qadaǵalawına alınıp, tez pursatta unamlı sheshiw boyınsha tiyisli taraw basshılarına tapsırmalar berildi.
Bunday iygilikli isler respublikamız boylap bunnan-bılayda dawam ettiriledi.
Qabıllawlarda jumıs sorap múrájat etken Nurlan Qatarbaev, Roma Aleksandrov, Zinayda Bayjanova sıyaqlı bir qatar puqaralardıń bántligi támiyinlendi. Olar aymaqtaǵı kárxana hám isbilermenlik subektlerine jumısqa ornalastı. Aymaqta azıq-awqat ónimlerin satıw menen shuǵıllanıwshı isbilermen Rashit Babaevtıń múrájatına bola, óz isbilermenligin keńeytiw ushın ózi qálegen jer ornı aukcion saudasına qoyıp beriletuǵın boldı. Sonday-aq, jas isbilermen Oljas Esenovta óz jumısın keńeytip, aymaqtıń potencialınan nátiyjeli paydalanǵan halda túyeshilik fermer xojalıǵın shólkemlestiriw hám xalqımızdı túye súti, gósh ónimleri menen támiyinlewdi maqset etken. Bul joybardı ámelge asırıw ushın jeńilletilgen kredit sorap Joqarǵı Keńes Baslıǵına múrájat etti. Hákim járdemshisiniń usınısı tiykarında oǵan kerekli muǵdardaǵı jeńilletilgen kredit ajıratılatuǵın boldı. Sonıń menen birge qabıllaw dawamında járdemge mútáj puqaralar tárepinen úy jayların ońlap beriw, kontrakt tólemi hám materiallıq járdem sorap múrájat etken kópshilik puqaralardıń máseleleri unamlı sheshim taptı.
Qaraqalpaqstan Respublikası Joqarǵı Keńesiniń Málimleme xızmeti