Taqıyatas rayonında Mámleketlik xızmetler orayı imaratı paydalanıwǵa tapsırıldı
1913
Búgin Taqıyatas rayonında Taqıyatas rayonı Mámleketlik xızmetler orayı imaratınıń ashılıw máresimi bolıp ótti.
Onda Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev shıǵıp sóylep, búgingi kúnde mámleketlik xızmetlerdi kórsetiw sapasın jaqsılaw baǵdarında alıp barılıp atırǵan unamlı jumıslar haqqında atap ótti.
Ózbekstan Respublikası Prezidentiniń 2017-jıl 12-dekabrdegi “Xalıqqa mámleketlik xızmetler kórsetiwdiń milliy sistemasın túp-tiykarınan reformalaw is-ilajları haqqında”ǵı qararı tiykarında mámleketlik xızmetler kórsetiwdiń anıq baǵdarları belgilep berilgen bolıp, búgingi kúnde mámleketlik xızmetlerdiń hár bir túri boyınsha “Puqaralar emes, hújjetler háreket etedi” ólshemi tiykarında jumıslar jolǵa qoyılǵan.
Usı tarawdıń rawajlanıwı nátiyjesinde Mámleketlik xızmetler orayları arqalı puqaralarǵa kórsetilip atırǵan xızmetler sanı 238 ge jetti.
Bunnan soń Joqarǵı Keńes Baslıǵınıń orınbasarı R.Saparbaev Mámleketlik xızmetler orayı imaratında jaratılǵan imkaniyatlar menen jaqınnan tanıstı.
Qaraqalpaqstan Respublikası Joqarǵı Keńesiniń Málimleme xızmeti