Ellikqala rayonınıń hákim orınbasarları hám hákim járdemshileri jazalandı
2432
Elimizde alıp barılıp atırǵan reformalar hám ámelge asırılıp atırǵan iygilikli baslamalar puqaralarımızdıń búgingi turmısınan razılıǵın támiyinlew jolında xızmet etiwi tiyis hám bul boyınsha ámeliy jumıslar real ómirde óz sáwlesin tawıp atır. Usıǵan qaramay, ayırım basshılar tárepinen óz jumısına nemquraylıq penen qarap, belgilengen wazıypalardı orınlawda artta qalıwshılıq jaǵdaylarına jol qoyıp atırǵanlıǵı da sır emes.
Jaqında Qaraqalpaqstan Respublikası Joqarǵı Keńesiniń Baslıǵı Amanbay Orınbaev Ellikqala rayonın social-ekonomikalıq jaqtan rawajlandırıw, xalıqtıń jasaw sharayatın jaqsılaw baǵdarında alıp barılıp atırǵan jumıslar menen tanısıw maqsetinde rayonda bolıp, Joqarǵı Keńes Baslıǵı tapsırmasına bola ótkerilgen úyreniwler nátiyjesi boyınsha rayon belsendileri hám tiyisli taraw basshıları qatnasıwında májilis ótkergen edi.
Bolıp ótken májiliste ayırım taraw basshıları sınǵa alınıp, Ózbekstan Respublikası Prezidenti qararları, pármanlar, mámleketlik baǵdarlamalar, sonday-aq, Qaraqalpaqstan Respublikası Joqarǵı Keńesi tárepinen belgilep berilgen tapsırmalardıń orınlanıwın támiyinlewde jol qoyǵan qáte-kemshilikleri ushın qatań eskertildi hám intizamıy jaza sharası qollanıldı.
Sonnan, Ellikqala rayonı hákiminiń qurılıs, kommunikaciyalar, kommunal xojalıǵı, ekologiya hám kóklemzarlastırıw máseleleri boyınsha orınbasarı Jarasbaev Asan Azievich Qaraqalpaqstan Respublikası Joqarǵı Keńesi Baslıǵınıń biyligi menen lawazımınan bosatıldı.
Sonday-aq, Ellikqala rayonı hákiminiń finans-ekonomika hám kámbaǵallıqtı qısqartıw máseleleri boyınsha birinshi orınbasarı – ekonomikalıq rawajlandırıw hám kámbaǵallıqtı qısqartıw bólimi baslıǵı Alimov Babur Qaxramon wǵli hám Ellikqala rayonı hákiminiń jaslar siyasatı, sociallıq rawajlandırıw hám ruwxıy-aǵartıwshılıq isleri boyınsha orınbasarı Rajapbaev Usmanbek Karomaddinovichke «Sógis» járiyalandı.
Jumıssız puqaralardıń bántligin támiyinlew ushın belgilengen jeńilletilgen kredit qarjılarınıń maqsetsiz ajıratılıwına jol qoyǵanlıǵı ushın «Ibn-sino» máhállesiniń hákim járdemshisi G.Rwzimbetov iyelep turǵan lawazımınan azat etildi.
«Guldirsin» máhállesi hákim járdemshisi U.Ruzmatov, «Sharq juldızı» máhállesi hákim járdemshisi Sh.Qwshnazarov, «Dumanqala» máhállesi hákim járdemshisi A.Twxtabaev, «Amirabad» máhállesi hákim járdemshisi V.Qurbanbaev, «Tashkent» máhállesi hákim járdemshisi K.Niyazimbetov, «Gulistan» máhállesi hákim járdemshisi X.Ayitbaev, «Aq altın» máhállesi hákim járdemshisi A.Jaqsilikov, «Doslıq» máhállesi hákim járdemshisi O.Raximboev, «Sarabiy» máhállesi hákim járdemshisi R.Matsapaev, «Cho'pon» máhállesi hákim járdemshisi W.Sharipov, «Ayazqala» máhállesi hákim járdemshisi A.Aminov, «Bostan» máhállesi hákim járdemshisi D.Alimov, «A.Nawayı» máhállesi hákim járdemshisi B.Kuchkarov, «Abay» máhállesi hákim járdemshisi S.Kenjaev hám «Qavatqala» máhállesi hákim járdemshisi O.Turebaevlarǵa intizamiy jaza sharası qollanılıp, «Sógis» járiyalandı.
Qaraqalpaqstan Respublikası Joqarǵı Keńesiniń Málimleme xızmeti