Qayırqomlıq ilajları shólkemlestirildi
1359
Ózbekstan kásiplik awqamları Federaciyasınıń Qaraqalpaqstan keńesi tárepinen «Jańa Ózbekstanda el áziz, insan áziz!» uranı tiykarında qayırqomlıq ilajları ótkerilip atır.
Jaqında Ózbekstan kásiplik awqamları Federaciyasınıń Qaraqalpaqstan keńesi xızmetkerleri, Qaraqalpaq mámleketlik jas tamashagóyler teatrı jámááti hámde belsendiler menen birgelikte Nókis qalasında jaylasqan Hayallar «Múriwbet úyi»nen xabar aldı.
Ilajda Senator, Ózbekstan kásiplik awqamları Federaciyası baslıǵınıń orınbasarları – Qaraqalpaqstan keńesi baslıǵı Uluǵbek Jalmenov qatnasıp, Hayallar «Múriwbet úyi»nde jasawshılar menen sáwbetlesti hámde olardıń jasaw sharayatı menen jaqınnan tanıstı.
Ilaj dawamında ónermendshilik kórgizbesi shólkemlestirilip, kewilashar koncert-baǵdarlaması qoyıp berildi.
Ózbekstan kásiplik awqamları Federaciyasınıń Qaraqalpaqstan keńesi tárepinen Hayallar «Múriwbet úyi»ne qayırqomlıq járdemleri kórsetildi.
Qaraqalpaqstan Respublikası Joqarǵı Keńesiniń Málimleme xızmeti