Nuranıylar ushın sayaxat shólkemlestirildi
1509
Elimizde hár bir insan itibarda. Usılar qatarında nuranıylarımız da barqulla dıqqat itibarda bolıp, olardıń halınan xabar alınıp atır. Sonday-aq, olardıń waqtın mazmunlı shólkemlestiriw maqsetinde bir qansha ilajlar shólkemlestirilmekte.
Jaqında Qaraqalpaqstan Respublikası Joqarǵı Keńesindegi O'ZLIDEP frakciyası aǵzası, deputat Bahodirjon Sidiqov tárepinen «Samanbay», «Anasay», «Ámiwdárya» hám «Jiydeli baysın» MPJ nuranıyları ushın Buxara hám Samarqand qalasına sayaxat shólkemlestirildi.
Ishki turizm sheńberinde shólkemlestirilgen sayaxat dawamında 40 nuranıy Buxara hám Samarqand wálayatlarınıń tariyxı, mádeniy miyrasları, mádeniyatı menen keńnen tanıstı.
Sayaxat dawamında nuranıylar mádeniy dem alıp, ózgeshe tásirler menen qayttı.
Qaraqalpaqstan Respublikası Joqarǵı Keńesiniń Málimleme xızmeti