Ózbekstandaǵı 8 joqarı oqıw ornı birinshi márte Aziyanıń TOP 1000 universitetleri qatarınan orın aldı
1305
Ullı Britaniyanıń dúnya boyınsha joqarı oqıw orınların analiz etiwge qánigelesken kompaniyası Quacquarelli Symonds (QS) Aziya universitetleriniń 2023-jıl ushın reyting nátiyjelerin járiyaladı.
Onda birinshi márte Berdaq atındaǵı Qaraqalpaq mámleketlik universiteti Aziyanıń TOP 1000 lıqtaǵı eń kúshli universitetleri qatarınan orın aldı.
Quacquarelli Symonds (QS) dıń materikler kesimindegi bul reytingi búgingi kúnge shekem eń úlken reyting esaplanıp, óz ishine Aziyadaǵı 760 eń aldınǵı universitetlerin qamtıp alǵan.
Quacquarelli Symonds (QS) dúnyadaǵı eń jaqsı universitetler reytingin dúziwshiler universitetlerdi altı kórsetkish boyınsha bahalaydı, yaǵnıy, ilimiy izertlew iskerligi, bilim beriw, jumıs beriwshilerdiń pikiri, karera ósiwi potencialı, xalıqaralıq studentler hám professor-oqıtıwshılardıń sanı boyınsha bahalanadı.
Qaraqalpaqstan Respublikası Joqarǵı Keńesiniń Málimleme xızmeti